هات من الآخر
ييييييييييييييييه انت لسه هتحكى وهتتكلم لسه انت هتمثل فيلم ولا ايه هات يا عم من الاخر
احنا مش بقينا بنسمع بعض ليه دايما نقول هات من الاخر
لما حد بيحكيلك وانت من جواك مخنوق بس لازم تسمعه هتعمل ايه وانت كمان لما بتحكى بيكون مخنوق وممكن يخليك فاهم انه مركز معاك وهو اصلا مشغول بحاجه تانيه على فكره احنا بقينا كده من قسوة الحياه والظروف خلتنا مخنوقين دايما
عارفين
انا ممكن اسمع كل الناس واكون مركزه كمان معاهم واتناقش بس مش بحب احكى بتخنق لما بحكى وبقول لسه هحكى ولو حكيت هحكى ايه وهحكى لمين لازم حد فاهمك قوى عشان متتعبش ولا تتخنق على فكره احنا كلنا بحور وعمرنا ماهنحكى كل حاجه مش عشان خايفين نحكى ولا مش عاوزين احنا فعلا مش قادرين نحكى
ياريت ياجماعه نسمع بعض وبلاش نقول هات من الاخر يمكن الحد التانى ده محتاج فعلا يتكلم واحنا نسمعه لو بس نسمعه هيرتاح مهما كانت الظروف والحياه وقسوتها علينا بلاش نتخنق من بعض واتمنى نسمع بعض لاننا زى ماهنسمعهم هيجى اليوم اللى نتمنى انهم يسمعونا
اتمني فعلا ان احنا منسمعش بعض بس للاخر ولكن نحس ببعض ابلغ واعقل فالاحساس نعمه جميله جدا
انتوا اية رأيكم
ما تجبش من الاخر؟!!؟؟؟؟!
