جمـعة الاستعبــاط

هما على فكره استحلو القاعده في التحرير
وبقو يعتبروها خروجه كل يوم جمعه
فسحه يعني بس انا عاوزه اعرف حاجه
هما مش عارفين انو الي بيتعمل ده هيضر البلد
اكتر من كده لا ومش كده وبس ده ممكن يضيعو كل الي عملو والثوره الي اتعملت كمان
والي راح فيها شهداء كتييييييييييييييييييييييييييييييييير
كفايه بقى حرام
وبعدين مش دي الديمقراطيه الي قعدو ينادو بيها ولا هما شيفين انو الديمقراطيه انهم يمشو
الي في دماغهم مش مشكله بقيت الشعب
ربنا يستر ويعدي المرحله دي على خير

معلش اسفه للاطاله

لاحول ولا قوه الا بالله
بصراحه مش عارفه اقول ايه استعباط بجد ماهو كل معارض لاي حاجه ينزل التحرير ماهي فوضي بقي
وعمالين ننادي بالديموقراطيه ووقت ما تحصل يقولك مش عاجبنا سولري يعني يخبطوا راسهم ف الحيط
ده كده اسمه فضي انهم مش عندهم شغلانه غير انهم يقولوا لا
بجد اتمني ان القوات المسلحه تتعامل معاهم بطريقه جديه وتتعامل بجد لان كده مش هينفع والبلد هتضيع

والله عندك حق يا ميشو ماهى بقت كدا كل واحد مش عاجبه حاجه طيلع على التحرير والبلد تولع بقى ولا تنحرق ولا فى الدماغ
طالبوا بالديمقراطيه واتنفذت وطلعت النتيجه انه نعم خلاص بقى انتوا عايزين ايه تانى انا مش فاهم
كل شويه مظاهره كل شويه احتجاج كل شويه اعتصام مش عارف هنعقل امتى ونعرف مصلحه بلدنا فين مش عارف هنعقل امتى ونعرف اننا بنضر بلدنا بايدنا
ربنا يهديهم واتمنى ان القوات المسلحه تتعامل معاهم تعامل يليق بتفكيرهم وتقدر تتعامل معاهم صح لان كدا خلاص بقت فوضى

تسلم يا ميشو على التوبيك
تحياتى

طبعا انا بحترم ارائكم كلها

بس فى حاجه ممكن متكنوش فكرتوا فيها
هى ان الشباب دى كانت طلبه التغير والديمقراطيه
حصلت ديمقراطيه وده اللى احنا شفناه فى الاستفتاء
وحصل جزء من التغير فى بعض الاشياء بس مش كلها

بالظبط زى الدستور
الدستور اتعدل فيه بعض النقط ولكن باقى النقط اللى حطها النظام السابق الفاسد موجوده
فالشباب اعترضت على كده
لان احنا اسقطنا النظام
وللاسف اللى اسقطانهم هما الاشخاص لكن قوانين النظام الفاسد لسه موجوده وهى اللى احنا لسه ماشين عليها
والدليل على كده الدستور اللى اتحط ايام النظام السابق لسه موجود لغايه دلوقتى وماشين عليه

دا لما الفريق احمد شفيق اتعين ايام الرئيس السابق محمد حسنى مبارك
قالوا دا تبع النظام الفاسد
يبقى مش عاوزنيهم يقولوا على الدستور انه فاسد وتبع النظام الفاسد

وعلى فكره كده كده الدستور هيتشال ويتعمل دستور جديد بعد انتخابات الرئاسه
يبقى كنا شيلناه من الاول بدل الوقت اللى هيضيع تانى

ومش معنى انى اقول لا ان الماده التانيه هتتلغى لا طبعا
والماده التانيه بالتاكيد هتتحط فى الدستور الجديد

ياريت نفكر فى البلد بشكل صحيح

سامحونى على الاطاله
والاختلاف فى الراى لا يفسد للود قضيه

هما كل جمعة بيطلعوا رحلة الى ميدان التحرير من غير مشرفين وسندوتشات وشاى ودماغ بقى مش مهم البلد اللى يحصل يحصل فعلا استعباط واكتر من كده كمان ربنا يستر ونرجع زى الاول وامان زمان تسلم يا ميشو

شكرا لمروركم جميعا نورتو التوبيك

احنا المفروض عملنا ثوره والريس تنحى وكلو تمام وحصل ايه حصل معرفش بقى ايه الداعى

ان الناس تروح وتعمل مظاهره وفى يوم الجمعه اللى ربنا كرمه وان الناس بتعتبره عيد

كل شويه نغير اسمها ونعمل حاجات غريبه ودى مش حريه دى فوضى بس هتقول ايه وتكلم مين ربنا يهدى الناس