مليش مزاج اكتبلها عنوان

أول ما شفتك

لقيت نفسى بموت فيكى

بغرق ف عينيكى

يتحرق قلبى من دفا أيديكى

شفت الكلام فوق شفايفك

عصافير من الجنة

طايرة زى نسمة

حايرة فوق خدود وردة

ريحتها أحلى من عبيرها

عصافير من الجنة

تخلى القلب يتمنى

يموت فيكى

لما شفتك أول مرة

كأنى لأول مرة بفتح عينى

بشوف ملاك أحلامى

قدامى

ينادينى

أول مرة أحس بدقات قلبى

تناديكى

كل دقة تموت فيكى

تندة عليكى

تقولك حبيبتى خليكى

انا ليكى وف عينيكى

بموت

بتندة عليكى

يا............

هو أنتى مين ؟

ياللى سكنتى القلب

وقبلة شغلتى العين

ومع أول همسة من شفايفك

قلبى حس انه قلب عنترة

وبدأ يشعر

بس شعرة كان بلغة متطورة

مقدرتش أفهم هو عايز يقول أية

ما أنتى عارفة دا كلام قلوب لبعضها

ومن القلب للقلب رسول

وبدون ما أدرى

لقيت لسانى بيقول :

دا مين فى حسنك العيون تقدر تشوف

ولاحد وصفك ألا أما تاه بين الحروف

نور العينين

حبيبتى أنتى مين ؟!

ياللى قلبى لقيتة بيتمنى

يموت فيكى

وأنا لقيت نفسى تاية غرقان

فى بحور عينيكى

* حبيبتى *

أول طلب بطلبة منك

تغسلينى بدموع عينيكى

وتكفنينى برموشهم

تملسى على جسمى بأيديكى

متخليش الحزن يحوشهم

أنا ليكى

وعشان خاطرى

وخاطر قلبى

تدفينينى جوا ف قلبك

وتنسينى

وتفتكرينى

لما عشت أحلم

انى اموت فيكى

ايه دا يابنى انت غلبت ابو تمااااااااام يخرب عقلك ايديكى ورجليكى ههههههههههههههه روح ياشيخ منك لله هههههههههههههههههههههه

* حبيبتى *

أول طلب بطلبة منك

تغسلينى بدموع عينيكى

وتكفنينى برموشهم

تملسى على جسمى بأيديكى

متخليش الحزن يحوشهم

أنا ليكى

تسلم ايدك ياجلاكسى جامد جداااااا

نيس توبيك تسلم ايدك
موضوع رائع
ياجلاكسى

» بدون عنوان !!!!!