ضحيتي بمين
ضحيتي بمين علشان تعملي تاج راسك
مين و غدرت بمين علشان تعملي حراسك مين
يا ام البساتين كانت حلوة و نفسها تطرح فضة ليوم الدين
راح فين الخير و النيل و الطير و صلاح الدين
ضحيتي بمين عاشان تعملي تاج راسك مين
ضحيتي بعود من خير جنود الحب ف قلبه ملهوش حدود
كان واقف لأجل عنيك السود صايم و ضميرك كان فاطر
سليمان خاطر قلب ميعرفش يكون مسجون ف بلاده طايح فيها الدون
قاموا قالوا عليه راجل مجنون
قتل المخاليق الشريرة اللي بيشربه مية نيلنا و بيصبوا ف مصرينا البيرة
قامو زعلوا الناس السكيرة اللي عشان كاس بيهينوا الناس و يبيعوا الامة بتعميرة
لابسين لعدانا قميص النوم و علينا الشنبات العيرة
يا صباح مجروح عزام هيروح
للاهل و هنا سليمان مدوح
قتلوه يمه صابح مشنوق مدلل فوق
و الامة المدلدله من تحت من كتر المشي بضل الحيط و كتر الكحت
سلمت الراية لواحد ندل و زي الشحط
عمال بيهينها و بياخدها من تحت لتحت
سليمان مجنون و الناس اللي بايسين رجل الكون هم العاقلين
ضحيتي بمين علشان تعملي تاج راسك مين
ضحيتي بأطفالك ف جنين و ف غزة و قانا و دير ياسين
علشان تحصدي م الغدر سلام و تعيشي ف اوطانك امنة
ضحيتي بعسلك و نسيتي ان مفيش ف جراب الموت سمنة
بكره هتتنازلي لاخر عيل ف عيالك و لاخر شجرة ف شجر الفل
بكره هتتنازلي يا ست الكل فاحمدي ربنا ع الموت و الذل
ما هي عمر حقوقنا المسلوبة ما هترجع لينا بكام طوبة
و مقاومة ناس من حزب الله ما هي برده ما هياش محسوبة
و انتو الحسيبة اللعيبة
و النبي تسكتو و بلاش خيبة
دا انتو بتظهروا علي اي شاشات بنقول ما تخدكمش مصيبة
و هنية يا ناس لما بيظهر بتعود الشمس من الغيبة
بالصدق الساطع ف عيونه
ربنا يحميه الله يصونه
بنحس ف صوته بعزتنا
و اننا عايشين
بنحس بصدق صلاح الدين
و شرف منالوش و لا اي شريف
و سماحة وجه و قلب نضيف
بيقود الامة لمحو الزيف
و بتهتف بحياته الملايين
ضحيتي بمين علشان تعملي تاج راسك مين
و غدرت بمين علشان عملي حراسك مين