السلام عليكم ورحمة الله وبركاته
انا الى كنت بتكلم عن الحب وقد ايه هو مهم وكنت عاملة جروب وكان ناجح اووى
ع الفيس والناس كلها عارفة كدا وقلبتهم جروبات اسلامية فجظاة لان لو حد شاف انه غلطان
من حقه يقول انه كان غلطان وربنا يسامحنى بقه ويغفرلى ياااااااااااارب
بتيجى علينا ايام ونتكلم مع بنت مثلا او نشوفها فنحس اننا بنحبها حتى لو
كان فى احساس بجد كل ده مجرد شهوة للبنت الى قدامك او الولد بس شهوة لانك
تحب وتبقى عايش قصة حب
ونعيش القصة ونعمل كل حاجة ووحشتنى ياحبيبى وكده بس الى بتقول كده مش عارفة
ان الكلمة دى حرام انك تقوليها لواحد مش اخوكى ولا جوزك وتستمر فى المعصية
وتعصى ربنا سبحانه وتعالى وممكن فى الاخر متكنش هى الى دى الى هتتجوزها
وتسيبو بعض يبقى عملتو معاصى وشلتوها ورميته كل حاجة ف الهوا حتى لو
اتجوزتو انتو علاقتكم دى اصلا اصلها
حرام مبنية على شىء غلط من البداية فاكيد هتنهار لان من نبت من حرام فالنار اولى به
ممكن كلامى ده ميكنش مقنع لناس كتير لانهم شايفين انهم صح ده انا هتجوزها
هتجوزها انا متاكد.......... مين قالك كده مش ممكن تموت وهتعمل ايه قدام
ربنا هتقوله ايه ياربى اصل انا كنت هتجوزها وربنا اصلا فى اياته قال محدش
يواعد حد سرا وادخلو البيوت من ابوابها ماهو انا عايز اعيش قصة حب ونحلم
سوا طيب ما تستنى شوية بلاش استعجال وحب فى مراتك دى واحلمو سوا برده مش
يمكن تطلع هى احسن من البنت الى كنت هتمشى معاها زى ما بتخاف ع نفسك خاف ع
غيرك .. خاف ان ربنا هيزعل منها برده زى ماهو هيزعل منك
وطبعا متخيل ان دى السعادة الحقيقة ومحدش سعيد فى الدنيا قدك بس اقسم بالله
مش هى السعادة لانك بتعمل حاجة حرام بتبقى سعادة انت الى متخيلها لكن مش
حقيقة عايز تعرف السعادة الحقيقة بجد لو عايز تعرف السعادة الحقيقة روح
اتكلم مع ربنا وهيسمعك روح قوله انا غلطان وعارف انى عصيتك بس سامحنى قرب
من ربنا والله كل ما تقرب من ربنا فى حاجة هتشوف يعنى ايه السعادة هتشوف حب
ربنا لك فى كل مكان فى كل حاجة هتبقى سعيد من قلبك جوا مش حاجة انت الى
متخليها ومخترعها بانك سعيد مستحيل تلاقى حد حاسس بالسعادة الحقيقة وهو
بيعصى ربنا
يعنى لو بتحبها وهى بتحبك سبها ابعد عنها وشوف ربنا هيفرح بيك قد ايه الى
بيسيب حاجة عشان ربنا شوف ربنا هيعمل ايه معاك الى عايز يتقرب من ربنا بجد
من قلبه بيتقرب فعلا
وعشان تشعر يعنى ايه انت سعيد فى حياتك قرب من ربنا