ملتقى طلبة جامعة بنها|منتدى تجارة بنها
عزيزي الزائر/عزيزتي الزائرة يرجي التكرم بتعريف نفسك الينا بالدخول الي منتدي اذا كنت عضو او التسجيل ان لم تكن عضو وترغب في الأنضمام الي أسرة المنتدي
التسجيل سهل جدا وسريع وفي خطوة واحدة
وتذكر دائما أن باب الأشراف مفتوح لكل من يريد
شكرا لزيارتكم
ادارة المنتدي & أســرة فريندز تجارة بنها

ملتقى طلبة جامعة بنها|منتدى تجارة بنها

ملتقى طلبة جامعة بنها | محاضرات |جداول امتحانات |سكاشن |لجميع كليات بنها
 
الرئيسيةالبوابةالتسجيلدخول

شاطر | 
 

 •·.·´¯`·.·• الـــ ح ـــــب فـــي المــقــابــر •·.·´¯`·.·•

اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: •·.·´¯`·.·• الـــ ح ـــــب فـــي المــقــابــر •·.·´¯`·.·•   الأربعاء 28 سبتمبر 2011, 7:07 pm

الـــ ح ـــــب فـــي المــقــابــر

بس مع التعديل

ما لازم اغير فيها لان احنا ف عصر التغيير

ويارب تعجبكم

ولو معجبتكوش تقولو عجبتكم

ولو عجبتكم وعرفتو ناس معجبتهمش تخلوهم تعجبهم

عشان نبقي ع نور وتبقي فاتحه خير علينا كده


الحــــ الاولي ــــلقه



ساق فارس سيارته المرسيدس مساءا في شوارع مدينة الناصرة ف طريقه لاحد المطاعم لمقابله اصدقاءه لصفقه عمل جديده ..

توقف فارس على الاشارة الضوئية .. وفي اقل من ثانية فتح باب السيارة وركبت امرأة..قعدت بجانبه وقفلت الباب ورائها بهدوء وثقة ...

نظر فارس ف حاله ذهول واستغراب م اللي بيحصل ومش فاهم حاجه ...كل اللي شايفو شبح اسود ...او كتلة سوداء متحركة ..

قعد يتامل من القدم حتى الرأس يمكن يشوف حاجه تدل على جنس الكائن المختفي ورا الملابس السودا دي ...رجل هو ام امراة

ولكن مفيش فايده فلا عيون ولا وجه ولا ايدي تظهر من خلف هذا السواد ..

وف الوقت ده نطق الكائن الساكن خلف الملابس السوداء ...بصوت انثوي جميل وهادىء وواثق:
اسفه ...ممكن توصلني الى كفر كنا ؟

ابتسم فارس وقال :اسف ..انتي شكلك غلطانه انا مش سواق تاكسي ...!

- فقالت بهدوء :عارفه انك مش سواق تاكسي ويلا اوصلني الى كفر كنا ...؟!

وبدون مبالاة لقي فارس نفسه يسوق باتجاه كفر كنا ونسي موعده المهم مع اصدقائه

فكل اللي كان شغله هو مين هي صاحبة الصوت الملائكي ده ؟

- واثناء الطريق لف وشه لها وقال :عفوا يا حجة ..!
- راحت بصت ليه وقالت له : انا مش حجة ...
- قال : عفوا ...قصدي شيخه! -
قالت: ومش شيخة كمان..
- قال: يبقي متدينة لدرجة كبيرة ؟
- قالت:لا..انا مش متدينة...! -
قال: عفوا ..هو انتي مسلمه؟
- قالت: يمكن... ده بيهمك ...!؟
- فقال مستفزا :طيب ليه لابسه اللبس ده ؟
- فقالت :انا لبسته لاني لبسته ...!!!
- فقال:طيب.. مين انتي ؟ -
فردت عليه: انا قدرك يا فارس



ذهل فارس ..ازاي عرفت اسمه ؟ ..
وبدا يفكر ف حاجات كتيرة

وقالها وهو بيضحك : - قدري انا ...قولي لي يا قدري مين سلطك عليّا وقالك عن اسمي ؟
- فقالت: آه .. انا قدرك انت.. وازاي عرفت اسمك ف ده شغلي انا ... ايه انت مش بتأمن بالقدر ؟

- فقال: لا مش بأمن ...! -
فقالت: لو كده اعمل حسابك م اليوم هتأمن بحاجات كتيره ..!

- فقال: مش مشكله ساؤمن ...قوليلي اسمك ايه ولا اناديكي "انسه " قدرك ام "مدام" قدرك. -
فقالت: قدرك انت ...

- قال: طيب يا قدري انا اكشفي عن وشك علشان اشوفك؟
- فقالت:وعشان ايه انت تشوفني؟

- فقال: انتي مش قولتي انك قدري ...عايز اشوف قدري ان كان حلو ولا يا ساتر؟
- فقالت: متخافش ..قدرك حلو اوي ومش يا ساتر...ومش هتشوفني الوقتي هتشوفني في الوقت المناسب.

- وقال فارس وهو مستفز والفضول يقتله : وانا عايز اشوفك دلوقتي طالما بتقولي انك قدري ؟ -
فقالت : وقف السيارة ...لو عايز تتأكد اني حلوه ... اتفضل اكشف عن وجهي وارفع الخمار وهتشوف .. .بس أحسنلك متعملهاش دلوقتي ؟



سكت فارس حائر متردد بين ان يمد ايده عشان يشوف ايه اللي بيخفيه الخمار ده ..

يعملها ولا لا ؟؟.. ولكن ايده متحركتش ...!!




اما صاحبة الصوت الجميل صاحبه الخمار الاسود فتحت باب السيارة وخرجت تمشي في شوارع كفر كنا ..


محدش شايف منها حاجه ...ورجع فارس الى الناصرة بسرعه يمكن يلحق اصحابه

بس للاسف لقاهم مشيو م المكان



ابتسم وقال لنفسه : يا لقدري وحظي الوحش ...اديني خسرت الصفقه ..

خسرتها لأشباع فضولي بالكشف عن سر الكتلة السوداء وما تخفيه خلف ورا الخمار ...


كمل فارس المشي في الشوارع يفكر ف سر هذه المرأة وما تخبيه وبص لمكان ما كانت قاعده


فشاف على الكرسي جمجمة بحجم كف الايد وفيها مكان تجويف العينين كره مطاطية لونها احمر

كان بيشع منها نور جامد يمكن بسبب انعكاس الضوء ...


مسك فارس الجمجمة وبدأت قشعريرة في جسمه من منظرها ولما بص للجمجمة كان منظر الفكين قريب من الابتسامة ...


-ضحك فارس وقال لنفسه : يا لقدري ...جمجمة وتبتسم ... احتار من احتياجالمرأه لهذه الجمجمة ؟ وليه سابتها معاه ؟ ولا هي نسيتها من غير قصد ؟


اكيد الخمار ده بيخفي قبح مفيش زيه ودا واضح بدليل انها شايله جمجمة ... مر يوم وفارس لسه يفكر ف المراة..

شعورٌ غريب بيشده ليها ميعرفش ايه سببه ..! يا تري هو الفضول ولا حاجه تانيه هو مش عارفها ..!؟


وف اليوم التالي

مشي فارس بسيارته دون هدف محدد ، راح الى كفر كنا مكان ما نزلت ، فمن الممكن انه يلاقيها


...ولكن بدون فايده ولما رجع الى الناصرة شاف نفس المراة المقنعه تجلس على ....
الرجوع الى أعلى الصفحة اذهب الى الأسفل
سومه و يويو
كبار الشخصيات
كبار الشخصيات
avatar

انثى
عدد المساهمات : 4020
ترمام : 49415
تاريخ التسجيل : 18/03/2011
العمر : 28

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 12:18 am

تسلم ايديك يا مون بس انا فاكره انك نزلت القصه دى قبل كده
الرجوع الى أعلى الصفحة اذهب الى الأسفل
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 3:04 am

سومه و يويو كتب:
تسلم ايديك يا مون بس انا فاكره انك نزلت القصه دى قبل كده

لا يا سومة اللى نزلته وكان
حلقات زى كدا كان احمد ومريم وعمرو وملك
يسلملى مرورك
الرجوع الى أعلى الصفحة اذهب الى الأسفل
سومه و يويو
كبار الشخصيات
كبار الشخصيات
avatar

انثى
عدد المساهمات : 4020
ترمام : 49415
تاريخ التسجيل : 18/03/2011
العمر : 28

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 3:09 am

مش عارفه والله بس القصه دى انا حاسه لا دا انا متاكده انى شوفتها قبل كده وفكراها كمان بس مش عارف حتى كنت بدور عليها والله من حوالى اسبوع ممكن يكون كان فى مكان تانى بس حاسه انها كانت هنا والله مش بهزر انا بتكلم جد وكنت فعلا بدور عليها من اسبوع

عموما يمكن كنت حلمت بيها

هههههههههههه

تسلم ايديك يا مون
الرجوع الى أعلى الصفحة اذهب الى الأسفل
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 1:02 pm

سومه و يويو كتب:
مش عارفه والله بس القصه دى انا حاسه لا دا انا متاكده انى شوفتها قبل كده وفكراها كمان بس مش عارف حتى كنت بدور عليها والله من حوالى اسبوع ممكن يكون كان فى مكان تانى بس حاسه انها كانت هنا والله مش بهزر انا بتكلم جد وكنت فعلا بدور عليها من اسبوع

عموما يمكن كنت حلمت بيها

هههههههههههه

تسلم ايديك يا مون

يسلملى مرورك يا سومة
الرجوع الى أعلى الصفحة اذهب الى الأسفل
ملاك الهدى
كبار الشخصيات
كبار الشخصيات
avatar

انثى
عدد المساهمات : 3461
ترمام : 44130
تاريخ التسجيل : 08/10/2010
العمر : 25

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 1:54 pm

تمام يامون بس انت فعلا نزلت القصه دى قبل كده

الرجوع الى أعلى الصفحة اذهب الى الأسفل
mardona
المدير العام
المدير العام
avatar

ذكر
عدد المساهمات : 6198
ترمام : 65962
تاريخ التسجيل : 30/12/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 6:13 pm

تماام يامعلم جاااامدة الفصة

هى لسه لها بااااقى؟؟؟






إذا بــكى الــقلب يومــا.. I love you ..فـــلا تحسبن الــبكاء أحـزانــا
إنما الـدمع مــفرج الــهم..
I love you ..وشـــافــى الــصـــدر أحيــانــا
فـيـا قــلبـــى لاتــحــزن..
I love you ..فــأن الـحـزن لايصنع الأوطانـا
الرجوع الى أعلى الصفحة اذهب الى الأسفل
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 6:27 pm

ملاك الهدى كتب:
تمام يامون بس انت فعلا نزلت القصه دى قبل كده


والله انتوا هتجنونى اشمعنا انتى وسومة بس اللى شوقتوها
ولو نزلتها طيب هى فين ؟
الرجوع الى أعلى الصفحة اذهب الى الأسفل
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 6:30 pm

mardona كتب:
تماام يامعلم جاااامدة الفصة

هى لسه لها بااااقى؟؟؟

اها يا معلم دى نظام حلقات
وهتنزل حلقة ناو
الرجوع الى أعلى الصفحة اذهب الى الأسفل
mardona
المدير العام
المدير العام
avatar

ذكر
عدد المساهمات : 6198
ترمام : 65962
تاريخ التسجيل : 30/12/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 6:35 pm

تمااااااااااام ياااريس

فى انتظاار الحلقة






إذا بــكى الــقلب يومــا.. I love you ..فـــلا تحسبن الــبكاء أحـزانــا
إنما الـدمع مــفرج الــهم..
I love you ..وشـــافــى الــصـــدر أحيــانــا
فـيـا قــلبـــى لاتــحــزن..
I love you ..فــأن الـحـزن لايصنع الأوطانـا
الرجوع الى أعلى الصفحة اذهب الى الأسفل
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 6:42 pm

الحــــ الثانيه ــــلقه






ولما رجع فارس الى الناصرة شاف نفس المراة واقفه عند موقف الاتوبيسات ...
قرب منها وكان عايز يكلمها بس كان خايف ان المرأه دي تكون امرأه اخري ...
ف ازاي هيميز اذا كانت هيا ام واحده تشبهها ف الملابس ... وبحركة غير متوقعة قربت صاحبه الخمار الاسود من شباك السياره

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

- وقالت: ليه اتاخرت يا فارس .. انا مستنياك م ساعه ونص ؟

ركبت
السياره وقفلت الباب ...وهي لسه مستمره ف معاتبته ع التاخير وكانها على
موعد مسبق معاه... فضل فارس ساكت وعلامات الاندهاش والتعجب ع وشه والحيرة
تقتله لانه مش فاهم اي حاجه م اللي بتدور حوله .


- فقالت له :وصلني لحيفا .
- ضحك فارس وقال :بتؤمري هوصلك لحيفا ولمكان ما تعوزي ..بس قوليلي يا ....

- قاطعته وقالت : ياسمين اسمي ياسمين ، ناديني ياسمين .
- فقال : ياسمين قوليلي بجد كنت بتستنيني ولابتهزري ؟

- فقالت: آه انا كنت بستناك ...انت فاكر انا كنت بعمل هنا ايه .. بستني واحد تاني ...على العموم لو مش عايز تشوفني نزلي هنا .


فتحت ياسمين الباب وهمت بالنزول ، لولا انه اعتذر لها



-وقال : انا عايز اشوفك..بس مش شايف حاجه منك غير السواد ده !؟
- فردت عليه غاضبة وقالت: مش مصدقني ...؟ قلت ليك انا حلوة.. اقسم بحياة ستي اني حلوة وهتشوفني في الوقت المناسب.

-
رد عليها فارس بصوت غلب عليه الحزن واليأس وقال: ياسمين قوليلي ..هو انتي
واحده بعرفها وحابه انها تهزر معايا من ورا الخماد ده .. ولا ف حد مسلطك
عليا عشان تجننيني ؟..

-قالت: لا..انا معرفكشي ومفيش حد سلطني عليك ..بس من اللحظة الاولى اللي شوفتك فيها بقيت قدرك..وبعدها عرفت عنك كل حاجه .

- وقال لها : قصدك ايه...؟!
- قاطعته وقالت له :انا وصلت ولام امشي .

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

ذهبت
"ياسمين " الغامضة وبدات تمشي بالشارع حتى اختفت بين الناس .. وعيون فارس
مقدرتش بمراقبتها ف قعد يضحك مستسخفا باللي بيحصل واخذ قرار انه ميفكرش ف
صاحبه الخمار الاسود اللي عايزه بس انها تثي فضوله ف لعيه ذكيه ..


ف اكيد ان وراها حد .. ورجع لشغله ليشغل نفسه ولكنه فشل فيطرد خيالها من دماغه

وسأل نفسه: ايه اللي بيشدني للمقنعة السوداء؟ ياتري هو الفضول ولا اسلوبها المثير ؟

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ


شقت السيارة طريقها من تاني للناصرة
وبمجرد وصول فارس بدا يقوم باتصالاته لترتيب مواعيد لشغله ...بدل من
التفكير بسخافة هذه المرأة وبعد مرور عده ساعات واقترب الوقت من منتصف
الليل قرر الرجوع الى البيت فتفاجئ بالمرأة "صاحبة الخمار الاسود " تشير له
بيدها ليقف بالسياره ..
.


دق قلب فارس بسرعة وحس بشعور غريب
معرفوش قبل كده ... شعور يجمع بين خوف رهيب من المستقبل ... وسعادة لانه
شافها ..توقف بالسياره وقربت المرأة من السيارة وفتحت الباب ورمت بجسمها
الملفوف بالسواد على الكرسي



وقالت : فارس ممكن توصلني لبئر السبع ؟

مقدرش
فارس انه يجاوب لانه ولقي نفسه ييمشي في الطريق المؤدي لبئر السبع من غير
كلام او رفض لانه نسي انه كان عايز يرجع البيت للراحه ونسي اذا كان حد منهم
مستنينه ...خيم الصمت لدقائق طويلة عليهما كانت كانها سنوات .. محدش اتكلم
فيهم .. بص فارس الى المرأة بعد ان استجمع جملة واحدة بعد الذهول اللي كان
فيه



وقال-: ياسمين
انا في حياتي كلها معرفتش ايه هو الحب ... ومش مهم مين بتكوني او مين انتي
...انا بصراحة حبيتك من اول مرة سمعت صوتك فيها ..مشوفتكيش ومعرفش مين
انتي ... بس لاول مرة في حياتي بحس اني مهزوم ، ايوه انا مهزوم بحبك
.

- وقالت له ساخرة :انت لسه مشوفتنيش وحبتني .. ربنا معاك بقي لما تشوفني .. ايه اللي هيحصلك ...
-فقال فارس: هحبك اكتر ..

-فقالت: بصراحة انا كمان بفكر اني احبك ..وخاصة اني قدرك يا ...
- قاطعها فارس وقال : ياسمين بجد انتي مصدقه اللي بقولو ؟

- فقالت: آه يا فارس مصدقاك .. ما انا قولت لك من اللحظة الاولى اني انا قدرك .
- فقال :ياسمين مين انتي ؟
- فقالت : متسألش .. هتعرف لوحدك انا ابقي مين ...


وف
الوقت ده عدت السيارة من امام حاجز للشرطة كان بجانب الشارع السريع وشاور
الشرطي لسيارة فارس بالتوقف لتجاوزه السرعة...وقف فارس ع جنب الطريق وقرب
الشرطي م الشباك وطلب من فارس اوراقه الخاصة "الرخصة والتامين ورخصة
السيارة " وبدأ فارس بجمع الاوراق لاعطاءها الى الشرطي ..

وف الوقت ده طلبت منه ياسمين انه مينفذش طلب الشرطي وان يمشي بسرعة ... مشي فارس وهومش مهتم بعواقب اللي عمله مع الشرطة ...وقعدت ياسمين تضحك ولكن مفيش لحظات و كانت سيارات الشرطة تطارد سيارة فارس وتنادي عليه عشان يقف على يمين الطريق ...
لقي فارس نفسه متورط ف ورطه كبيره وتوقف رغم ان ياسمين طلبت منه انه ميهتمش بيهم .. واتهمها بالجنون

وقال لها :انت مجنونة فعلا ..مجنونة وعايزه تقتلينا

حاصرت الشرطة بالسيارة بعد وقوف فارس ووقرب الضابط منها وعلى وشه علامات الغضب ... واول ما قرب

سألته ياسمين قائلة : عايز ايه ؟
بانت علامات الذهول على وش الشرطي وقال : مفيش حاجه ... مفيش حاجه ..!
- فقالت له : طالما كده يبقي ابعد م هنا !!


ابتعد الشرطي وركب السيارة
العسكرية من غير ما يكلم حد ...والظاهر ان واحد من زمايله اثاره الفضول
فقرب من سياره فارس ... بس اول ما شاف يا سمين بعد هو كمان بسرعه وكأنهم
شافو "رئيس دولة" او شيئ مهم او شيئ غريب ...


وبسرعة لف فارس راسه ناحيه ياسمين وشافها ماسكه ف ايديها "جمجمة " و
شعاع احمر باهت وبسرعه اختفي ، فحرك فارس عينيه من تاثير الشعاع وبدا يشوف
بعينيه منين مصدره ، وهو متاكد انه شافه صادر من تحت النقاب الاسود
...

كمل فارس طريقه مذهولا وهو يفكر ف اللي حصل ، وياتري منظر النقاب هو اللي اخاف الشرطة ؟ ولا الجمجمة ؟ ولا ف حاجه تانيه ؟

لم
يخفي على المرأة ذات النقاب خوف وذهول فارس فكان ظاهر جدا عليه وعلى وجهه
وعلى حركات ايديه وعلى توليعه سيجارة بعد سيجاره بسرعه شديده .


- قالت له :ايه يا فارس ف حاجه ؟
-فقال: اللي حصل مع الشرطه غريب ..؟

- فقالت :وايه الغريب ف انك تسأل الشرطي هو عايز ايه...فيقول لك مفيش حاجه ..ده بيحصل 100 مره ف اليوم بس انت اللي تعبان وانا السبب ف تعبك ده ...اسفة ، اسفة يا حبيبي مكنش لازم اخليك تسوق المسافه الطويله دي كلها ...

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ


وصلت السيارة مدينة بئر السبع وهناك طلبت منه المشي بالسياره في طريق جانبي
، مشي بيها فارس اكثر من ساعةكل مااد يبدا الرعب يدخل لقلبه وخوفه يزيد
اكتر واكتر وكان الطريق ده معزول عن العالم فمفيش حاجه قدامه او على
الجنبين غير الصحراء المظلمة
والكتلة السوداءاللي قاعده جنبه واصوات عواء الذئاب يملأ المكان وتزيده رهبة ...تنهدت المراة الغامضة



وقالت : وقف السيارة ..احنا وصلنا .
وقف فارس السيارة وهو مش لاقي اي حاجه تدل ع عنوان .
- فقال فارس وعلامات الذهول ظاهره على وشه :لفين ؟ انا مش شايف غير الصحراء .. لفين انتي بتهزري ؟

- قالت :لا انا مش بهزر نمشي ع رجلنا وبعد دقايق هنوصل ...
- قال :على رجلنا !! انتي مجنونه ؟

- قالت :انت خايف ؟
- قال :ايوه انا خائف ، وهو ف حد عاقل يوافق انه يمشي هنا ولو مترين تلاته حتي ؟
-
قالت مفيش مكان للحب والخوف مع بعض لاما الحب يقضي ع الخوف او العكس ..
ولو عايزني اشيل الخمار عشان تشوفني تعالي معايا واوعدك انك هتسعد طول
حياتك


- قال :وانا ايش عرفني ايه اللي هيكون تحت الخمار ؟
- قالت :تعالي وهتعرف بنفسك ...!!

- قال :انا خايف ...

- قالت :انا ماشيه وانت ارجع مكان ما جيت لو عرفت او تلحقني ، بس بسرعة ومتتأخرش عشان متتوهش ف الصحراء دي طول حياتك .
الرجوع الى أعلى الصفحة اذهب الى الأسفل
mardona
المدير العام
المدير العام
avatar

ذكر
عدد المساهمات : 6198
ترمام : 65962
تاريخ التسجيل : 30/12/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 6:51 pm

جااااااااااامدة ياباشا الحلقة دى

فى انتظار الحلقة القادمة ان شاء الله






إذا بــكى الــقلب يومــا.. I love you ..فـــلا تحسبن الــبكاء أحـزانــا
إنما الـدمع مــفرج الــهم..
I love you ..وشـــافــى الــصـــدر أحيــانــا
فـيـا قــلبـــى لاتــحــزن..
I love you ..فــأن الـحـزن لايصنع الأوطانـا
الرجوع الى أعلى الصفحة اذهب الى الأسفل
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الخميس 29 سبتمبر 2011, 7:11 pm

mardona كتب:
جااااااااااامدة ياباشا الحلقة دى

فى انتظار الحلقة القادمة ان شاء الله
انتظرنى غدااااااااااااااا
الرجوع الى أعلى الصفحة اذهب الى الأسفل
سومه و يويو
كبار الشخصيات
كبار الشخصيات
avatar

انثى
عدد المساهمات : 4020
ترمام : 49415
تاريخ التسجيل : 18/03/2011
العمر : 28

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الجمعة 30 سبتمبر 2011, 6:02 am

هههههههههههه

حلوه جدا يا مون والله مش عارفه اقولك ايه

انا وملاك اتجننا باين

بس والله بجد تسلم على اى حال لان كان نفسى بجد الاقيها وكنت بدور عليها
الرجوع الى أعلى الصفحة اذهب الى الأسفل
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الجمعة 30 سبتمبر 2011, 6:44 am

سومه و يويو كتب:
هههههههههههه

حلوه جدا يا مون والله مش عارفه اقولك ايه

انا وملاك اتجننا باين

بس والله بجد تسلم على اى حال لان كان نفسى بجد الاقيها وكنت بدور عليها

انتوا ادرى بقى ههههههه
لو عاوزة اى قصة قشرى بس وهى تكون عندك
الرجوع الى أعلى الصفحة اذهب الى الأسفل
mardona
المدير العام
المدير العام
avatar

ذكر
عدد المساهمات : 6198
ترمام : 65962
تاريخ التسجيل : 30/12/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الجمعة 30 سبتمبر 2011, 8:20 am

فين ياباشا الحلقة الجديدة

نزلهاااا على طوووول

فى الأنتظار






إذا بــكى الــقلب يومــا.. I love you ..فـــلا تحسبن الــبكاء أحـزانــا
إنما الـدمع مــفرج الــهم..
I love you ..وشـــافــى الــصـــدر أحيــانــا
فـيـا قــلبـــى لاتــحــزن..
I love you ..فــأن الـحـزن لايصنع الأوطانـا
الرجوع الى أعلى الصفحة اذهب الى الأسفل
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الجمعة 30 سبتمبر 2011, 8:35 am

يابنى بليل
انت مستعجل اوى كدا
الرجوع الى أعلى الصفحة اذهب الى الأسفل
زهرة الربيع
كبار الشخصيات
كبار الشخصيات
avatar

انثى
عدد المساهمات : 2872
ترمام : 35498
تاريخ التسجيل : 29/11/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الجمعة 30 سبتمبر 2011, 9:42 am

حلوة كتير القصه يا مون

وهى فعلا نزلت قبل كده زى ما سومه وملاك قالوا

بس اللى نزلها هو baraka مش مون

والقصه مش كملت

واتمنى لو هتكمل حلقات القصه يبقى تنزلها كلها غير كده مش ينفع

مستنيه ردك يا مون
تقبل مرورى
الرجوع الى أعلى الصفحة اذهب الى الأسفل
سومه و يويو
كبار الشخصيات
كبار الشخصيات
avatar

انثى
عدد المساهمات : 4020
ترمام : 49415
تاريخ التسجيل : 18/03/2011
العمر : 28

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الجمعة 30 سبتمبر 2011, 9:51 am

ايوه كده يا زهره هو دا الكلام
الرجوع الى أعلى الصفحة اذهب الى الأسفل
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   السبت 01 أكتوبر 2011, 3:40 pm

الحــــ الثالثه ــــلقه




فضلت ياسمين ف طريقها في الظلام وفي عتمة الصحراء ، وكل ما تمشي خطوة يحس فارس بان روحه تبعد عن جسده ...
واختفت ياسمين المرأة الغامضة ...وكان نفس فارس ف انه ينط من السيارة عشان يلحقها بس الخوف كان ماليه ...

فهو ميعرفش حقيقه اللي بيحصل وبسرعه
فاق فارس م ذهوله ليشعر بخوف كبير ممزوج بالحزن والآسى والاحباط بسبب خوفه
م ياسمين اللي اتعلقت روحه بيها بسرعه غريبه جدا ...وخوفه انها مترجعش
تاني وانه ميشوفهاش بالرغم م انه مشافهاش فعلا ...

ميعرفش غير صوتها اللي جاي م ورا الخمار الاسود .. كن خوف فارس الاكبر من المجهول اللي هتوديه ليه المراه المقنعه المسماه "ياسمين"...

وفي وسط تردده وخوفه انه
يلحقها او ميروحش وراها ، بدأ يسمع عواء ذئاب جاي من بعيد، تعالى صوت
العواء اكثر واكثر ، ازداد صوت العواء وبدأ الصوت يقرب ... دور فارس محرك
السيارة عشان يهرب من المكان بسرعة لشعور بالخطر اللي مستنيه .. .وصوت
الذئاب حوالين منه ف كل جانب ...


رفضت
السيارة انها تتحرك..وحاول مرة تانيه بس مفيش فايده فمحرك السيارة مش شغال
زي ما يكون عطل ، وبحركة لاشعورية وسريعة قفل فارس شبابيك السيارة واحكم
قفل الابواب وفضل مستني وصول الذئاب اليه


وهو
بيسأل نفسه : ياتري تقدر الذئاب كسر الزجاج والدخول الى السيارة ؟ وياتري
هكون وجبه عشاء لذيذه للذئاب ؟!!وهعمل ايه ؟؟ وازاي هقاومهم ؟؟ وهما اد ايه
عددهم ؟؟ لازم يكون عشرات من الذئاب الصوت بيقول كده
...الصوت قريب جدا وعلى بعد مترين او ثلاثة امتار بالكتير ...ولكن ليه مش بتقرب م السياره...؟


لازم
انها عارفه انه صعب تقتحم السياره .. يبقي هي مستنيه خروجي م السياره عشان
ابقي هدف سهل ...يا لغباء الذئاب ...هي متخيله اني ممكن اخرج بسهوله واقدم
نفسي ليها ..



واخذ
فارس يتلفت حوله مره للخلف ومره للامام...شمالا ويمينا عشان يشوف الذئاب
هجمت ولا لسه ...وفي وسط الخوف الرهيب من الموت الشنيع اللي حواليك م كل
جهه افتكر (ياسمين الغامضة ) وتمتم وقال :لعنه الله على ............."الله
يسامحك يا ياسمين على اللي عملتيه" .



فرك
فارس عينه وقعد يبص للسما لتعود الطمأنينةالى قلبه بعد ما شاف خيوط النور
تظهر وسط الظلام معلنة عن بدء شروق الشمس وعن الفرج القريب لخلاص فارس من
"الموت "ومع انتشار النور سكت صوت الذئاب اللي مشافهاش .. بص فارس حوله
ليشف نفسه وسط صحراء جرداء ...وعلى مدى نظره مشافش اي حاجه تدل ع وجود حياه
او بشر ...ازداد فضول فارس حول المكان الذي ذهبت اليه ياسمين


...فتح باب السيارة ومشي في نفس الاتجاه اللي مشيت فيه ياسمين ، وبدأ يكلم نفسه

ويقول
:لازم انها قريبه من هنا ، فهي قالت ان المكان اللي هنروحه ع بعد دقايق بس
.. بص فارس حوله بكل الاتجاهات وفهم انه لو مشي عدة ساعاتمش هيوصل لاي
مكان ... فبص الى الارض وشاف اثار خطواته ع الرمل ،ف قعد يدور ع خطوات ل ياسمين الغامضة ولكنه مشافش اي اثر

فقرر انه يرجع الى
السيارة ليصلحها ويرجع الى الناصرة بعد ان يأس من وجود أي امل يدله على
ياسمين ذات الخمار ، وفي طريقه الى السيارة شاف من بعيد شيئا يثير الانتباه
في وسط الرمال فمشي ناحيته لدقائق واول ما وصل واقترب بدأت القشعريرة في
جسمه


لانه شاف قبر قديم يدل شكله على انه موجود من مئات السنوات وكان لون حجارته من اللون الاسود والبني ولون الغبار الموجود عليه ...

فسال
فارس بينه وبين نفسه :يا ترى ايه هي حكايه لقبر ده؟؟ولمين هو ؟ وليه هو ف
المكان ده بالذات ؟..لازم اللي بناه احتاج لوقت طويل ..عشان يبنيه بهذه
الطريقة البارعة ؟...ولكن ليه ؟..


وبدأت
عشرات الاسئلة تدور في دماغ فارس ولكن من غير اجوبة ...وبالرغم من الخوف
الذي كان يصيبه الا انه وضع يده على القبر ليتحسسه ، ورفع يده اللي لصق
الغبار بيها ، وحس فارس ان على القبر كتابة معينة فقعد يزيل الغبار عن
القبر يمكن يقدر يقرأ الكلمات المكتوبة ، فهزت بجسمه قشعريرة الموت
والخوف...لما قرأ


.. افتح القبر لا مكان للحب والشك معا .. اما ان يقضي الحب على الشك واما ان يقضي الشك على الحب (افتح القبر وسترى ما يسعدك )

وما ان قرأ فارس الكلمات المكتوبة على القبر حتى اخذ يهرول مسرعا الى السيارة وهو يتمتم : يا الهي...ماذا يوجد داخل هذا القبر ومن هو الشخص الذي دفن فيه ..ومن يكون صاحبه ؟!

فتح
فارس بوابة السيارة ودور المفتاح وتحرك بسرعة وهو لسه يتمتم : ياالهي مين
هو صاحب القبر ...مين هو؟ وافتكر فارس ان السيارة التي كانت عطلانه امبارح
اشتغلت دلوقتي ......


هدأ
روع فارس فابطءالسرعة وبدأ يكلم نفسه بصوت مسموع : انا مش هخلي المراة دي
تلعب في حياتي ..انامشوفتهاش ومسمعتش غير صوتها ومعرفش هي مين ..ليه وهمت
نفسي اني بحبه وليه سيبتها تلعب ف مصيري ...اقسم بالله وبكل شيء عزيز انا
مش عايزها ومش هفكر تاني فيها حتى لو جات وتطلع زي ما تطلع ، فهي لا شيء
...لا شيء ..ومش هخلي خيالي يعمل منها شيئ.


رجعت الثقة لنفس فارس ورجع الى حياته الطبيعية ليمارس العمل والنجاح بعيدا عن الاوهام وبالرغم من نجاح فارس في قدرته على طرد (ياسمين المرأة ذات الخمار) من عقله وافكاره ، الا انه عرف ان الحياة مبقتش زي الماضي وانه مش قادرانه يخلص من شعور الآسى والحزن لفقدانه شيئ مهم في حياته

وقعد
يكلم نفسه قائلا: يا رب ...ايه اللي بيربطني بهذه المرأة الغريبة ؟ هل هو
الحب ؟ فانا مش باؤمن بالحب... ولن اؤمن به ...وان كان هناك حب ف ليه
معرفتوش م قبل كده ...؟ ليه هي ؟ فانا اعرف عشرات الفتيات الجميلات ، ليه
هي وانا مشوفتهاش ولا اعرف ايه شكلها ؟ سوداء ، بيضاء ، شقراء ، قبيحة او
جميلة ...


ليه
اربط نفسي بامرأة الخمار والقبور والجماجم والذئاب والصحراء، والخوف
والجنون ..؟ ليه ؟ وايه اللي يجبرني على ده ، اي حب ده ،لازم يكون ده
الفضول ، ولكن منذ اللحظة الاولى اشعر بالشعور ده ...ياربي هل هو الحب؟! هل
الحب مجنون لهذه الدرجة ، ولا هي لعنة اتعلقت بها لتدمر حياتي ،لا مش
هخليها ...مش هفكر فيها ...كفايه جنون وغباء وضعف ...كفايه !


مشي فارس في شوارع الناصرة ، مرة يشعر بالفرح والثقة لخلاصه منها ومره يشعر بالحزن والاحباط لفقدانه لها ...

وفجاة
لمح فارس في اخر الشارع عن بعد امرأة تلبس السواد والخمار وتمشي في الشارع
مبتعدة ...دق قلب فارس بقوة ولم يتمالك نفسه ومشي وراها بسرعة ليلحقها
وكأن في قوة بتمشيه ناحيتها من غير ارادته...اقترب فارس وميفصلوش عنها سوى
عشرة امتار او اقل ، ودخلت ذات الخمار لمحل م المحلات التجارية في الشارع
ووقف فارس يستني خروجها ..


وبنفس اللحظة كانت هناك يد خبطت على كتفه وبصوت جميل هادىء يقول له :اثقل يا مجنون ...
فالتفت فارس لوراءه ناحيه مصدر الصوت فشاف (ياسمين ذات الخمار الاسود ) واقفة تضحك .

-فقال فارس :ياسمين حبيبتي
، كنتي فين ؟ اختفيتي فين ...؟ روحتي فين ..؟ مجيتيش ليه...؟ انا احبك ومش
عارف اعيش م غيرك ...مش قادر اعيش م غير ما اسمع صوتك او اشوفك ...مع اني
مشوفتش غير الخمار ...ارجوك ارحميني .

-
قالت ياسمين ذات الخمار : فارس انت ليه ماشي ورا هذه المرأة ... تعرفها
منين ، وعايز منها ايه ؟ ..انت كذاب انت مش بتحبني ...ولو كنت بتحبني ف ليه
ماشي خلف امراه اخري ... -


قال فارس :ياسمين ، حبيبتي افتكرت انها انتي ، وبالذات انها شبهك فا للبس والخمار. -
قالت ياسمين :لا يا حبيبي ، انا احلى منها بكثير ، ايش جاب لجاب ، انا يا حبيبي مفيش واحدة احلى مني.

-قال فارس :ياسمين
انتي عايزه تجننيني ، هو انا شايفك ولا شايفها ، هو في حد بقدر يشوف من
تحت العبايه والخمار دول ...انا يا دوب سامع صوتك ازاي هعرف ان كنتي احلي
منها ولا هي احلي منك ...و انتي لو واثقة من جمالك ارفعي الخمار علشان
اشوفك . -

ضحكت
ياسمين وقالت :انا موافقة على رفع الخمار ، وهتشوف اني احلي م كل بنات
الناصره ...واحلى من البنت اللي انت مشيت وراها كمان ...بس بشرط الاول
بتنادي عليها وبتخليها ترفع الخمار وبتشوفها، اتفضل ادخل المحل وراها
وشوفها ...


-قال
فارس :ايه هي القصة بالبساطه دي ...عيزاني ادخل واقول لواحدة متدينة بالله
عليكي ارفعي الخمار ، علشان اشوف وشك ...ايه المناسبة ...ولا عيزاني
اتبهدل ؟

-فقالت ياسمين :ايه هي احسن مني ؟ ، انت فاكرني ايه ...ولا بس عايز ...

-فقال :حبيبتي انا بحبك ومن حقي اشوفك ولكن هي مش بتهمني ، اشوفها ليه
-فقالت
:انا قولتلك اني جميلة جدا ...والله العظيم انا حلوة اوي ..عايزني اوصفلك
نفسي ...انا شعري طويل وناعم ، وعيوني واسعه ، وبشرتي ...


قاطعها فارس وقال :ياسمين اناميهمنيش ان كنتي جميلة ولا لأ ، وعلى فكرة مفيش واحده بتقول عن نفسها مش حلوه.
-فقالت :انا حلوة، صدقني ومتستعجلش الامور ، وستفخر بي فانا لما شوفتك اول مره قررت ان اكون زوجه ليك ..."ولأ انت مش واثق بذوقي ".

-ضحك فارس بصوت عال وقال ساخرا :انتي اخترتي نفسك زوجة لي ، جميل انا موافق ...يلا بينا بقي نتزوج...
-فقالت
:لكن لازم تصبر عدة اسابيع لحد ما انهي بعض المشاكل العائلية وبعدها نتزوج
فورا ان وافق اهلي او لم يوافقوا ولكن الاهم من ده لازم اتاكد انك بتحبني
فعلا ...ودلوقتي يلا تعالي وصلني ...


-فقال فارس ساخرا : ولفين المره دي عايزاني اوصلك ...الى صحراء سيناء ام الى جنوب لبنان ؟
-فقالت
ياسمين بنبرة حزينة :اسفة ...انا اسفة اللي طلبت منك توصلني. ومشيت بسرعة
واختفت وسط الزحام وفارس وراها يناديها ولكنهمقدرش يلحقها


رجع فارس الى سيارته وهو حزين وخائف من ان تكون ياسمينغضبت ومترجعش تاني ...قعد فارس في سيارته وهو مش عارف يعمل ايه وفي لحظة رأى ياسمين ذات الخمار تقترب من السيارة -

وتقول له :انا اسفة اللي دخلت في حياتك ...خلاص دي اخر مرة بتشوفني فيها . وهمت ياسمين بالذهاب لولا ان فارس مسكها واصر على ان تركب السيارة،

وقال
لها : حبيبتي انا بضحك معاكي مش اكتر ، والله لو طلبتي مني اوصلك الى اخر
نقطة في العالم هعملها ، متبقيش مزاجيه للدرجه دي ...ودلوقتي عيزاني اوصلك
فين ؟

فهزت المرأة الغامضة راسها وقالت :وصلني الى طبريا .

فتحرك فارس باتجاه طبريا وقال لها :ياسمين ايه حكاية تحركك من مكان لمكان وفي اوقات مختلفة وايه حكاية القبور والجماجم؟ -
فقالت غاضبة :انهي قبور ...وانا دخلي ايه بالقبور ، وعن انهي جماجم تتكلم ، فين الجماجم دي ؟

فمد فارس يده الى جيب السيارة وفتحه واخرج منه الجمجمة الصغيرة وقال : .......
الرجوع الى أعلى الصفحة اذهب الى الأسفل
زهرة الربيع
كبار الشخصيات
كبار الشخصيات
avatar

انثى
عدد المساهمات : 2872
ترمام : 35498
تاريخ التسجيل : 29/11/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   السبت 01 أكتوبر 2011, 3:42 pm

تسلم على الحلقه يا مون

ومنتظرين الحلقه الجديده

تقبل مرورى
الرجوع الى أعلى الصفحة اذهب الى الأسفل
baraka
المدير العام
المدير العام
avatar

ذكر
عدد المساهمات : 726
ترمام : 19824
تاريخ التسجيل : 19/08/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   السبت 01 أكتوبر 2011, 4:51 pm

يا جماعه انا نزلت القصه دى قبل كداوفعلا انا كنت هكملها بس لما لاقيت ان مفيش اهتمام بطلت رفع فى باقى الحلقات عامتا مفيش مشاكل كملها يا محمد انت وهى بجد يا جماعه قصه روعه هتعجبكم جدا


الرجوع الى أعلى الصفحة اذهب الى الأسفل
http://benhauniversity.mam9.com/
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   السبت 01 أكتوبر 2011, 5:40 pm

زهرة الربيع كتب:
تسلم على الحلقه يا مون

ومنتظرين الحلقه الجديده

تقبل مرورى

يسلملى مرورك يا زهرة
نورتى التوبيك
الرجوع الى أعلى الصفحة اذهب الى الأسفل
مون
كبار الشخصيات
كبار الشخصيات
avatar

ذكر
عدد المساهمات : 2370
ترمام : 30853
تاريخ التسجيل : 16/10/2010
العمر : 26

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   السبت 01 أكتوبر 2011, 5:52 pm

baraka كتب:
يا جماعه انا نزلت القصه دى قبل كداوفعلا انا كنت هكملها بس لما لاقيت ان مفيش اهتمام بطلت رفع فى باقى الحلقات عامتا مفيش مشاكل كملها يا محمد انت وهى بجد يا جماعه قصه روعه هتعجبكم جدا

يا بركة باشا انا اكملها انت تكملها احنا واحد المهم ناها تكمل
الرجوع الى أعلى الصفحة اذهب الى الأسفل
سومه و يويو
كبار الشخصيات
كبار الشخصيات
avatar

انثى
عدد المساهمات : 4020
ترمام : 49415
تاريخ التسجيل : 18/03/2011
العمر : 28

مُساهمةموضوع: رد: •·.·´¯`·.·• الـــ ح ـــــب فـــي المــقــابــر •·.·´¯`·.·•   الأحد 02 أكتوبر 2011, 12:43 am

كده تمام وصح المهم انها تكمل والاهم انى مطلعتش مجنونه عشان كنت قربت اشك فى نفسى

ههههههه

تسلم يا مون حلقه جامده
الرجوع الى أعلى الصفحة اذهب الى الأسفل
 
•·.·´¯`·.·• الـــ ح ـــــب فـــي المــقــابــر •·.·´¯`·.·•
الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
ملتقى طلبة جامعة بنها|منتدى تجارة بنها :: المنتديات الادبية :: القصص والروايات-
انتقل الى: