(..\\حكايتي مع المنتدى..\\)

1/ كيف بدات رحلتك (حكايتك) مع المنتدى وكيف وصلت لهـ..!
بكل بساطه انا فى كلية تجاره جامعة بنها فاكيد هبتدى ادور على منتدى للكليه والحمد لله لقيت المنتدى وسجلت فيه وكمان بحاول اشارك فيه

2/ ملتقى طلبة جامعة بنها ماذا يمثل لك..!
بيمثلى مكان مهم جدا يكاد يكون بيت ليا بس انا معرفش غير عدد قليل جدا من افراد البيت

3/ هل تفكر في المنتدى وانت خارجه والي اي درجه..؟..( .وبما تفــكر. )..!
طبعا بفكر فيه كتيرررررررر
وبفكر فى ازاى افيد المنتدى لانه بيفدنى وبيساعدنى كتير

3/ ما أول شئ تفعله عند دخولك المنتدى..؟ >>> (بشرح لو سمحت)..
بصراحه بحب اشوف المواضيع الجديده ولو مواضيع مثيرة للنقاش او مواضيع رائعه لازم اشارك فيها برأى او شكر للى كاتب الموضوع
وكمان لو ليا موضوع احب اشوف مدى تفاعل الاعضاء مع الموضوع

4 / من هم الاعضـاء الثلاثه الذي يشغلون تفكـــــيرك وانت خارج المنتدى..؟ >> بكل صراحه..!
بكل صراحه انا فى اعضاء كتير بتشغل تفكيرى خارج المنتدى وعلشان كده انا مش هحدد عضو معين

5 / من الثلاثه الذي تبحث عنهم وانت في المــنتدى..
وتتمنى وجودهم..!..
اتمنى وجود جميع الاعضاء وخصوصا الاعضاء النشيطين واللى بينشطوا المنتدى

6 / من العضو الذي يسعدك مرورة في موضوع لك ويوقع فيهـ..!
يسعدنى مرور جميع الاعضاء


7 / موضوع تمنيت ان تكتبه لكنه موجود باسم عضــو آخر..!
الحمد لله مش فى

8 / رساله خاصه الي مين ترسله وماذا تقول لهـ..!
( اسم العضو )..: الى جميع الاعضاء

( نص الرساله )..:
اتمنى من جميع الاعضاء الاهتمام بالمنتدى اكثر من ذلك لان المنتدى فى حالة خمول
وان كنا نتمنى ان يرقى المنتدى فهذا لا يحدث بالكلام ولكن بالفعل
ياااااااااااااااااارب المنتدى يبقى فى احسن حال ودا طبعا هيكون باعضائه الكرام

9 / ما هو الشئ الذي يقلق في المنتدى وتتمنى اصلاحـه..!
الشئ الذى يقلق فى المنتدى هو حالة الخمول التى تسود على المنتدى

10 / اصعب موقف مرة عليك في المنتدى ولا تقدر ان تنساه..؟
الحمد لله لسه مفيش

11 / لحظه مرت عليك في المنتدى ولم تنساها ألي اليوم من شدة الفرح بهـ..!
لما كتبت اول موضوع ليا وحسيت انه عجب الاعضاء اللى شاركونى فيه

12 / اي القسم التي ترتاح فيه وتحب ان تكون فيه واي قسم الذي تبدع فيه..؟
مش ليا قسم معين وكمان القسم اللى برتاح فيه هو اكيد اللى بشارك فيه
بس انا بحب المواضيع المثيره للنقاش وكمان بحب المواضيع اللى بتقدم معلومه مفيده واكيد لازم اشارك فيهم

13 / عضو معاك في المنتدي تريد ان تقول له شئ..( نصيحه _ عتب _ شكر _ ملاحظه )..!
احب اقدم شكر لادارة المنتدى على الثقه اللى ائتمنونى عليها

14 /هل تريد ان تقول شئ قبل ان تغادر..؟
احب اقول للاعضاء ارجو الاهتمام اكثر بالمنتدى
ويارب دايما فى رقى دائم


15 / ( 4 ) أعضــاء لن تنساهم حتى بعد مغادرتك المنتدى..!
انا مش هحدد
بس اكيد مش هنسى اى عضو مواضيعه كانت شيقه وجذابه
وكمان مش هنسى اى عضو شجعنى على المشاركه فى مواضيع المنتدى

16 / من خلال معاملتك مع المراقبين والمشرفين ..أكتر شخص قريب منك منهم من..!
انا لسه مش اتعاملت معاهم كلهم واكيد مش هقدر احدد بالظبط


17 / ومن خلال تواجدك مع اعضـاء منتداك..أكتر عضو بعجبك أسلوبه و يهمك وجوده..!
بصراحه هما كتير علشان كده انا مش هحدد علشان مش انسى حد

18 / أقتراح تقدمه للـمنتدى..؟
هو اقتراح رخم شويه
ان القائمين على المنتدى يقوموا بتحذير اى عضو غير مشارك وان لم يقبل التحذير فلابد من اتخاذ خطوه اتجاه هذا العضو
لان كما نريد ان نستفيد كاعضاء لابد ان نقوم نحن ايضا بالافاده

19 / من هو العضو الذي ترشحه او تورطه بعدك عشان يشرفنا
في الموضوع ويحكي حكايتهـ..!
baraka

20 / قيم أجوبة العضو اللي سبقك بالأجابه على الأسئله..؟ ( 1 _ 10 )
لسه مش فى اعضاء قبلى

ياااااااااااارب اكون قدرت اجاوب فى مضمون الاسئله

موضوع جميل ويستحق التثبيت
تقبل مرورى

السلام عليكم موضوع جميل يا خالد وانا شفت الموضوع دا من يوم ما انت كتبته وبامانه عجبنى اوى لدرجه ان انا من كتر االاعجاب به قررت ان انا مش هرد فيه
هههههههههههههههههههه
فعلا والله بس طالما بقى اتوجهلى خطاب رسمى باننا لازم ادخل واتكلم فيه فلازم ادخل واتكلم ودى حاجه تشرفنى ان انا اتكلم فى موضوع زى دا


1/ كيف بدات رحلتك (حكايتك) مع المنتدى وكيف وصلت لهـ..!

رحلتى مع المنتدى بسيطه وسهله جدا انا بفضل ربنا من الناس اللى كان ليها الشرف انها ساهمت فى تاسيس المنتدى دا والعمل فى ادارته بس انا كان اتفاقى مع ميشو ان انا اساعده فى شغل الادارة من الداخل واكون عضو عادى مبقاش برتبه مدير ودا فعلا اللى حصل وبعد ما انتهيت سيبت المنتدى فتره لان كان دا اتفاقى مع ميشو اننا بعد ما نخلص انا هسيب المنتدى وبعدين رجعت تانى المهم لفه كبيره اوى بس كل ما فى الموضوع ان انا اقدر اقول ان السبب ان انا اكون معاكم هنا ربنا اولا طبعا ثم ميشو لانه كان صاحب الاقتراح وصاحب الفكره

2/ ملتقى طالبة جامعة بنها ماذا يمثل لك..!
ملتقى
جامعه بنها بيمثلى حاجه جميله اوى يعتبر زى بيتى التانى هو المكان اللى
انا دايما بدخله باستمرار اصحابى كلهم فيه على الرغم من حاله الخمول اللى
هو فيها دى بس ان شاء الله مش هطول بس هو حاجه جميله جدا ليا شخصيا وبستمتع
جدا يعنى انا والله تقريبا اول حاجه بعملها اول ما افتح الجهاز بفتح
الايميل وبعدين الفيس وبعد كدا المنتدى وهو فعلا يستاهل اكتر من كدا لان
حاجه جميله جدا جدا وهتعرفوا كلامى كويس اوى لما تفضلوا فيه فتره

3/ هل تفكر في المنتدى وانت خارجه والي اي درجه..؟..( .وبما تفــكر. )..!
طبعا بفكر فيه كتير جدا واكتر من مره اتصل بميشو اقوله ادخل اعمل كذا اصل نسيت وانا فى شغل او انا خارج ومش هرجع انهارده هرجع بكره الصبح ادخل اعمل كذا دايما بفكر فيه لما تكون فى مشكله بين احد الاعضاء لما بيكون فى نقاش حاد زى موضوع مصر اللى هز المنتدى هنا بكون بفكر فيه باستمرار
وطبعا انا بفكر ف ايه الى بيحصل وانا مش موجود دايما بكون قلقان لحد يدخل يكتب كومينت مش مظبوط او حد يدخل يعمل مشكله وميكونش حد موجود من المشرفين او الاعضاء بيبقى عندى شويه قلق بس دلوقتى انا مطمن الحمد لله معانا ناس فاهمه كويس اوى هى بتعمل ايه ف الحمد لله نسبه القلق بدات تخف

3/ ما أول شئ تفعله عند دخولك المنتدى..؟ >>> (بشرح لو سمحت)..
اول حاجه بعملها ببص على قائمه الرسايل علشان لو فى اى رساله جايه من اى حد اقراها الاول لان عادتا اى شخص مسؤل بتجيله رساله بتكون حاجه مهمه فلازم الاول اشوف الرسايل اللى جايه ليا علشان لو حاجه عايزه قرار سريع ااقدر اخد القرار
تانى حاجه بعملها لما بدخل المنتدى بشوف المواضيع الجديده لاول اشوف كل المشاركات اللى اتعملت
وانا مش موجود ببدا ارد عليها ان كان الموضوع نقاش بستمتع جدا اانا عادتا بحب النقاش لان انا بحس ان انا متميز فى الحته دى فدايما ادور على مواضيع النقاش اسيبها للاخر اما المواضيع اللى انا بقول فيها شكرا او تحياتى او تسلم على الخبر والكلام دا فدى مواضيع عاديه بتكون جيده طبعا بس انا اتعودت ان انا ارد على المواضيع دى الاول وبعد كدا ندخل فى الجد
بعد ما اخلص الرد على المواضيع الجديده ببداا اشوف المواضيع اللى انا كاتبها واشوف الردود وابدا ارد واعقب على الردود دى وان كان فى اى استفسار اجاوب عليه بعد ما اخلص دا كله ابدا اشوف بقى مين اللى موجود فى المنتدى فى الوقت الحالى وبعد كدا اشوف مين اللى اتواجد طوال اليوم

4 / من هم الاعضـاء الثلاثه الذي يشغلون تفكـــــيرك وانت خارج المنتدى..؟ >> بكل صراحه..!
والله هو دلوقتى عدد الاعضاء اللى هنا فى المنتدى اللى شغالين عدده محدود يعنى انا مقدرش اقول دا فى كتير وهحتار وكدا لا هى الاعضاء الموجوده دلوقتى اللى شغالين كويس اوى طبعا مع احترامى لجميع الاعضاء ااقدر اقول زهرة الربيع ودودى او دودى وزهرة الربيع علشان محدش يزعل ههههههههههههه
وطبعا ونونو وميشو وملاك وفى ناس كتير علشان بس ما انساش حد
بس مديرين بقى ومش هتكلم كتير علشان بامانه الناس دى شغلها عالى اوى ومن زمان لكن انا بتكلم على الشغل الجديد فى المنتدى
المهم نقدر نقول ان الاعضاء اللى بيشغلونى هم الاعضاء الى شغالين لان انا معرض فى اى يوم افتح الجهاز الاقى توبيك فى حاجه بتدينى ثلا
يعنى زهرة لما قالت المديرين يكون فى حاجه كدا مش فاكر النص برده هو كان فى توبيك مصر حاجه زى دى تخلينى افكر كتير بقى
يارب اكون قدرت اوصلكم كلامى او افهمهلكم

5 / من الثلاثه الذي تبحث عنهم وانت في المــنتدى..
وتتمنى وجودهم..!..
لا ابحث عنهم دى صعب اه فى اتمنى وجودهم بس ابحث لا معتقدش ان انا بحث عن حد انا اتمنى اوك مفيش مشاكل
وزى ما قولت قبل كدا اى حد شغال ومواضيعه جامده وكويسه وفعاله ونقاش وكدا بتمنى ان انا اشوفه كتير لان انا عارف ان وجوده دا وراه مصيبه وراه موضوع هيشدنى وراه موضوع كويس
فبتمنى ان انا اشوف الناس دى دايما على المنتدى
وبتمنى ان انا اشوف نونو زى الاول واكتر لان باامانه مواضيعها كلها جميله جدا ومن الشخصيات اللى انا بتمنى الاقيلها مواضيع على طبعاى المنتدى باستمرار
بس دلوقتى بقى فى اكتر من حد مواضيعه كويسه وكدا وربنا يستر

6 / من العضو الذي يسعدك مرورة في موضوع لك ويوقع فيهـ..!
والله انا بيسعدنى مرور اى عضو بس يكون عارف هو بيتكلم فى ايه
لان انا بتضايق اوى لما حد يدخل يرد فى موضوع وميكونش عارف اصلا الموضوع بيتكلم فى ايه فمبيكلفش نفسه ويقرا ويقوم داخل كاتب متشكرين ونجاملك فى الافراح يا حج محمد وميه ميه انا بتضايق اوى لما بشوف كدا وبفرح جدا لما بلاقى حد بيرد فعلا رد يحسسنى ان قرا الموضوع سواء بقى رد ايجاب او سلب عادى

7 / موضوع تمنيت ان تكتبه لكنه موجود باسم عضــو آخر..!
موضوع ليه شايفه حالا قبل ما ادخل ارد فى التوبيك هنا وهو موضوع عاملاه زهرة الربيع وبتقول ان اللى بيدخل المنتدى مش بيشارك وبيقرا ويخرج
انا اتكلمت فى الموضوع دا كتير اوى والله يا زهرة وبامانه انا دخلت موضوعوك دا وهرد بس انا اول قرات الكلام خرجت ويمكن لحد دلوقتى برد فى الموضوع دا وبفكرفى الموضوع اللى انتى كاتباه
بس ان شاء الله هرد عليك قريب

8 / رساله خاصه الي مين ترسله وماذا تقول لهـ..!
اعضاء غاليين اوى علينا غابوا عننا لفتره ومش عارف ايه اللى حصل لكدا
نفسى ميرا ترجع زى الاول نفسى حماده ستار ينورنا تانى بافكاره وكلامه الجميل نفسى سوسو ترجع ناس كتير اوى اوى علشان مش عايز انسى حد فى ناس كتير اوى واحشانى مشاركاتهم فبقولهم واحشنى جدا هنا انا اه متواصل معاه على الميل وفى الجامعه وزهقان منهم
ههههههههههههههههههههههههه
بهزر لحد يزعل
بس فعلا الناس دى واحشانى اوى مشاركاتهم

9 / ما هو الشئ الذي يقلق في المنتدى وتتمنى اصلاحـه..!
يمكن الموضوع اللى اتكلمت فيه زهرة الربيع واللى انا قولته فوق من شويه معلش بقى عزيزى القارى لمعرفه هذا الشى اطلع بمؤشر الماوس شويه كدا لفوق بتاع شبر ونصف كدا لان انا مش هقدر اكتب تانى لسه فى اسله كتير

10 / اصعب موقف مرة عليك في المنتدى ولا تقدر ان تنساه..؟
لما حسيت ان انا هخسر اصحابى بسببه
بس كفايه كدا ومش هحكى الموقف طبعا لانه مينفعش يتحكى

11 / لحظه مرت عليك في المنتدى ولم تنساها ألي اليوم من شدة الفرح بهـ..!
لحظه جميله اوى للاسف مش هقدر اوضحها لانها مش كل حاجه تحكى وبش احراج بقى
بس عرقه قيمتى عند ناس معينه هنا فى المنتدى عزيزه عليا

12 / اي القسم التي ترتاح فيه وتحب ان تكون فيه واي قسم الذي تبدع فيه..؟
انا دايما بحب النقاش فتقدروا تقولوا ان انا ممكن تلاقونى فى قسم الراى والراى الاخر او العام
اى حاجه فيها نقاش تلاقونى فيها لان دى حاجه فيا


13 / عضو معاك في المنتدي تريد ان تقول له شئ..( نصيحه _ عتب _ شكر _ ملاحظه )..!
نصيحه لاصحابى اللى كانوا هنا وغايبين عننا بقالهم فتره
وبعتب على اى حد داخل هنا مش بغرض انه يفيد ويستفيد وداخل يعمل اى حاجه تانبه
شكر لكل عضو ساهم فى الارتقاء بالسرح العلمى الجميل دا والملتقى الرائع دا
ملاحظه البيت بيتكم يا شباب اللى هتعملوه انهارده بكره هتلاقوه اى موضوع بتكتبوه فانتوا فى الاول وفى الاخر المنفعه لكم وبعدين لباقى الاعضاء لو دورنا على كميه المعلومات اللى بتاخدها لما تدخل هنا قدر كبير جدا جدا جدا
فكر كويس

14 /هل تريد ان تقول شئ قبل ان تغادر..؟
اقول شكرا لزهرة الربيع علشان خلتنى ادخل التوبيك هنا
وبشكر خالد حبيبى اللى كاتب الموضوع الجميل دا
ومش عارف اقول ايه تانى لو احتاجت اقول حاجه هبقى ادخل اقولها بقى علشان انا دلوقتى اصلا قلقان علشان النتيجه اتعلقت فى الكليه وكلها ساعه ونصف او ساعتين واكون واقف قدام قدرى
ربنا يستر

15 / ( 4 ) أعضــاء لن تنساهم حتى بعد مغادرتك المنتدى..!
انا عامتا مبنساش بس اى حد اثر فيا بموضوع بكلمه براى بمرور باى حاجه مش هنساه لانه اثر فيا فصعب يتنسى

16 / من خلال معاملتك مع المراقبين والمشرفين ..أكتر شخص قريب منك منهم من..!
يمكن ميشو علشان دايما مع بعض فيس ياهو جامعه فون فى كل داهيه
لدرجه ان انا بدات اكرهه
بهزر
اصل انا عارفه بيتلكك

17 / ومن خلال تواجدك مع اعضـاء منتداك..أكتر عضو بعجبك أسلوبه و يهمك وجوده..!
سؤال مكرر ي خالد يا حبيب قلبى نفس الكلام دا قولنا فوق بتاع خمس اشبار كدا اطلع دور بقى هو انا فاضيلك
بقولك النتيجه اتعلقت
هههههههههههههههههههه

18 / أقتراح تقدمه للـمنتدى..؟
يمكن اى اقتراح بيجى على بالى بقوله وبيتنفذ لو كان فى صالح المنتدى فانا دايما اى اقتراح بييجى على بالى بقوله فطبعا لو فيه دلوقتى كنت قولته من قبل ما ادخل التوبيك بس ان شاء الله اللى جاى احسن

19 / من هو العضو الذي ترشحه او تورطه بعدك عشان يشرفنا
في الموضوع ويحكي حكايتهـ..!
والله انا عايز نونو تدخل بعدى لانها بامانه لازم تدخل بقى بمزاجها مش بمزاجها هتدخل هتدخل
يلا يا جماعه قولوا ورايا عايزين نونو عايزين نونو
ايه الهبل دا
هههههههههههههههه
لالا بجد نونو انا عايزها تدخل هنا وتجاوب على الاسئله دى وياانا يا انتى يا نونو
ههههههههههههههههههههههههههه

20 / قيم أجوبة العضو اللي سبقك بالأجابه على الأسئله..؟ ( 1 _ 10 )
هقول بس ياريت متزعلش منى انا هاديها 7 بس علشان تقريبا كتير من اجابتها غير محدده وماتطمعيش فى اكتر من كدا مش هيحصل والله
هو انا بجيبهم من الشارع
بس انا مديها العزر انها لسه جديده هنا فى المنتدى علشان كدا صعب انها تجاوب شويه


يارب اكون قدرت اقنعكم باجاباتى واكون قدرت اوصلكم كلامى كويس
تحياتى
baraka

تمام جدا يا بركه

بس فى شوية هروب بس هنعديها نظرا لظروف النتيجه

ودائم التألق ودا ئم التميز فى اجاباتك

وطبعا البركه فى موضوع خالد تسلم ايدك يا خالد

منتظرين نونو تشرفنا فى الموضوع

تقبلوا مرورى

تسلم ايدك ياخالد موضوع جامد جداااااااااااا واجابات جميله من زهره وبركه

منور الموضوع يا HIMA

ونحن فى انتظار مشاركتك

تقبل تحياتى

بجد فكره كتيييييييييييييييييييير حلوه تسلم ايدك يا جلاكسي
1/ كيف بدات رحلتك (حكايتك) مع المنتدى وكيف وصلت لهـ..!
انا بدات رحلتى مع منتدى جامعة بنها من خلال ميشو كان صديق عندى ع الفيس بوك وفي نفس اليوم اللى انشا فيه المنتدى قالى انه عمل منتدى اسمه ملتقى جامعة بنها وقالى سجلى فيه وانا في الوقت ده مش كنت مسجلة في اى منتدى يخص الكلية فقولت اسجل فيه وفعلا سجلت في نفس اليوم اللى انشا فيه المنتدى
2/ملتقي جامعة بنها ماذا يمثل لك؟
انا بعتبره بيتى التانى وكليتى الاولى مش التانية ههههههه لانى انا بستفيد منه كتييييييييير وبتعلم منه اكتر
3/هل تفكر في المنتدى وانت خارجه والى اى درجة وبما تفكر ؟
يعنى بصراحه مش كتيييير بس في اوقات بفكر في المنتدى وفي اعضائه المسكرين
4/ما اول شئ تفعله عند دخولك المنتدى؟
اول حاجه بعملها لما بدخل المنتدى بشوف لو في رسايل جيالى وبعد كده بشوف الردود ع المواضيع اللى نزلتها وبعدين ببدا اشوف المواضيع الجديده اللى الاعضاء نزلتها وببدا اقرها وارد ع المواضيع اللى عجبتنى ولو عندى موضوع جديد بنزله
4/من هم الاعضاء الثلاثة الذي يشغلون تفكيرك وانت خارج المنتدى؟
بصراحه هم خمسه مش تلاتهاخواتى واصحابى ملاك الهدى وميرا وسوسو وميشو وبركه
5/من الثلاثة الذي تبحث عنهم وانت في المنتدى وتتمنى وجودهم؟
نفسي الاقي كل الاعضاء موجودين وخصوصا ميرا وملاك الهدى وسوسو وميشو وبركه واحمد رضا وخالد جلاكسي وصفوت وحماده ستار
6/من العضو الذي يسعدك مرورة في موضوع لك ويوقع فيها؟
مش عضو محدد بس ببقي مبسوطه اوووى لما اشوف الاعضاء عجبها الموضوع ووقعوا عليه
7/موضوع تمنيت ان تكتبه لكنه موجود باسم عضو اخر؟
هو موضوع ميشو نزله بعنوان عيد ميلاد العضوه noor
كنت داخله المنتدى يوم 8/3 اساسا علشان اعملها توبيك وقولها كل سنة وانتى طيبة لانها اساسا صحبتى شخصيا وبحبها اووووى بس ميشو سبقنى ونزل التويبك
8/رسالة خاصة الى مين ترسله وماذا تقول لها؟
رسالة الى جميع اعضاء ملتقي جامعة بنها بقولهم قيها يلا كلنا ندخل ونشارك في رقي وتقدم المنتدى لانه بيتنا التانى وعلشان الكل يستفيد يبقي لازم كلنا نشارك ونتعب علشان يبقي احسن منتدى ع مستوى المنتديات الخاصة بجامعة بنها
9/ما هو الشئ الذى يقلق في المنتدى وتتمنى اصلاحه؟
حالة الركود والخمول اللى موجود في المنتدى لدى الاعضاء ولو استمرينا ع كدا يبقي المنتدى عمره ما يتقدم وعمر ما حد هيستفيد منه
10/اصعب موقف مره عليك في المنتدى ولا تقدر ان تنساه ؟
الحمد لله لسه ممرش عليا الموقف ده
11/لحظه مرت عليك في المنتدى ولم تنساه الى اليوم مش شده الفرح بها؟
لما يكون في اعضاء كتيير موجودين في المنتدى والكل يشارك في لعبة زى لعبه اوصل لرقم خمسة وزحلق العضو اللى عاوزه
دى اسعد لحظه لما ازحلق الاعضاء اصل انا سفاحة بقا ههههههههههه
12/اسم القسم الذى ترتاح فيه وتحب ان تكتب فيه واى قسم الذى تبدع فيه؟
انا بحب قسم الاسلاميات والرومنسيات ومسابقات في مسابقات
وببدع في قسم ساعة لقلبك وبحب اجيب توبيكات مضحكه كتيير علشان عارفه اننا في ايام الدراسه بنبقي مخنوقين وزهقانين من الدكاترة والدراسه والكليه كلها وبنبقي عاوزين نضحك شويه
13/عضو في المنتدى تريد ان تقول له شئ (نصيحه-عتب-شكر-ملاحظه)
عتاب لكل الاعضاء اللى سجلت ومش بتشارك في المنتدى ياريت الكل يدخل ويشارك معانا في رقي وتقدم المنتدى علشان الكل يستفيد
14/هل تريد ان تقول شئ قبل ان تغادر؟
انشاء الله عمرى ما هغادر المنتدى لانى انا بعتبره بيتى التانى ومش ينفع ان حد يسيب بيته
15/4اعضاء لن تنساهم بعد مغادرتك المنتدى ؟
ميرا وملاك الهدى وسوسو ودودى وزهرة الربيع وميشو واحمد رضا وبركة وخالد جلاكسي وصفوت وحماده ستار واعضاء كتييييييييييير اووووووووووى
16/من خلال معاملتك من المواقبين والمشرفين ..اكثر شخص قريب منك منهم
بصراحه اكتر واحده قريبه منى هى ميرا حبيبت قلبى
17/ومن خلال تواجدك مع اعضاء منتداك اكثر عضو بيعجبك اسلوبه ؟
بيعجبنى اسلوب ميشو ملاك الهدى ودودى وزهرة الربيع
18/ اقتراح تقدمه للمنتدى؟
بصراحه مش فيه حاجه دلوقتى في دماغي بس لما يبقي فيه اى اقتراح اكيد هبلغ ميشو بيه
19/من هو العضو الذى ترشحه او تورطه بعدك علشان يشرفنا في الموضوع ويحكى حكايته؟
انا هورط ميشو
20/قيم اجوبه العضو الذى سبقك بالاجابة ع الاسئلة ؟
يعنى انا هدى لبركة 6من 10 كفايه عليه مع انها كتيير بس يلا بقي خليها عليا هههههههههههه
يااااااااااااااااااارب الاجابات تعجبكم ويااارب اكون ضيفه خفيفه عليكم

تمام يا nono

واجابات جميله

وشكرا على بعض الاجابات

بس انتى مش شايفه ان 6 كتيره على بركه
هههههههههه

شرفتينا بمشاركتك يا جميل

ومنتظرينك يا ميشو

تقبلوا مرورى

سورى يا جماعه
انا برد على الموضوع علشان خالد مش موجود
ولما يبقى موجود ان شاء الله هو اللى هيكمل الموضوع

تسلم ايدك يا khaled على الموضوع

تقبلوا مرورى

I'm waiting for you

6 كتيره على بركه؟؟؟؟؟؟؟؟؟؟؟؟؟؟؟

ايه الغلب دا بس يا ربى



ماشى ياستى لما نشوف اخرتها معاكم

baraka كتب:

6 كتيره على بركه؟؟؟؟؟؟؟؟؟؟؟؟؟؟؟

ايه الغلب دا بس يا ربى



ماشى ياستى لما نشوف اخرتها معاكم

ههههههههههه
ماشى يا بركه

وعلى فكره 6 او 7 متفرقش
فاكر 7 ولا نسيتها
ههههههه

منورنا يا بركه

تحياتى

فاكرها بس بامانه انا عايز بقى حكام اجانب ييجوا يحكموا لان انا كدا بتظلم

يعنى ردود زهرة اخدت عليها 7
وردودى اخدت عليها 6


ايه الغلب دا ياربى

انا بستعين بالقذافى هو اللى هيجبلى حقى بقى منكم

baraka كتب:

فاكرها بس بامانه انا عايز بقى حكام اجانب ييجوا يحكموا لان انا كدا بتظلم

يعنى ردود زهرة اخدت عليها 7
وردودى اخدت عليها 6


ايه الغلب دا ياربى

انا بستعين بالقذافى هو اللى هيجبلى حقى بقى منكم

يالهوى هى وصلت للقذافى
لا انا مش هلعب تانى انا مش مستغنيه عن عمرى
هههههههههه

وبعدين يا بركه انا لسه مش اعرف ناس كتير فى المنتدى و7 حلوة عليا ههههههه
لكن انت بقى مؤسس المنتدى يعنى عارف وحافظ المنتدى وعلى فكره كتيره برضو 6 عليك

نو كومينت
حسبى الله ونعم الوكيل

هههههههههه

معلش يا بركه مش تعيط تانى
اصلى مش معايا مناديل
ههههههههه

ههههههههههههه



منور يا بركه

/كيف بدات رحلتك (حكايتك) مع المنتدى وكيف وصلت لهـ..!
بدات رحتلى مع المنتدى فى يوم 7/8/2010 كنت كل لما اجى ابحث عن موقع
للجامعه الاقى الموقع السابق للجامعه
كان يقولى هذا الموقع قد يضر بجهازك ففكرت انى اعمل اانا منتدى ويشمل كل كليات بنها ونفيد بعض ويبقا تجمع لطلاب
جامعة بنها لتبادل الافكار والمشكلات
الخاصة بالجامعه وبالفعل بدات الرحلة يوم 7/8/2010 صبلا وقومت بتصميم المنتدى مر بمراحل فشل زريع فى الاول لدرجة انى كنت انا ونونو لانها اول ناس هنا على المنتدى كنا
نحط المواضيع ونرد
على بعض وكان الاعضاء بتسجل
كتير بس مش تشارك شوية شوية بقيت اجيب حاجات تشد الاعضاء انها تشارك حاجات تفيدهم بجد وتحببهم فى المكان دا وبفضل
الله قدرت اكسب ثقة ناس كتير وانضمو
لينا وكان لهم فضل كبير فى نجاح المنتدى وبتقدم برسالة شكر لاى شخص يهمه نجاح المنتدى ونفسه يكون .شئ جميل

2/ ملتقى طالبة جامعة بنها ماذا يمثل لك..!
يمثل لى حاجات كتيراوى مكانى نفسى ينجح واكون زعلان لما تحصل فيه حالة خمول وبحاول انى ارجع انشاطه تانى بكافة الطرق اللى اقدر
اعملها بمثل لى زى حلم
نفسك توصل له انا كان نفسى فى
البداية اشهر المنتدى والكل يعرفه الحمد لله احنا خدنا الرينج الاول على جوجل يعنى هتدخل على جوجل اكتب ملتقى طلبة جامعة بنها هيظهر لك اول موقع وبعدين احنا المنتدى الوحيد لجامعة بنها فبالسهل جدا انى
اى حد يوصل له من جوجل وبالفعل
ناس كتير بتسجل يوميا وتكون اتعرفت علينا عن طريق جوجل


3/ هل تفكر في المنتدى وانت
خارجه والي اي درجه..؟..( .وبما تفــكر. )..!
اكيد طبعا بفكر فى المنتدى بنسبة كبيرة بفكر هل المنتدى دا يحقق رغبه
الطالب اللى سجل علشانها هل الحاجات
اللى احنا بنعرضها بتفيد الناس ايه اللى ممكن نقدمه تانى ويكون افادة للكل بفكر فى ناس كتير كانت معانا هنا واخواتنا
ومش بقت تدخل ناس من اساس المنتدى
تعبو كتير علشان يوصله المنتدى بفكر فيهم ياترى مش بقو يدخلو ليه وساعات بكون قلقان ليكون حصل لحد فيهم حاجة
وبحاول اوصل واطمنهم عليهم بشتى الطرق
لانهم بجد ناس محترمة افتخر بيهم انى كنا فى فريق عمل موقع واحد فى يوم من الايام

3/ ما أول شئ تفعله عند دخولك
المنتدى..؟ >>> (بشرح لو سمحت)..
بشوف اى رسايل جديدة وبعدين بلقى نظرة شاملة على المنتدى ثم بدخل لوحة
الادارة افعل الاعضاء الجدد اللى مش
بيعرفو يفعلو الحساب من الايميل علشان يعرفه يدخلو المنتدى سهل ثم بشوف اخر المواضيع وايه اللى ممكن اطرحه من
مواضيع وبشوف مين الاعضاء النشيطة
وبناءا عليه بحاول اديهم جزء من حقهم لانى اى حد ساهم بشئ يفيد غيره فدا شخصية محترمة

4 / من هم الاعضـاء الثلاثه الذي
يشغلون تفكـــــيرك وانت خارج
المنتدى..؟ >>
بكل صراحه..!
سوسو وصفوت منصور ومهند الكول لانى دول كان لهم نشاط ملحوظ جدا ومش بقو
يدخلو بحاول اطمن عليهم اكيد كل واحد
فيهم له ظروف تمنعه بنقولهم ربنا معاكم ومنتظرينكم معانا تانى

5 / من الثلاثه الذي تبحث عنهم
وانت في المــنتدى..
وتتمنى وجودهم..!..
ابحثه عنه داخل المنتدى دى صعبة اتمنى انى كل الااعضاء تكون موجودة واى عضو
عنده فكرة جديدة ممكن تفيد المنتدى
يقدمها واصحاب المواضيع الرائعة بتمنى اشوف مواضيعهم دائما


6 / من العضو الذي يسعدك مرورة في موضوع لك
ويوقع فيهـ..!
اى عضو محترم مر بالموضوع وحط
تعليق فى مضمون الموضوع مش اى رد والسلامة او يكون غرضه تزويد مشاركات


7 / موضوع تمنيت ان تكتبه لكنه
موجود باسم عضــو آخر..!
جداول الفرقة التانية الترم التانى 2011 لكن قام عضو اخر
وعمله خد الثواب منى
هههههه بس بشكره على المجهود
الرائع اللى عمله وربنا يوفقه


8 / رساله خاصه الي مين ترسله
وماذا تقول لهـ..!



( اسم العضو )..:
الى عضو سجل فى المنتدى ولسه
مش شارك

( نص
الرساله )..:
اتمنى
انك تشارك فى المنتدى وتساعدنا فى العمل على رقيه ولو بكلمة شكر لصاحب الموضوع
لتعطى له حماس لمزيد من العطاااء

9 / ما هو الشئ الذي يقلق في
المنتدى وتتمنى اصلاحـه..!


من ناحية الدعم والتطوير فى المنتدى الحمد لله مش بحب اشكر فى نفسى مفيش
مشكلة قابلتنى ولا هتقابلنى باذن الله ممكن يكون اللى قلقنى الخمول بس المنتدى بدا
ينشط الحمد لله

10 / اصعب موقف
مرة عليك في المنتدى ولا تقدر ان تنساه..؟

مفيش
مواقف حصلت الحمد لله لحد الان

11 / لحظه مرت
عليك في المنتدى ولم تنساها ألي اليوم من شدة الفرح بهـ..!
كنا
عاملين اجتماع فى الدردشة فكان اللى يدخل لسه هيتكلم اطرده ههههههههههه بهزر ومن
ضمنهم بركة انطرد كتييير


12 / اي القسم
التي ترتاح فيه وتحب ان تكون فيه واي قسم الذي تبدع فيه..؟
الاسلامى
والعام والراى والراى الاخر

13 / عضو معاك في
المنتدي تريد ان تقول له شئ..( نصيحه _ عتب _
شكر _ ملاحظه
)..!
هيما
جمال ونونو وملاك الهدى بشكرك كتييير على مجهودك الرائع والمستوى اللى وصل له
المنتدى وكنتم انتم اهم عامل من عوامل الرقى بابداعاتكم

14 /هل تريد ان تقول شئ قبل ان تغادر..؟
مش
هغادر انا قاعد على قلبكم اهو


15 / ( 4 ) أعضــاء لن تنساهم حتى بعد
مغادرتك المنتدى..!
نونو
وبركة واحمد رضا وملاك الهدى وهيما جمال وخالد جلاسكى وميرا وحماده ستار
وناااااااااس كتييير موجودة هنا كلهم اخواتى

16 / من خلال
معاملتك مع المراقبين
والمشرفين ..أكتر شخص قريب منك منهم من..!

بركة
لاننا مع بعض فى الكلية وعلى النت وفى الفون وفى كل حاجة

17 / ومن خلال
تواجدك مع اعضـاء منتداك..أكتر عضو بعجبك أسلوبه و يهمك وجوده..!
للصراحة
هما فى اكتر من عضو زى ياسو مواضيعها هايلة وفى زهرة الربيع ودودى وملاك الهدىوانجل
ونور وطبعا الكبيرة بتاعتنا نونو لانطرد
برة المنتدى عاوزين ناكل عيش واسف لو كنت نسيت حد بس الاعضاء الموجودة كلهم حاليا
ناس محترمة ونفسهم نرتقى بالمنتدى

18 / أقتراح
تقدمه للـمنتدى..؟
مفيش
لحد الان ولو فى اى فكرة هقولكم عليها الاول واخد رايكم فيها

19 / من هو العضو
الذي ترشحه او تورطه بعدك عشان يشرفنا
في الموضوع ويحكي حكايتهـ..!
ملاك
الهدى وصلى صلى اموت انا فى التدبيس ههههههههههههههههههه جالك اليوم ودبستك ياملاك
هههههههههههههههه

20 / قيم أجوبة
العضو اللي سبقك بالأجابه على الأسئله..؟ ( 1 _ 10 )





9

ههههههههههههههههههههههههههههههههههههه

حلوه صلى صلى دى بتغنى طيب ليك يوم برده ياميشو

مااااااااااااااااااااااااااشى
هههههههههههههههههههههههه

1/ كيف بدات رحلتك (حكايتك) مع المنتدى وكيف وصلت لهـ..!
انا كنت فى موقع تانى لكليه الاداب وفى يوم جت ليا رساله على
المنتدى ده ووصلت الرساله دى ليا عن طريق ميشو

2/ ملتقى طالبة جامعة بنها ماذا يمثل لك..!

بيتى وكليتى ومدرستى لان بتعلم منه حاجات كتيره وبعرف منو حاجات
مكنتش عارفها قبل كده

3/ هل تفكر في المنتدى وانت خارجه والي اي درجه..؟..( .وبما تفــكر. )..

اكيد بفكر فيه وبفكر يعنى انو ازاى يطور افكر فى مواضيع كويسه احطها فيه
عشان يتطور كل مدى

!3/ ما أول شئ تفعله عند دخولك المنتدى..؟ >>> (بشرح لو سمحت)..
بدخل اشوف المواضيع الجديده واقرا الكلام كويس عشان ميكنش فى اى كلام
يجرح اى حد اشوف القسم اللى مش شغال احط فيه موضوع افعله واجدد نشاطه
او عضو مثلا كاتب موضوع ومحتاج يعرف حاجه لو اعرفها اقولها كده يعنى

4 / من هم الاعضـاء الثلاثه الذي يشغلون تفكـــــيرك وانت خارج المنتدى..؟ >> بكل صراحه..!
كل اللى اعرفهم من هنا والله دايما فى تفكيرى وده بامانه

5 / من الثلاثه الذي تبحث عنهم وانت في المــنتدى..
وتتمنى وجودهم..!..
صعبه دى اقعد ادور بس احب الناس كلها تكون موجوده
ده شئ يسعدنى جدا

6 / من العضو الذي يسعدك مرورة في موضوع لك ويوقع فيهـ..!

كلهم احب انهم يكونو موجودين فى موضوعى ويرد على موضوعى ويتناقش
احب انو يمر على موضوعى

7 / موضوع تمنيت ان تكتبه لكنه موجود باسم عضــو آخر..!

لا مفيش الحمد لله

8 / رساله خاصه الي مين ترسله وماذا تقول لهـ..!
( اسم العضو )..:
لكل اخوااااااااااااااااااااااتى اللى موجودين فى المنتدى منور بوجدهم

( نص الرساله )..:
بطلب منهم انهم يهتمو بالمنتدى كويس ويحطو موضوعات كويسه
عشان يساعدوا على تطور ورقى المنتدى

9 / ما هو الشئ الذي يقلق في المنتدى وتتمنى اصلاحـه..!

لما بلاقى بعض الاقسام مش شغاله او المنتدى بدى ينام
ولما بلاقى ده بحاول وافكر ادخل مواضيع جديده واشارك
واخلى الاعضاء يشاركو وبالتالى يرجع نشاط المنتدى

10 / اصعب موقف مرة عليك في المنتدى ولا تقدر ان تنساه..؟

الحمد لله مفيش صعبه مرت عليا هنا

11 / لحظه مرت عليك في المنتدى ولم تنساها ألي اليوم من شدة الفرح بهـ..!

كان فى مره ميشو حاطط توبيك بتاع فيل وكده وانا حطه توبيك لقطط
قعدت اتريق على الفيل بتاعو قعد هو يتريق على قطط بتعتى قولت خلاص هديك هديه هههههههههههههههههههههه


12 / اي القسم التي ترتاح فيه وتحب ان تكون فيه واي قسم الذي تبدع فيه..؟

القسم االراى والراى الاخر لان فى مناقشه برتاح فيه
والقسم الاسلامى بحبه جدا وقسم التنميه البشريه

13 / عضو معاك في المنتدي تريد ان تقول له شئ..( نصيحه _ عتب _ شكر _ ملاحظه )..!
اقول ليهم كلهم يهتمو بالمنتدى وطبعا شكر لكل اللى ساهم فى رقى المنتدى


14 /هل تريد ان تقول شئ قبل ان تغادر..؟

لا مفيش انا مش بمشى قعده هنا مش هروح

15 / ( 4 ) أعضــاء لن تنساهم حتى بعد مغادرتك المنتدى..!
نونو وميرا وسوسو وميشو بالذات التديبسات بتعتوه ههههههههههههه وبركه وخالد جلاكسى ودودى وزهره وناس كتير برده عشان مش انسى حد ومحدش يزعل

16 / من خلال معاملتك مع المراقبين والمشرفين ..أكتر شخص قريب منك منهم من..!

نونو وميرا

17 / ومن خلال تواجدك مع اعضـاء منتداك..أكتر عضو بعجبك أسلوبه و يهمك وجوده..!

نونو و ميشو و بركه و دودى و زهره و ميرا

18 / أقتراح تقدمه للـمنتدى..؟

دلوقتى مفش فى تفكيرى شئ بس لو فى هبقى اقول باذن الله

19 / من هو العضو الذي ترشحه او تورطه بعدك عشان يشرفنا
في الموضوع ويحكي حكايتهـ..!

ياسووووووووووووووووووووووووووووو هدبسها
ههههههههههههههههههههههههه


20 / قيم أجوبة العضو اللي سبقك بالأجابه على الأسئله..؟ ( 1 _ 10 )

9 بس هياخد عصايه عشان الدرجه اللى ناقصه

اجابات جميله اووووووووى يا ميشو

وياااااااارب ان شاء الله المنتدى يفضل فى رقى دائم
بيك وبالاعضاء ان شاء الله

منور الموضوع يا ميشو

ومنتظرينك يا ملاك الهدى

لكم منى التحيه

جميله اجاباتك يا ملاك

بس هربتى من السؤال رقم 9
كده مش ينفع لو سمحتى
هههههههه

ياريت يا ملاك مش تنسى العصايه بتاعت ميشو
انا بهدى النفوس يا ميشو هههههه

شرفتينى بمرورك يا جميل

منتظرين اجاباتك يا ياسو

لكم تحياتى

فينك يا yaso

منتظرين اجاباتك ومشاركتك معانا يا جميل

تقبلى تحياتى

ههههههههههههههههههههههههه
متشكره جدااااااااااااااا يا ميشو ع كلامك وع 9 احسن من 6 هههههههههه
ومتشكره جداااااااااااااااااااااااا يا ملاك يا مسكره
منتظرينك يا ياسو