الخط الساخن اسأل وكلنا هنجاوب

يشرفنى يا جماعه انى اعمل الصفحه دى لكل اللى عنده سؤال محيره او مشكله تعباه او اى حاجه محتاج لحد جانبه فيها وكلنا نشاركه ونرد عليه ويسمعنا كلنا ويشوف اقرب حل مناسب ليه ويا رب الفكره دى تنجح عشان لو نجحت ممكن تقربنا اكتر من بعض ومحدش يتكسف يا جماعه كلنا اخوات وان شاء الله انا عندى مشكله هعرضها بكره واتمنا انكم تساعدونى فيها
فى انتظاركم ويا ريت الموضوع يعجبكم وتفضل الصفحه مستمره

فكره جميله ياسومه تمام ياقمريه

فكره جميله جداااااااا
ومستنينك بكره يا جميل

تسلم ايدك يا سومه

تقبلى مرورى

ميرسى بجد يا جماعه بس انتم دبستونى لازم ابدأ انا يعنى عموما احنا اتفقنا انى مفيش كسوف وهبدأ
انا مشكلتى بتبدأ بقصه حب كانت اجمل قصه حب فى الدنيا بس للاسف انا بس اللى كنت شايفه كده لان الطرف التانى كان غير كده وفى الاخر كان خاين وجرحنى اوى بس مش دى المشكله المشكله انى مش عارفه انا جوايا احساس غريب ساعات بحس انى لسه بحبه وساعات بحس انى اللى جوايا دا مش حب لكنه رغبه فى الانتقام لانه مكنش جرح عادى دى كانت خيانه بس انا مش من طبعى الانتقام لانى زى ما اللى حولايا بيقولوا انى رومانسيه زياده عن اللازم والمصيبه الاكبر انى مش بعرف ازعل من حد ودا كتير اوى بيضيع حقى وساعات بيبقا نفسى اوجهه واقوله على كل اللى جوايا بس ساعات ما بيكون قدامى بلاقى الصمت ملازمنى ومش قادره اتكلم انا مش عايزه اى حاجه يا جماعه دلوقتى غير انكم تقولولى ازاى انساه وكمان نفسى الاقى اى حاجه اشغل بيها وقتى او حتى فكره لمشروع صغير بس المهم حاجه تساعدنى انى انسا بس محدش يقولى حب جديد لانى مش على استعداد للمرحله دى تانى خالص
يسعدنى انى استمع الي ارائكم ونصيحتكم

بارك الله فيك يا حماده والله دى فكره كويسه جدا وبجد نفسى فيها لانى كنت حافظه من اربع سنين 12 جزء بس لللاسف عشان مكنتش براجع عليهم نسيتهم بس دى فكره كويسه بشكرك عليها بس انا نفسى اعمل مشروع تجارى مش قرايه او حاجات من دى بس معنديش الفكره

توبيك جميل جدا يا سومه


هى المشكله يا سومه لما بيكون الانسان حساس زياده عن اللزوم بيفضل عايش فى حزن والم لان حبه كان صادق وبيكره الدنيا وبيجيب لنفسه الامراض وفيه ناس بتنسى ربنا مع ان الدنيا اصغر من ان الواحد يفكر فيها ولازم الواحد يعيش حياته ببساطه يعنى لو حد جرحه ما يزودش فى الجرح لحد ما يموت ويبقى خسر دنيته واخرته فى حين ان اللى كان بيحبه مستمتع دولقتى بحياته ومش فارقه معاه فالمفروض تعملى لجرحك عملية تجميل عشان ما يبقاش له اثر وتعيشى حياتك احسن من الاول

وحاولى ما تتديش لاحساسك وعواطفك فرصه انها تسيطر عليكى وحاولى دايما انك انتى اللى تحرك مشعرك واحساسك مش هى اللى تحركك


واقتراح حماده جميل جدااااااااااا

واقتراحى انك تعملى جدول لحياتك يوم بيوم وتمشى عليه

وافضل طريقه عشان تنسى انك ما تديش لنفسك فرصه انك تقعدى لوحدك يعنى اتكلمى مع حد اتفرجى على مسلسل مع حد بس بلاش الافلام عشان ساعات بتبقى حزينه هههههه وتبدأى حياه جديده وتحطى لنفسك هدف وتذاكرى عشان تجيبى تقدير كويس عشان اكيد السنين اللى فاتت كلها مقبول هههههه وتقرأى كتيير فاى حاجه بتحبيها وتزورى حد من اصحابك وتتكلمى معاه بعيد عن الموضوع ده وتخرجى مع اصحابك دايما وتأكلوا كشرى ههههه

هتلاقى الحياه بسيطه جدا وان ما فيش حاجه تستاهل ان الواحد يبكى عليها

بصى يا سومه حاولى تعيشى حياتك عادى جداااااااا
وكان مفيش اى حاجه حصلت والانسان دا
شيله من ترتبيتك خلص ولاتفكرى فيه حتى
ولو فى اى حاجه بتفكرك بيه
اتخلصى منها فورا وقربى لربنا اكتر
ولو فكرتى بجد هتعرفى ان دا قدر ربنا
واكيد ربنا شيفلك الصح واحمدى ربنا انك عرفتى
الانسان دا ع حقيقته وخلعتى القناع عنه
فى الوقت المناسب
وبالنسبه للمشروع التجارى بقا
انا شايف انك تفتحى حاجه كدا زى بتويك
يعنى برفاانات مستحضرات تجميل مكايجات
واكسسوارت حاجات بناتى كدا يعنى وربنا يوفقك انشالله
بس مش تنسى تمسكنى انا مدير المشروع هههه

هههههههههههههههههه ماشى يا مون بس كده هتخرب والله
ربنا يخليك يا قمر ورايك عجبنى اوى

على فكره يا هيما كشرى دى كلمة السر بتاعتى انا واصحابى معناها ايه بقا ان اليوم دا كله جنان

وربنا يبارك فيك والله كلامك حلو اوى ومتخفش انا اصلا مش بحب الافلام

لا مدير ايه بقا دا انت الزعيم يا باشا
واحنا تحت ايديك افتكر كده بقا يا جماعه مشكلتى خلصت لو حد جديد عايز يدخل يعرض سؤال او مشكله عنده يتفضل واكيد كلنا هنشارك