ليه دايما عايشين فى صراع

هو احنا ليه دايما عايشين في صراع ليه دايما فيه حاجه جوانا خايفه ليه بنفكر في الحلال والحرام الصح والغلط الصدق والكذب ليه الحياه مش واضحه ليه ف عزالحزن بنلاقي لذه وفي اقصي السعاده بنلاقي خوف هي الحياه فعلا مش واضحه ولا احنا اللي مش فاهمينها ولا فيه ناس فاهمينها وناس لا وانا من الناس اللي مش فاهماها ....جايز.. ..يمكن.. احتمال.. اه لاْ مش عارفه!

يا نهار ابيض دى كلها اساله
وفى الاخر تقوليلى جايز.. ..يمكن.. احتمال.. اه لاْ مش عارفه

بصى يا ستى
هو احنا ليه دايما عايشين في صراع
بصى الصراع موجود من ساعه ما خلق ادم عليه السلام وحواء
قابيل وهابيل والكلام الكبير دا
لازم يكون فى صراع فى حياتنا علشان تمشى صح ومش شرط يكون الصراع اللى هو الضرب وكدا لالا خالص دا صراع وبرده فى صراع النفس دا صراع وبرده الصراع فى الشغل انا وزميلى مثلا فى العمل بنتصارع علشان نوصل لمكان معين علشان نترقى
غالبا كلمه صراع دى بيكون فيها شويه غل على شويه كراهيه انا بقول المسمى الاحسن والاجمل السباق الدنيا دى عباره سباقات
المهم الصراع دا فينا ولازم يكون موجود

ليه دايما فيه حاجه جوانا خايفه ليه
احنا لازم نخاف على الاققل بقى لو انا واد مبيهمنيش حد وواد فت زى ما بيقولوا هخاف من ربنا من عقابه هخاف من حاجات كتير فى حاجات كتير تستدعى الخوف مش عارف هل فى ناس مبتخفش ولا كل الناس بتخاف اه فى خوف مرض ماهو مش اى حاجه نخاف منها
انا مثلا بخاف من البحر لانى مبعرفش اعوم ومجربتش انزل بحر اصلا
دا عيب؟
مش عارف هو ممكن يكون تقصير لانى لازم اتعلم بس انا مستنى لما ادخل الجيش يعلمونى هم هناك
فالخوف عامتا حاجه على قد ما هى وحشه على قد ماهى حلوه


بنفكر في الحلال والحرام الصح والغلط الصدق والكذب
ما هو احنا لازم نفكر فى الحلال والحرام والصح والغلط والصدق والكذب
بصى احنا فى دنيا صغيره اوى ععايشين فيها فتره بسيطه جدا تمهيدا لحياه ابديه الحياه الابديه دى مبنيه على الحلال والصح والصدق وطبعا حاجات كتير كمان فانا كمحمد مثلا عايز ادخل الحياه الابديه دى فى مرتبه كويسه الجنه مثلا يااااااااااارب فبصلى واصوم واعمل حلال ومعملش حرام على قد ما اقدر وبقدر المستطاع علشان اوصل للمكانه دى
غير كدا الصح والغلط طبعا فى ناس ولا بتفكر فى عذاب ولا بتفكر فى ان ربنا شايفنا ورقيب وعتيد بس بتفكر ان انا لو سرقت هيتقبض عليا ولو قتلت هتعدم طبعا دا كان زمان اما دلوقتى عقوبه الاعدام اتلغت وعقوبات كتير هتطبق عليا بالاضافه او مش بالاضافه دى هى الاصل اصلا عقوبه ربنا
الصدق والكذب دايما واحنا صغيرين نلاقى ماما ولا بابا يجيى يقول الكداب بيروح فين نقوم نرد نقول الناااااااااار بصوت عالى وحماس كدا دلوقتى بسم الله ما شاء الله الواد يقول لابوه يابابا الكداب بيروح فين يقوله ماريناااااااااا يا حبيبى كدا
فعرفنا ان الكدب غلط والصدق صح فعلشان احنا عرفنا دا لازم هنفكر فيه

ليه الحياه مش واضحه
مش واضحه ازاى ؟
لا الحياه واضحه من يوم ماعرفنا ان فى حياه احنا بالاعيبنا وبكذبنا وبتزيفنا للحقائق واللعب من تحت الطرابيزه زى ما بيتقال خليناها مش واضحه
صغير يطلب الكبر........... وشيخ ود لو صغر
وخال يشتهى عملا............. و ذو عمل به ضجر
و رب المال فى تعب............. و فى تعب من افتقر
و ذو الاولاد مهموم.............. و طالبهم قد انفطر
و من فقد الجمال شكى............. وقد يشكو الذى بهر
فهل حاروا مع الاقدار ..............أم هم حيروا القدر؟


ليه ف عزالحزن بنلاقي لذه وفي اقصي السعاده بنلاقي خوف
بصى ربنا عز وجل حط فينا حته النسيان
الحته او الميزه دى جميله اوى وهى عامتا احنا كبشر مش بنستخدم غير فى نسيان الاحزان
احنا احزانا قليله بالمقارنه بافراحنا واوقات الفرح بتاعتنا
فاحنا تقريبا والله اعلم انتى اصلا اسالتك صعبه ومش من الكتاب ومش عارف انتى جايباها منين فانا بجتهد بعقلى مش اكتر
فتقريبا احنا علشان احنا كل يوم مش فى حزن او مش بيتنكد علينا كل يوم فبنحس ان دى حاجه جديده حاجه مميزه
حكايه بقى فى اقصى السعاده نلاقى خوف دى
تقريبا اتكلمنا قبل كدا الموقف ان لما حد بيضحك اوى او كدا نلاقى حد يقول ربنا يستر ويعدى اليوم بخير
مش عارف هل هنا دا زى دا مش عارف
بس لكل مواقف حلو هنلاقى الحاجه الى بتعكنن علينا دى هى اصلا مننا احنا
يعى مثلا رايح فرح حد صاحبى وكدا وبابا قالى متتاخرش وكدا
انا رحت الفرح لاقيت الفرح زى الفل وكله حاجات حلوه وكدا ومش عايز اروح الوقت لذيذ عدى بسرعه نسيت نفسى طول ما انا فى الفرح عمال ابص فى الساعه بابا قالى لو انت جيت بعد 12 هقفل الباب وهتبات فى الشارع عمال بقى الساعه دلوقتى كام ابص فى الساعه كدا روحت متاخر نمت بره البيت علشان قالولوى لو اتاخرت اوووت علطول قلق فى قلق فى قلق
رايح فرح العروسه ولعت ولا العريس عمل جامب من فوق المسرح انكسر
هى كدا مين اللى قالى اتاخر انا عقلى انا يعنى انا اللى خليت الفرح يقلب بحزن ليه طالما الفرح هيكون كويس ماتصلتش وقولت هتاخر ؟
مين اللى ولع فى العروسه الشمع ومين جاب الشمع اهلها اللى انا منهم يبقى انا قصرت !
مين اللى خلى العريس المجنون ينط من على المسرح اصحابه اللى قوموه يرقص وزقوه من على المسرح مين اصحابه انا منهم قصرت !
ههههههههههههههههههههههه
دا انا طلعت عامل بلاوى
دا مش بعيد يكون انا السبب فى النكسه


هي الحياه فعلا مش واضحه ولا احنا اللي مش فاهمينها ولا فيه ناس فاهمينها
وناس لا وانا من الناس اللي مش فاهماها ....جايز.. ..يمكن.. احتمال.. اه
لاْ مش عارفه!
بعد الكلام اللى انا قولته ممكن تفهميها وممكن لا وممكن تقولى محمد ماقلش حاجه تتفهم اصلا وتقومى شاتمانى ساعتها بقى هعرف وممكن تفكرى فى يوم فرحك وتقولى ممكن الجامب دا يحصل ولا لا طيب وفيها ايه لو عملنا الكوشه على الارض علشان لو عمل النطه دى ميحصلوش حاجه
هههههههههههههههههه
اه هتفكرى كتير
المهم يا جماعه الحياه جميله والحياه سهله هتتعاش هتتعاش المهم نعمل للجاى ونفكر فى المستقبل ونخاف من ربنا وكل حاجه تكون تمام ان شاء الله


موضوع جميل وطلعتنى عينى وتوبه ان قريتلك توبيك تانى

وانا رأى من رأى بركه
وانا بشكره اووى على اجاباته الجميله وكلامه الجميل
وبعدين لو مطلعناش عين المدير العام هنطلع عين مين يعنى

موضوعك جميل يا دودى ويستحق الاهتمام

تقبلوا مرورى

انتوا متفقين بقى عليا
هههههههههههههههه

ماشى يا زهرة مفيش مشاكل موضوع جميل فعلا
وانا مش عارف دودى ردت وحذفت ردها فبعد مارديت لاقيتها حذفت الرد فحذفته انا كمان مش عارف حذفته ليه

نايس توبيك يا دودى وادخلى ردى بقى متغلبيناش

ازيكم يا جماعة عاملين ايه معلش انا كنت مسفرة ولسه راجعة النهارة شكرا على مروركم واجابتك حلوة اوى يا بركة وانا اسئلتى مش من الكتباب يعنى انتى بتاخد كورس من ورانا ههههههههههههههههههههههههه والرد الاولانى مش عارفة كان فى ايه المهم لاقيته اتحذف كده

ولا يهمك وحمدالله على السلامه نورتى المنتدى

وانا ولا كورسات ولا حاجه والله
هههههههههههههه
تسلم ايدك على التوبك

الله يسلمك يا بركة المنتدى منور بيكم وانا هشوف حوار الكورسات ده ههههههههههههههههههههه