بسم الله الرحمن الرحيم
ازيكم يا اصحابى يارب تكونوا بخير
كل واحد جواه اللى مكفيه وزيادة
وبتختلف بقى من واحد لتانى اللى عنده دراسته
واللى شغله واللى مع اهله واللى مع اصحابه و هكذا ....
الواحد لما بيشوف وبيسمع لهم الناس بيهون عليه همه
وبياخد امل ودفعة ان مش انا لوحدى فى الهم دا ما فى غيرى
ويمكن عنده اللى اكتر منى يمكن انا بالنسبة للى هو فيه ولا حاجة
اها والله بتحصل
وفى اللى نفسه وهيموت على حاجة تحصل
وسبحان الله بعد ما كانت شبه مستحيلة ربنا كرمه وحققها
وفى اللى كان نفسه فى حاجة اووى اووى برضه
ولحكمة من عند ربنا واكيد خير له ماحصلتش
ومع الوقت اكتشف ان دا خير من عند ربنا وهو ماكنش يعلم به
ندخل فى الموضوع
انا بقى عملت التوبيك ده عشان
كل واحد فينا هيتفضل يحكى
موقف او تجربه حصلتله واتعلم منها
وسبحان الله وباذنه غيرت حياته
وخلته يبص للى حواليه بنظره جديدة
وماتنسوش دايما طول ما انتو فى اى هم او كرب
تكتروا من استغفار ربنا سبحانه وتعالى
بجد الموضوع دا بيريح اوى وبيهون
ربنا سبحانه وتعالى بيقول :
(وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْمَتَاعاً حَسَناً إِلَى أَجَلٍ مُسَمّىً وَيُؤْتِ كُلَّ ذِي فَضْلٍفَضْلَهُ وَإِنْ تَوَلَّوْا فَإِنِّي أَخَافُ عَلَيْكُمْ عَذَابَ يَوْمٍكَبِير )
صدق الله العظيم
واعرف ان طول ما انت متقى ربنا
فى كل حاجة بتعملها وفى كل افعالك وتصرفاتك
وواثق من جواك اوى اوى اكتر ما انت واثق فى نفسك
ان ربنا معاك وواقف جنبك دايما والله ما هتتعب
وهتقدر تغلب نفسك اللى بتهيئلك كل حاجة صعبة
وان كل اللى انت نفسك فى مستحيل
[center]يقول الله سبحانه : ( وَمَنْ يَتَّقِ اللَّهَ يَجْعَلْ لَهُ مَخْرَجًا . وَيَرْزُقْهُ مِنْ حَيْثُ لَا يَحْتَسِبُ )
صدق الله العظيم
معلش طوولت عليكم
المهم ان شاء الله هنختار عضو او مشرف معاانا هنا ويحكيلنا عن تجربه او موقف حصل معاااه غير نظرته للحياه اوخلاص يبص للدنيا بصه تانيه
بس الاول اتمنى اعرف رايكم فى الفكره
