** الإمتحانات ع الأبواب !! مستعدون ..!!..

** الإمتحانات ع الأبواب !! مستعدون ..!!..

[ندعوك للتسجيل في المنتدى أو التعريف بنفسك لمعاينة هذه الصورة]

الامتحانات ع الأبواب ..
[ندعوك للتسجيل في المنتدى أو التعريف بنفسك لمعاينة هذه الصورة]

خلاص الوقت أزف ..
إيه يا عم إنت جاي تقلب علينا المواجع ؟؟
إحنا قلقانين لوحدنا ..
لا لا أنا مش جاي أقلقك أبداً ..
وإنما أنا جاي أقولك لسة في فرصــــة ..
فررررصة إييييه ؟؟ ..
أنا خلاص .. ضعت ..
من أول السنة وأنا عمال ألعب
خلاص الأمر منتهى بالنسبة لي ..
الكلام ده مش كلامي .. ده كلام ناس كتير طلبة وطالبات

[ندعوك للتسجيل في المنتدى أو التعريف بنفسك لمعاينة هذه الصورة]

النهارده
جايين نقولك إن لسة فيه فرصـــــة
تطلع الأول
على دفعتك وتطلعي الأولى على مدرستك
أنا ؟؟
طبعا .. بس تعالى نشوف إزاى ؟؟

********************

اعلم .. وإعلمى
تمام العلم إن الله لا يضيع أجر من أحسن عملآ ..
وإحنا هنجتهد أشد إجتهاد في الفترة القادمة ..
في الشهر اللي فاضل .. مذاكرة .. احتساب .. تنظيم وقت ..
تقليل نوم .. اجتهاد فوق الحدود .. تميز .. وتفوق ..

بإرادتك هتتخطي كل الحواجز والصعاب ..
أهم شئ يكون عندك هدف <<<<<<<
هدف قوي جدااا تسعى لتحقيقه ..

إيه هدفك ؟؟
التميز ..
لازم اتميز لأن ديني لا يقبل إلا أن أكون متميزاً ..
متفوقاً .. لإنك مسلم لازم تكون الأول دايما ..

********************

إيه الكلام الكبير ده ..؟؟ أنا مش قد كدة ؟؟
لأ .. إنت قد كدة وأكتر من كدة ..
والله لو صدقت النية وعزمت على الإجتهاد
وإحتسبت هذا المجهود عند الله
هتلاقي نتايج مذهلة بمعنى الكلمة ..
لا تستبعد أبداً إنك تكون من الأوائل ..
بس .. اعقلها وتوكل ..

تذكر يوم النتيجة ..
وإنت بإذن الله تكون في قمة سعادتك
لحصولك على أعلى الدرجات
وإنتى حصلتي على أعلى التقديرات

********************

والدك ووالدتك ..
والفرحة في عيونهم بيكم ..
وتبقي أدخلتوا السرور على قلبهم وكمان حققتم البر لوالديكم
اللذان طالما دعوا لكم وأعطوكم كل ما تريدون ..
من أجل أن تنجحوا فقط وتفرحوهم ..
لا أنا مش هنجح بس أنا هتفوق لله
ثم لوالدي ثم لبلدي الى محتاجة المتفوقين
محتاجة علماء مسلمين وطلاب متفوقين وعقول مميزة

[ندعوك للتسجيل في المنتدى أو التعريف بنفسك لمعاينة هذه الصورة]

** الوصفة السحرية لتنظيم الوقت **

الصلاة على اوقاتها ..
للبنت في اول الوقت ..

وللشاب في المسجد
(( بس تنزل تصلي وتطلع على طول ))

والله هتلاقوا بركة رهيبة في الوقت ..
ومن الله التوفيق
واذا شعرت بضيق ..
ألا بذكر الله تطمئن القلوب

********************

طيب أنا عاوز برنامج عملى ..
أنا إتحمست جدااا إنى أنجح
مش بس أنجح لأ .. أتفوق وأتميز ..

[ندعوك للتسجيل في المنتدى أو التعريف بنفسك لمعاينة هذه الصورة]

تابعوناااااا ..

منقول للفائدة ..

[center]

[ندعوك للتسجيل في المنتدى أو التعريف بنفسك لمعاينة هذه الصورة]
إنت فاشل ..
إنت ضايع .. المادة دي صعبة جدااا ..
ده انت لو عملت إيه مش هتفهم الحتة دي ..
بص المادة دي متشالة متشالة ..
أنا سمعت الدكتور (س) بيقول إن :
انا هبهدلكم في الإمتحان الفاينال (النهائي) ..
.. الدكتور ده أخد إسمي وشكله هيسقطنى ..

********************

كفاااااااااية ..
استنى هنا ..
هو ده اللى مودينا ورااا .. الإيحاءات السلبية ..
ظبط نفسك نفسيا ..
وإياك أن تستمع للإيحاءات السلبية
أو تتناقلها أنت بلسانك ..
وإنما أكثر من الإيحاءات الإيجابية ..

********************

هتفوق ..
إن شاء الله هنجح ...
يا رب خير .. الله المستعان ..
ربنا ييسر لى أمرى .. هجتهد والتوفيق من الله ..
المادة دي بدأت فيها إمبارح وطلعت سهلة بفضل الله ..
لو وقفت معايا حاجة هسأل المعيد ..
هسأل المدرس / الدكتور / أصحابي
اللى فاهمين الحتة دي هيشرحوهالى ..
ليرين الله منى ما أصنع ..
(( العامل النفسي مهم جداااا ))

********************

ركز معايا هنا جدااااا

حدد هدفك كويس جدا واسعى اليه ..
أبدأ من الآن ادخل اشرب عصير واتوضا
واقرأ على الأقل صفحة من القرآن الكريم
وادعى ربنا يوفقك في مذاكرتك وأبدأ بسم الله والحمد لله
واشتغل في المادة .. وقبل ما تحط قلم فيها ..
حدد أنا هخلص النهاردة كذا وكذا ..
واوعى تيأس إنك مخلصتش اللى إنت حددته ..
لأ حاول جاهدا إنك تخلصه والأفضل إنك تحدد حاجة معقولة
بمعنى تحقيقها ليس بمستحيل ..

المواد العلمية :

1 / اقرأ القواعد والنظريات وحاول تفهمها جيدا ..
مفهمتهاش .. اقرأها تانى .. مفهمتهاش .. اقرأ مثال عليها ..
حبذا لو استخدمت الورقة والقلم في كتابة المثال والنظرية ..

2 / استخدم اكبر عدد من الحواس لتحقيق أفضل النتائج ..
يعني عينيك وصوتك وإيدك في الكتابة وهكذا ..

3 / حاول تحل ولو مسألة واحدة بس على اللى ذاكرته
علشان المعلومة تثبت

المواد الأدبية :

1 / اقرأ المادة ( الدرس / المحاضرة ) كويس
وحاول وانت بتقرأ تفهم ما تقرأه ليسهل فيما بعد حفظه

2 / التكرار .. ( التكرار يعلم الشطار )

عموما في المذاكرة عامة
حط في دماغك 3 حاجات اساسية

أ / تبعد عن المشتتات .. أو أى حاجة تحس
انك ممكن تنشغل بيها او تضيع وقتك ..
ب / اختيار مكان مناسب بعيداً عن السرير
(( طبعا كلكم بتذاكروا على السرير وترجع تقول أول ما بفتح الكتاب معرفش إيه اللي بيحصل لى وأنااااام ))
اختار مكان حيويى وشكله مريح بالنسبة لك ..
ج / الحياة مش كلها أفش ..
فروحوا القلوب ساعة بعد ساعة
ده مش معناه ان كل نص ساعة اقوم انط من ع الكتاب
وأقول بريح شوية وانما كل ساعتين
او 3 ساعات ريح ربع ساعة تشرب فيها حاجة ..
تقف شوية في البلاكونة .. ترد على تليفون
( بس بلاش رغي كتير )

********************

أجمد أوقات المذاكرة ..
بعد الفجر ..
ثبت علميآ أن وقت الفجر تكون خلايا المخ نشيطة جدااا

********************

مليت من المذاكرة ..
حاسس إنك تعبت من أقل شئ ..
جاهد وافتكر على طول الهدف بتاعك
وتوكل على الله واستغفر وكمل ..

طب أنا بسرح كتيييير ..
حاول تبعد عن كل ما يشغلك
وفرغ ذهنك تماما وقت المذاكرة .. او ما تسرح ..
متيأسش وانما استعيذ بالله من الشيطان وسمي الله
وكمل مذاكرتك

انجز في اليوم ما يرضي نفسك عنك ..
بحيث تشعر بالرضا والتفاؤل وتواصل تاني يوم
بكل جد وروح ونشاط قوى ..

اخرج مع اصحابك آخر الأسبوع ..
بس متتأخرش برة وحط في دماغك إنى خارج
علشان استعيد قواى واقدر أواصل مذاكرتى ..
واحتسب خروجك لله وإياك ثم إياك
أن يكون في خروجك معصية لله ..
(( وكلنا فاهمين كويس ))

********************

اكثر من الدعاااااء ..

واطلب من والديك ومحبينك الدعاء لك
وبإذن واحد أحد سترى نتائج مذهلة ..
ولح على ربنا في الدعاء فالله يحب العبد اللحوح ..

ساعد أصحابك لو طلبوا منك مساعدة ..

ولا تبخل .. فهو مسلم مثلك مثله وتحب له الخير
( حب لأخيك ما تحبه لنفسك )
وأسأله الدعاء لك

********************

(( يارب اجعلنا سببا في نصرة هذا الدين ..
يارب وفقنى وجميع المسلمين ..
اللهم ذلل لنا الصعاب.. ووفقنا لما تحب وترضى ))

[ندعوك للتسجيل في المنتدى أو التعريف بنفسك لمعاينة هذه الصورة]

ونسأل الله تعالى ..
أن يوفق جميع الطلاب والطالبات
في إمتحاناتهم ويعينهم على أداء فروض الدين والدنيا ..
آمين ..

[/center]

إن المؤمن موصول بالله تعالى ..
فهو يلجأ إلى الله بالدعاء في كبير أمره وصغيره.
وقد تعبدنا الله بالدعاء ووعدنا الإجابة،
فقال عز وجل :
{ وَقَالَ رَبُّكُمْ ادْعُونِي أَسْتَجِبْ لَكُمْ
إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ
دَاخِرِينَ }.

والدعاء هو أكرم شيء على الله تعالى،
كما قال النبي عليه الصلاة والسلام:
" ليس شيء أكرم على الله من الدعاء "
(رواه الترمذي وحسنه، وابن ماجة)
ذلك لأن فيه من ذلِّ الحاجة والافتقار لله تعالى
والتضرع له والانكسار بين يديه ما يُظهر حقيقة
العبودية لله تعالى ..

************************

والمؤمن يدعو ربه دائماً أينما كان
{وإذا سألك عبادي عني فإني قريب أُجيب دعوة الدَّاعِ إِذا دعانِ}

والأولى بالمؤمن أن يستعمل الصيغ الشرعية للأدعية
التى وردت بالكتاب والسنة اتباعا له صلى الله عليه وسلم،
وطاعة لأمره، وتأسيا به وبأصحابه رضي الله عنهم وأرضاهم.

وأن يتحرى أوقات الاجابة
ويلتزم بآداب الدعاء ويجتنب نواهيه.
وفقكم الله ورعاكم ..

موضوع رائع جدا تسلم ايدك ياخالد

رائع جدا جدا يا خالود تسلم ايدك

توبيك مميز جدااا

ونحن على اتبه الاستعداد للامتحنات يا كبير

ههههههههههه

راااااااااااااااااااائع جدا يا خالد بجد
تذكر يوم النتيجة ..
وإنت بإذن الله تكون في قمة سعادتك
لحصولك على أعلى الدرجات
وإنتى حصلتي على أعلى التقديرات

********************

والدك ووالدتك ..
والفرحة في عيونهم بيكم ..
وتبقي أدخلتوا السرور على قلبهم وكمان حققتم البر لوالديكم
اللذان طالما دعوا لكم وأعطوكم كل ما تريدون ..
من أجل أن تنجحوا فقط وتفرحوهم ..
لا أنا مش هنجح بس أنا هتفوق لله
ثم لوالدي ثم لبلدي الى محتاجة المتفوقين
محتاجة علماء مسلمين وطلاب متفوقين وعقول مميزة

صح كلامك عشان انا بجد كنت فى سنه اولى كنت الصراحه مكبره دماغى على الاخر فى التيرم الاول واللى حصل ان طلع معايا ماده بس الحمد لله كانت رفع وحسيت قد ايه ماما كانت زعلانه جدااااااااااا وبعدها عاتبت نفسى جامد اوى ومن ساعتها وانا الحمد الله نويت انى اركز اكتر واذاكر ولما جيت التيرم التانى الحمد لله جبت تقديرات جميله جدا والتقدير العام كان جيد والحمد لله حسيت بفرق كبير اوى فى الاحساس ودا شجعنى اكتر وبقيت الحمد لله كل سنه اطلع بجيد جيدا ودا بفضل ربنا فى الاول وفى الاخر

انا بقا عايزه اقول حاجه انك لازم تنظم نفسك كده
هات الكتب وحطها قدامك قسم المواد شوف المواد اللى انت حاسس انها صعبه حطها على جنب والسهله حطها على جنب لوحدها

وبعدين هات المواد الصعبه ورتبها على حسب صعوبتها
وبعدين المواد السهله ورتبها بردوا

واحذر انك تبدأ مذاكره بماده صعبه لان دا هيعقدك جدا

انت تبدا الاول باسهل ماده عندك وبردوا فى اول يوم متكترش اوى يعنى حاول يبقا جزء بسيط وبعد كده كتر الاجزاء بالتدريج عشان بردوا متملش متنساش انك بقالك فتره طويله بتلعب ومش بتذاكر فمينفعش تدخل حامى كده على طول

خلصت دلوقتى الماده السهله نشوف بقا ماده صعبه وبردوا نشوف الحاجات اللى صعبه اوى نخليها للاخر ونبداها بالاسهل ثم الاصعب وهكذا
وبعدين نرجع نجيب ماده سهله وبعدين ماده صعبه وهكذا

بس فيه حاجه خلى اول ماده هتبدأ بيها الامتحانات هى اخر ماده هتذاكره وبعد كده نظم بقيت المواد عادى عشان مضيعش فيها وقت وانت كده كده هترجع تذاكرها تانى فخلى ليها ايام معينه قبل الامتحان على طول وهيتوقف عدد الايام دى على حسب سهوله الماده او صعوبتها طبعا

بالنسبه للاجزاء الصعبه اللى مش فاهمه انا والله بعمل ايه اما بسأل زميلى عليها ومش واحد بس لا بسأل كذا حد عشان اتاكد ان المعلومه اللى وصلهالى دى صح
وكمان بدخل على النت وادور عن المعلومه دى وافهمها وكده يعنى ولو كان ليا علاقه مثلا مع الدكتور او الدكتور ممكن اسـأله فيها بردوا

حاول ميعديش عليك يوم من غير ما تذاكر عشان تحس انك راضى عن نفسك

لو فى يوم مثلا كنت مشغول حاول تذاكر حتى لو جزء بسيط جدا عشان ميبقاش اليوم ضاع بس لو كنت حاسس بملل اوع تذاكر حاول تخرج او تاخد ريست لانك لو ذكرت هتحس ان الدنيا كلها باظت ولا منك هتذاكر ولا حاجه

احرص دايما على الدعاء وانت بتصلى وقبل ما تذاكر وبعد ما تخلص مذاكره

حدد ساعات معينه للمذاكره بس ميقلش عن 6 ساعات يوميا ومش لازم يكونوا متواصلين

بعد ما تخلص الجزء اللى ذاكرته راجع عليه قبل ما تقوم عشان ترتب معلوماتك وقبل ما تبدأ يومك الجديد راجع على اللى فات لو حتى على الماشى كده وهكذا بقا كل يوم

وربنا يوفقكم يارب
ادعولى بقا انا اخر مره همتحن فيها فى حياتى وكل الحكايه شهر ونفسى اخلص بقا

متنساش قبل ما تدخل اللجنه تراجع على الاسئله اللى انت حاسس انها مهمه اول حاجه وبعد كده الاسئله العاديه وخصوصا اللى كان الدكتور بيركز عليه اوى فى المحاضرات

ياااااااااااااااااا رب يوفقنا

موضوع راااااااااااائع يااااخالد تسلم أيديك

روعة بجد جميل جدااااااااااااااااااااا [ندعوك للتسجيل في المنتدى أو التعريف بنفسك لمعاينة هذه الصورة]

توبيك جميل جدا يا خالد
وان شاء الله الجميع يبقى على اتم استعداد للامتحانات
وبالتوفيق للجميع ان شاء الله

تسلم ايدك على التوبيك يا خالد
تقبل مرورى

[ندعوك للتسجيل في المنتدى أو التعريف بنفسك لمعاينة هذه الصورة]

بس يارب تعمل بالكلام ده يا مرادنونا

توبيك جميل جدا ياخالد وفى فعلا ناس كتير بتقول كده لنفسها ولما تيجى تذاكر وتبص للكتاب تقول يووووو

هو انا لسه هذاكر ده كلو ايه ده انا مش هنجح وانا وانا وانا لا طبعا ليك قوه وفى عزيمه هنا بقى للازم يشغل

جزء قوه التحكم فى الذات ويشغل عقلو صح ويفكر ويعرف انو هينجح ده مش بعيد ده اكيد وربنا معانا يارب

تسلم ايديكـ

تسلم ايدك ياجلاكسى موضوع جامد جدااااااا
تغيب تغيب وترجع بمواضيعك الجامده
تسلم ايدك يامتر