حزب الوز......

لما نقول علي اللص شريف
عبده تلوث يبقي نظيف
ولما الحيلة يقول وانا مالي
عايز اكوش علي ال في بالي
يبقي نسمي الوضع ده ايه
طيب لما تحس انك مخنوق
عايش جوه وطن مسروق
ولا عافية بتنفع ولا زوق
قولي جانابك تعمل ايه
ولما تلاقي جيوبك فاضية
او مهزوم بالضربة القاضية
وبتدوروا علي الحته الفاضية
حتخبيها ازاي وبأيه
انا راح اقولك تعمل ايه
تشرب شوربة عمه مفيد
تقوي وتقوي بالتأكيد
عز عزك تلقي سرور
قال العدل يجيب مسرور
يجوا البعدا يغموا عنيك
ويصوتوا من بدري عليك
تفضل تصرخ من غير صوت
حلمك حبه بحبه يموت
تكبر زي نبات الظل
جواك حقد ويأس وغل
فتبقي في حزب من الاحزاب
أو عضو في مجلس كداب
تاخد حقك بلاجماع
والاحزاب اربع انواع
حزب الوز وحزب الهز
وحزب العز وحزب الطظ
انا ارشحلك حزب الطظ
والدستور اياه بينص
انك حي وميت طظ

والله عندك حق فى كلامك

بس تفتكر ان هيبقى فى احزاب زى دى تانى
ولا هى الاحزاب دى اصلا متشالتش ولسه موجوده

تسلم ايدك يا ميشو

تقبل مرورى

جميل التوبيك يا ميشو تسلم ايدك ..

بجد الموضوع جميل جدا ياميشو

شلينا منهم كتير بس خلاص معدش هيبقى فى الكلام ده تانى

احنا الى بقينا موجودين


توبيك رائع

شكرا لمرورك يازهرة انتى واحمد وملاك نورتو التوبيك

تسلم الايادى

كلام تمام جدا وباذن الله نرجع مصر احلى من الاول تسلم يا ميشو ع التوبيك

تسلم ايدك يا ميشو
جاااااااامده جدااااااا