خليك ايجابى مش عيب إن إحنا نغلط بس عيب نعرف غلطنا ونتمادى فيه
ناس كتير اتجرحوا بس عمرهم ما كانوا زيك يا قلبى انجرحت مرة وتبت عنها مين رجعك تانى
ليه تتمادى فيها ما انت عارف انها غلطه وكبيره مش خايف على نفسك طب خاف عليا دا اللى باقى فيا صدقنى مش كتير
عارفه انه مش ذنب وان الذنب ذنبى بس دا مكنش ضعف ولا حتى كان استسلام صدقنى دا كان خوف على اللى كان واتاريه يا ريته ما كان
لاحظه من فضلك: ممكن تسمعنى ومن غير اى كلام لازم تواجه نفسك وتشوف عيبك وتعرف انه موجود
حاول تصلح نفسك قبل ما يفوت الاوان اعرف مين حبيبك واعرف مين اللى خان
صحح وضعك يا قلبى بس لازم تاخد بالك مش كل حبيب خاين ولا كل صاحب كداب الدنيا ياما فيها اشكال والالوان
انتبه: بص شوف مين هناك فيه ناس باقيين عليك وكمان دول روحهم فيك ليه بتهرب منهم ولحد امتى يا قلبى نفضل باقيين على اللى خان نرمى روحنا فى احضان ومن ظهرنا بيطعن ويجرح بيقسا والصرخه تبقا شديده وبرده عمرك ما هتحرم
ليه نسينا عشره سنين وسنين هى كانت عشرة يومين طول عمرهم كانوا جانبنا وبايديهم مسحوا دمعنا ليه بنقسا عليهم ونهرب منهم
راجع نفسك: شوف مين حبيبك مين صاحبك مين قريبك ولما تعرف صدقنى هساعدك وكمان هاخد بايدك
حبيبك : ما انت عارفه اهو واقف هناك على لهفه واشتيقه نفسه يسمع منك تعالا يلا نرجع وننسا الجراح
صاحبتك وعشره عمرك: مستنياك ليه بتتخلى عنها ذنبها ايه تاخد بذنب خاينه دى طول عمرها وياك تفرح لفرحك وتتالم لجرحك
قريبك: عارفه انه عاش جوا منك وكان حته منك كان ابوك واخوك وصاحبك بس هنعمل ايه يا قلبى اقدره يفارق حياتنا مكنش يوم بايدنا نغير شرع الله
تعالا نعيش على ذكرياته كانت فعلا جميله على شاطئ اسكندريه وهوا البحر فى مارينا الله عليها ايام فعلا كانت جميله
عقلى: اما انك يا عقلى صحيح ساعات جبان بتخاف من ايه وعلى ايه لازم تحسم مواقفك وتعالا يلا وارجع فاكر ايام زمان هنعدها تانى يلا وقبل ما احس بقلبى لازم افكر بعقلى
واخيرا رساله لكل اللى جرحنى ظلمنى فى يوم دبحنى اوعدكم مش هبكى تانى ولا هندم على اللى وزى ما اللى قبلنا قالوا عمر اللى راح ما هيرجع تانى
خليك ايجابى
يارب تكون عجبتكم ويشرفنى ارائكم
