مسلم مسيحى كلنا مصريين

موضوع جميل جدا وبحييك عليه
واحب اوضح اننا كمسلمين دايما فى مودة بينا وبين اخواتنا المسحيين دا مش انهارده بس ومش دلوقتى بس ومش امبارح ولا اول ولا من شهر ولا سنه ولا اتنين
لالالالالا دا من اول ما دخل الاسلام مصر من اول ما فتح عمرو بن العاص مصر

ومن الناس اللى اتكلمت عن الموضوع دا كويس جدا مفكر غربي مسيحي هو كتاب فتح العرب لمصر للدكتور ألفرد بتلر‏.

ودى يا جماعه مقتبسات بسيطه جدا من كتابه
وان شاء الله هيكون ليا موضوع كامل عن الفتح والمودة اللى بينا من قديم الزمان وعلى مر العصور

ونقرأ وكان أقباط مصر ولكثرة ما لاقوه من ظلم الرومانيين ولمدة طويلة يرون
في مجيء المسلمين نازلة أرسلها الله لينتقم لهم من ظالميهم‏[‏ ص‏225].‏


ولدي أول مفاوضة بين المسلمين والمقوقس‏,‏ كان عبادة بن الصامت هو المسئول
عن التفاوض‏,‏ وبدأ عبادة الحديث مؤكدا أن الأقباط سيكونون آمنين علي
أنفسهم وأموالهم وذراريهم‏,‏ مسلطين في بلادهم علي ما في أيديهم وما
يتوارثونه فيما بينهم ويحفظ لهم كنائسهم ولا يتعرض لهم أحد في أمور
دينهم‏[‏ ص‏287],

وانا ان شاء الله اكيد هتكلم على الموضوع دا باستفاضه اكبرمن كدا بكتير

يا جماعه احنا مش بنتعصب ولا بنتكلم عن دين سواء احنا ولا اخواننا الاقباط
مين اللى حمى المسلمين لما كانوا بيصلوا فى ميدان التحرير ورموا عليهم ميه مش كانوا اقباط
مين اللى حامى الاقباط ومين اللى وقف جمبهم فى الميدان هم مش مسلمين برده

اخر حاجه احب اقولها لاخواننا االاقباط ان اللى بيحصل فى البلد من فتن لازم نقف ايد بايد علشان نصد الفتن دى مش هنخلى حد يفرق ما بينا مهما حصل

الدين لله والوطن للجميع

تمام موضوع جميل ياقمريه

وانا راى كالتالى

طبعا واكيد مفيش فرق بين مسلم ومسيحى

احنا كلنا اخوات احنا من زمااااااااااااااااااااااااااان بينا موده ورحمه عمرنا ما هنتعامل بعصبيه وغل لالالالالالالالالا احنا مش بنتعامل كده

لان الدين بتعنا مش علمنا كده ده الرسول عليه افضل الصلاه والسلام كان بيتعامل مع اليهود

احنا من صغرنا ومتعودين على الموده والحب والرحمه متعودين على التسامح والتعامل بقلب طيب وبخير

مفيش حاجه هتدخل عقلنا نفكر يوم ان فيه فرق بين مسلم ومسيحى مجيش يوم يقولك الشركه ده هيشتغل فيها مسلمين بس او مسيحين بس

لا ومش هنوصل للتفكير ده احنا لو وصلنا لكده هندمر مفيش فرق عمر ما هنقلو لا مش هتعامل معاهم وان كل واحد ليه حق يتعامل

بالطريقه اللى عايزها طالما مش بيتعدى على التانى ولا بهينه ولا بيجرح فيه

والتعامل بنا كان ومازال وهيستمر بالحب والموده والرحمه

جميل جدا موضوعك يا سومه
وبجد احييكى عليه جدااااااا

وطبعا baraka و ملاك قالوا كل الكلام بس احب اضيف حاجه

احنا من زمان واحنا مش بندور دا ديانته ايه علشان اعرفه
لا كلنا كنا اخوات فى الشارع والمدرسه وفى الاتوبيس ولو حد تعب مننا بنلاقى كتير بيجروا معاه
يا جماعه احنا مصريين وزى ما قال بركه الدين لله والوطن للجميع

ياريت كل شعب مصر يفهم ان كل الاديان كلها من عند الله
بس كل دين بيعبد ربنا على طريقة كتابه
ومش معنى كده ان اللى بيعبد ربنا بطريقه مختلفه عنى طريقتى يبقى كافر

مسلمين ومسيحيين كلنا مصريين وهنفضل اخوات
يا مصر دى مش من طباعك ان دم ولادك يغطى ترابك
اكيد دى ايد غريبه فيكى عاوزة ضياعك

اصحوا وفوقوا يا مصريين قبل ما مصر يبقى فيها انقسام وشوارعها تبقى غرقانه بدم الناس الابرياء

الله محبه زى ما هو رحمن وعادل

تحياتى ليكى يا سومه على التوبيك المميز ده

نورتم التوبك وشكرا ليكم بجد على الكلام الجميل دا
وفى انتظار موضوعك يا بركه