عايز حريه.....طب ازاى؟؟؟؟؟؟

اولا موضوع رائع واتشرف انى هرد على موضوع عصرى زى دا

* ايه معنى الحريه عندك ؟
الحرية انى اعبر عن راى باسلوب حضارى دون مااجرح فى حد او اسب حد واقول راى باحترام شديد للطرف الاخر

* وايه حدود الحريه عندك ما ليها برده حدود
طالما وصلنا الى انا حر يبقا انا مسئول عن كل تصرفاتى واستحق الثواب على الفعل الحسن والعقاب على الفعل السئ لانى فعلتهما معانا بمحو ارادتى والحرية بدون ثواب وعقاب تصبح فوضى عارمة وليست حرية بالمعنى الصحيح

* وبنقول بقى فى حريه الحريه دى هتتكلم بيها ازاى وياترى انت هتسيطر عليها وتعرف

تستخدمها ولا هى اللى هتسيطر عليك وتخليك تبوظ الدنيا ؟

الحرية ليها حدود زى ماقولت هعبر عن راى باحترامى باسلوب علمى متحضر مشتمت حد مش اخرب فى اى شئ ولاول استخدمها فى الصح مش فى الغلط يعنى اسيطر عليها انا واعملها كنترول ايه يصح اتكلم فيه او اعبر عن راى وايه مش ينفع وكذلك ايه المفروض اعمله وايه غلط انى اعمله

موضوع اكثر من رائع تقبلى راى واسف على الاطالة

تسلم على المرور الجميل ده

وكلامك عجبنى جدا وفى الصح

وان كل واحد مسئول عن تصرفاته

بالصح والغلط

تسلم على مرورك ياميشو نورت موضوعى

موضوع جميل جدا يا ملاك

* ايه معنى الحريه عندك ؟
الحريه بالنسبالى هى انى اقول رأيى ومخافش ولكن بدون التعدى على حريه الاخرين
الحريه هى انى اقوم بكل تصرفاتى السليمه التى لا تتعارض مع حريه الجميع

* وايه حدود الحريه عندك ما ليها برده حدود
حدود الحريه انى لما اعبر عن رأيى ما اتعداش على حرية الاخرين
حدود الحريه انى اراعى حرية الاخرين واحترمها

* وبنقول بقى فى حريه الحريه دى هتتكلم بيها ازاى وياترى انت هتسيطر عليها وتعرف
تستخدمها ولا هى اللى هتسيطر عليك وتخليك تبوظ الدنيا ؟
اكيد لابد من السيطره على الحريه وانا لما اجى اتكلم بحريه
اكيد هكون حاطط حود ليها واقدر اسيطر عليها علشان ما اجرحش حد ولا اتطاول على حد
لانى لو عملت كده اكيد هكون استخدمت الحريه غلط وللاسف كده مش هتبقى حريه


بجد يا ملاك تسلم ايدك

تقبلى منى التحيه

كلام جميل جدا يازهره الربيع

لان لو احنا استخدمنا الحريه غلطت اصبحت فوضى


تسلمى على مرورك الجميل ده ياقمر

* ايه معنى الحريه عندك ؟
اني اعبر عن نفسي وعن رايي باسلوب كويس ومش اضر حد بيه وكمان لازم يبقي عندي صدر رحب اتقبل اي كلام او اي راي
* وايه حدود الحريه عندك ما ليها برده حدود
انت حر مالم تضر
* وبنقول بقى فى حريه الحريه دى هتتكلم بيها ازاى وياترى انت هتسيطر عليها وتعرف
تستخدمها ولا هى اللى هتسيطر عليك وتخليك تبوظ الدنيا ؟

الحمد لله انا بعرف اسيطر ع حريتي دي ومش اضر بيها حد لكمن بجد اللي شيفاه بيحصل ف معظم الشعب ف الوقت ده انهم
سايبين الحريه تسيطر عليهم وع افعالهم وده طبعا مينفعش لانه هيتحول لخراب وربنا يستر يااااااارب



بجد توبيك راااااااااائع
تسلمي ياقمر ع الطرح المميز ده

كلام رائع ياميرا وجميل

تسلمى انتى على المرور ياقمريه

السلام عليكم معلش ردى متاخر شويه بس بجد كنت مشغول الفتره اللى فاتت بس حابب اعلق على التوبيك دا

طبعا بالنسبه لموضوع انهم طلبوا انها تكون مشتركه لا طبعا مبتتاخدش كدا والله هو النظام بتاع المدرسه كدا خلاص انا مش هغير فيه هو النظام كدا
بس انا حاسس انك بتتكلمى على المدارس المشتركه بنبره غريبه
ههههههههههههههههه
على فكره انا كنت فى مدرسه ثانويه مشتركه عادى يعنى هى بيكون فيها حوارات كتيره وكل حاجه بس عاديه
المهم نجاوب بقى على اسالتك

* ايه معنى الحريه عندك ؟
معنى الحريه عندى حاجه ببسيطه اوى ان انا اعمل اللى انا عايزه من غير ما يتعارض مع الدين والاخرين وميترتبش عليه اى اذى بس

* وايه حدود الحريه عندك ما ليها برده حدود
كل حاجه لها حدود وطبعا الحريه لها حدود
وفى حدود مينفعش ان انا اتخطاها وفى حدود ينفع اتخاطاها
يعنى مثلا الدين مفيش حاجه اسمها اتخطى الدين واوامره مينفعش
لاكن ينفع اتخطى حد مثلا ان انا لو لاقيت حاجه غلط اصلحها لو الحاجه دى على سبيل المثال فى والدى مثلا او اخويا الكبير دى حدود بس هنا ممكن اتخطاها
فهى حدود الحريه زى ما انا قولت فى الاجابه الاولى الدين وعدم التعارض مع الاخرين من ناحيه الحاق الاذى بيهم

* وبنقول بقى فى حريه الحريه دى هتتكلم بيها ازاى وياترى انت هتسيطر عليها وتعرف

تستخدمها ولا هى اللى هتسيطر عليك وتخليك تبوظ الدنيا ؟
لاطبعا لازم احسن التعامل مع الميزه دى ولازم اسيطر عليها ماهو مثلا مش علشان انا حر امشى ابلطج على الناس مش امشى برده اعمل حاجات تضر الناس فلازم يكون لها حدود
العقل هو اللى هنقدر نسيطر بيه على حاجه زى دى نحكم العقل كويس اه فى حريه بس فى عقل

الكلام دا طبعا بالاضافه لكلام اللى سبقونى والكلام الجميل اللى اتقال فى التوبيك

موضوع جميل جدا تحياتى

تسلم يابركه على مرورك وردك مقنع وجميل

واه حكايه المدرسه انا فاهمه انها مش بتتاخد كده

بس انا قصدى ان معنى الحريه عندهم مش حريه بالمعنى الصح

يعنى فاهمنها غلط

اه تمام

تقبلى مرورى
تحياتى

نورت موضوعى يابركه

ايه معنى الحريه عندك ؟

الحريه : انا انا اعبر عن رأي ووجهة نظرى بدون خوف او تجريح فى حد واحترم وجهات النظر الاخرى


وايه حدود الحريه عندك ما ليها برده حدود


حدود الحريه عندى :ان حريتى ما تتعرضش مع الدين يعنى مثلا اما والدى يطلب منى حاجه اجبها ما ينفعش اقول لا مش هجيب انا حر او اعمل حاجه الدين مانعها واقول انا حر

وكمان اعبر عن رأي بدون تعصب واتقبل وجهات النظر الاخرى لان رأى يحتمل الصواب ويحتمل الخطأ



وبنقول بقى فى حريه الحريه دى هتتكلم بيها ازاى وياترى انت هتسيطر عليها وتعرف

تستخدمها ولا هى اللى هتسيطر عليك وتخليك تبوظ الدنيا ؟


اظن ما دام حريتى لا تتعارض مع الدين فهى هتكون سلاح معايا مش ضدى



جميل جدا التوبيك يا ملاك تسلم ايدك

تمام كلامك يا ابراهيم كلام جميل

ومقنع

تسلم على مرورك