دردشة شبــاب جامعة بنها

السلام عليكم ورحمة الله وبركاته

ازيكم ياشباب يارب تكونو بخير النهاردة انا جايب لكم فكرة عجبانى ونفسى الكل يساعدنى اننا ننفذها دا لو عجبتكم طبعا

الفكرة اسمها (دردشة شباب جامعة بنها


يعنى احنا هنختار وقت نتجمع فيه كلنا على السايت وهندخل التوبيك دا وهيبقا معانا عضو هيدير البرنامج يعنى هيقترح مشكلة -قضية مطروحة على الساحة -افكار شبابية اننا ممكن ننفذها فى المستقبل كمشاريع -......الخ

العضو دا مش هيبقا ثابت متغير يعنى النهاردة مثلا دار البرنامج احمد بكره محمود مثلا وهكذا

هنتكلم فى الجامعة واحوالها وايه الى عجبنا واللى مش عجبنا ايه نظرة الناس لينا اننا فى كلية زى تجارة او اداب او حقوق وازاى نبقا اقوى ونقولهم انتو مش بتفهموا حاجة مش شرط انى ابقا فى طب او هندسة يعنى علشان اعجبكم

كل حاجة هندردش فيها على دردشة شباب جامعة بنها

السؤال دلوقتى لو عجبتكم الفكرة تختارو وقت ايه نتجمع فيه كلنا وايام ايه

انا بقترح يكون الساعة 10بليل مثلا الايام مش فارقة اللى يهمنى راى الاعضاء علشان ننفذ الفكرة

خليها على 2 الفجر كده يا ميشو عشان اكون رجعت البيت

ولا بص اعملها من غيرى وخلاص وعلى بركة الله

تسلم يا ميشو فكرة هايله

بس يا ريت يا ميشو تكون بليل يعنى على الساعه واحده كدا شان يكون رجعت من الشغل وعادى تبقى كل يوم او يومين فى الاسبوع حسب رغبه الاعضاء


وبالتوفيق دااااااااااااائماااااااااااااااااااا

هيا فكره حلوه اوى بس كلو عايزها بليل وان اخرى على الجهاز الساعه 10

بس عادى ياميشو ممكن تنفذوها من غيرى وعلى حسب راى الاعضاء

ياريت الساعه 10ولحد1 بالكتير وفكرة جامدة

فكره حلوه بس خليها بليل ع ما استلم ورديه الجهاز

فكره حلوووو يا ميشووووو

موضوع جميل وياريت يتم التفاعل فيه من جميع الاعضاء
بس هو مش دة منتدى لجامعة بنها كلها
ليه ميتعملش قسم لطلبه هندسة شبرا وهبقى فيه محاضرات واخبار بردو عن الكليه
بحيث يبقى المنتدى شامل
حابب اسمع الرائ فى الفكرة دى

اولا مرحبا بحضرتك فى المنتدى ولنا الشرف انك هنا معانا ياافندم

اوضح لحضرتك كل حاجة بمنتهى التفصيل

انا اول ماعملت المنتدى كنت عامل كل الكليات تمام بما فيهم هندسة شبرا وكنت رافع هنا نتيجة اعدادى شبرا والاقسام اللى دخلها طلاب اعدادى شبرا تمام ولكنى لم اجد تفاعل فى القسم فكان الطبيعى انى هيفضل فاضى لانى انا فى تجارة مش فى هندسة اقدر افيد فى مجالى فهمنى حضرتك

فتم حذف القسم وقولت لما حد يجى فى المستقبل يطلب اننا نحط القسم تانى وهيساعدنا مفيش اى مشاكل اننا ننزل قسم هندسة من جديد فلو حضرتك تقدر تساعدنا انا مش عندى اى مانع واعملك القسم وكل اللى انت عاوزه انا تحت امرك فيه

وفى النهاية يارب اكون افادت حضرتك يااحمد ومنور المنتدى كله

انا اكتر شرفا والله
متتخيلش رد حضرتك دة اسعدنى قد ايه
وياريت فعلا يتعمل قسم باسم هندسة شبرا وان شاء الله هيبقى فيه تفاعل من الاعضاء
انا عندى افكار لللقسم لو تسمح ممكن ااقولهالك

ياريس انا اللى سعيد جدا بحضرتك والادارة هتضيف ميلك ونتراسل معاك واللى فى الخير اكيد هيتعمل واللى يريحك انا تحت امرك لانك انسان محترم بجد وعايز تفيد غيرك تحياتى ليك وبجد انا سعيد بك معانا هنا

فكره حلوه قوى بس كان نفسى اكون معاكم
بس انا مش معاكم فى الجامعه
وبالتوفيق ان شاء الله

فكره جميله يا ميشو تسلم يا ريس

تمام ياريس فكره جامده

الفكرة جميله جدا ورائعه وهى فرصه جميله جدا للتعارف