فوكك منى انا ماعنديش اخوات بنات .ارحم امى بقى

يااااااااااااه يا ميشو

دا الموضوع ده منتشر زى العدوه بين الشباب
بس الحق يتقال مش كل الشباب فى المحترم اللى بيتقى ربنا وفى اللى غير كده خالص

وانا معاك فى كلامك
بس ياااااااااارب باقى الشباب يبقوا متفقين معاك

انا عندى نصيحه لاى بنت
بلاش نجرى ورا عواطفنا لان ممكن تبقى عواطف وهميه وخداعه
ولو حد جه وقالك معجب او بحب
قوليله بيتنا مش بعيد وبابا موجود غير كده انا اسفه

وعلى فكره كده الولد هيحترمك اكتر

تسلم ايدك يا ميشو
دائما متميز فى مواضيعك

سامحنى طولت عليك
تقبل مرورى

عندك حق والله ياميشو تلاقي الولد منهم ماشي مع بنات بعدد شعر راسه مش عارفه انا بيكلمهم ازاي ويضحك ع دي وع دي ربنا يهديهم بجد حاجه تقرف بجد ربنا يبعدهم عننا ويحمي بناتنا ياااااااارب
وتسلم ياميشو متالق دايما ف مواضيعك

موضوع جميل اوى احب اعلق عليه

بص يا ميشو والله زى ما الشاب بنعيب عليه برده الشابه هنعيب عليها

اه هو واد اى كلام اللى يعمل حاجه زى دى بس هى برده بنت اى كلام انها تسمح لواحد انه يعمل فيها كدا
انا مش هتعمق كتير فى الموضوع
بس نصيحه لاخواتى الشباب رجالتنا اللى منهم اللى رافع راسنا ومنهم اللى واكسنا وجايب للقب ذكر النكسه
يا شباب دول اخواتنا والله انت عايز تبقى علاقتك رسميه المفروض ان انا احافظ عليها انا لو واحد بحب واحده انا مش همشى معاها كل يوم واتفسح معاها والكلام دا كله لان دا كله هيعملها سمعه مش كويسه لو انت خايف عليها صح احميها ممكن تحميها من بعيد لبعيد من غير ما هى تلاحظ ممكن تعمل حاجات جميله اوى لحد ما تاخد الخطوة الفعاله وتتقدم وتروح عندهم البيت وربنا هيكرم ان شاء الله وتتقبل يبقى انت فى الوقت دا راجل صح وميه ميه
اما ان انت تعيشها دور انها حته من قلبك من جوه وهى الملكه وانت صلاح الدين القيوبى وجهاد وسلامه وهات السفينه يا تايتنك صدقنى مش ظريف وزى ما قال ميشو ودايما خليها قدام عنيك كما تدين تدان دايما قدامك الجمله دى والله الجمله دى لو كل واحد حطها قدام عينيه هيتصلح حال الامه كلها بل العالم كله

نيجى بقى لاخواتنا البنات منهم البنت الصاحيه اوى اللى تقدر تصد صح وعارفه الصح من الغلط ومنهم البنت اللى تقدر بس مش عايزه زى ماتقول كدا ماصدقت تلاقى اللى يجر؟؟؟؟
ومنهم بقى اللى بتستهبل فيها وبمجرد حد يقولها بحبك تقوله وانا كمان هو يعملى فيها مصطفى قمر وهى تعملى فيها سميه والدنيا خربانه وبعرور يدخل فى النصف
طبعا مينفعش والله انتى بنت سمعتك بصى لازم تكون كويسه جدا
اصل سورى فى اللفظ اللى هيجى يخطبك دا مش اهبل
طبعا هاييجى يسال عن اخلاقك وووو ولو انتى سميه ابقى قابلينى لو حد جالك محترم واتجوزك وفى الحاله دى مش هنلاقى حاجه نقولها غير الطيور على اشكالها تقع

فيا شباب ويابنات والله انا مش بقولكم انتوا وبس انا بقول لنفسى انا كمان يا جماعه كلنا خطاء تمام بس بنفكر بعض وبنذكر بعض ولازم نخاف على بعض ونحمى بعض ماهو لو انا محمتش اختى اللى ماشيه فى الشارع مين هيحميها مين هياحفظ عليها ؟؟؟؟؟؟؟؟؟

يارب مكونش تقلت عليكم وانا عارف ان انا طولت بس سامحونى بقى الموضوع كبير وعايز ايام ومجلدات نتكلم فيها عنه

تسلم يا ميشو على التوبيك بجد تسلم ايدك وحلوه بلا وكسه دى
ههههههههههههههههههههههههههههه

فعلا يا ميشو الكلام ده كله بيحصل بس بيتهيألى بتبقى على حسب شخصية وطبع كل واحد

يعنى فيه شباب كتييير عندهم اخوات بنات وبيعمل اللى هو عايزه وبيضحك على بنات الناس مع ان الغلط بيبقى من البنت مش الولد ولو لقى اخته ماشيه مع حد ممكن يقتلها طيب ما تصلح نفسك الاول لان فعلا كما تدين تدان وطبعا فيه شباب بردوا عندهم اخوات بنات وبيخاف على بنات الناس لانه خايف يحصل كده فى اخواته او حد قريب منه او لان طبيعته وشخصيته محترمه


وفيه بردوا واحد مقطوع من شجره وما لوش اخوات بنات وبيحافظ على اى بنت زى اخته بالظبط والعكس صحيح


يعنى بيتهيألى بتبقى على حسب طبع وطبيعة وشخصية كل واحد


تسلم ايدك يا ميشو توبيك مميز جدا