صحيت على صوت شباب ماشيين
قولتلهم ها>رايحين على فين؟؟؟
واحد منهم قالى ياة هو انت مش عارف؟
......ولا بتستعبط وعامل نفسك خايف
النهارة يوم الحرية
كفايانا فول وطعمية
زهقنا من كلمة ديمقراطية
ومتخافش دى مظاهرتنا سلمية
هتفنا وقولنا عاوزين تغيير
دة الشرطة مبقاش ليها ضمير
وعز بقى حرامى كبير
والنهاردة هيتحدد المصير
و عدت المظاهرة سلمية
ومجتش بنتايج عكسية
وبصيت لقيت مليون حواليا
وسمعنا ريسنا وقال مطالبكوا شريعية
هحل مجلس الشعب
وهقضى على رموز الفساد
بس برضة الناس مبطلتش عناد
وقالوله لا لازم ترحل برة البلاد
ونسيوا الولاد انه ريسهم
اللى ياما عملهم انجازات
فوقوا يا ولاد...
اعدائنا واقفين على حدود البلاد
وامريكا واقفة مع مكتب الارشاد
والبرادعى عميل الموساد
وفى النهاية احب اشكر الجيش
وكفاية بقى يا متظاهرين طيش
حـــــــرام ده احنا مش لاقين العيش
والاخ بيضرب اخوة على الكورنيش
بس لازم كلكم تفهموا
ان مصــــــــــــــــــــر هتعيــــــــــــــش
