انا والاعضاء وهواك

السلام عليكم ورحمة الله وبركاته

اذيكم يا احلي اعضاء في احلي منتدي

ان انهارده قررت اعمل موضوع جميل فكرته جميله وهو اسامه
منير المنتدي

اللي بيتكلم في كل حاجه
عن الحب

والفكره هتكون كالاتي

انا هستقبل رسايلكم الخاصه اللي هتبعتوهالي طبعا
فيها استفسارتكم عن الحب وانواعه ومشاكله

وانا هتكلم عنها من كل الاتجاهات المختلفه وهستقبل كمان
اسئلتكم اللي عايزين تسئلوها لاي حد في المنتدي

وطبعا متخافوش مش هحط اسماء الناس اللي بعتوا الاسئله او حسب
رغباتكم انتم في اظهار الاسماء

واني
هنزل كل يوم جمعه موضوع بيتكلم عن الحب عن نوع معين او عن موقف معين في
الحب ده اساسي كل يوم

جمعه هينزل
الموضوع وده ممكن اي حد برده يبعتلي اي موضوع وانا ممكن برده انزلهوله عادي

وايضا كي يوم اتنين هستضيف عضو من اعضاء المنتدي
اتناقش معاه في موضوع معين عن الحب

وده
هيبقي برده ليكم دور فيه لكن بعد انتهاء الحوار والنقاش مع العضو الضيف في
الحلقه

وطبعا طوال 24 ساعه اي حد يدخل
وعنده اي استفسار او اي تعليق يتفضل برده يقول اللي عنده

لاننا هنتكلم هنا بصراحه وبكل وضوح وكل حاجه عن الحب بدون
تحيز او مجامله

كلامنا هيكون شامل
النواحي الفلسفيه والعقليه والقلبيه وايضا يتسم بالواقعيه

وان شاء الله الموضوع يبدا علي طول

لو عجبتكم الفكره ان شاء الله

اتمني ان تنال اعجابكم

وان
تنال مشاركتكم واهتمامتكم

لكم مني كل
الود والاحترام

تسلم ايديك ياميشوووو

حلوة جداااا فكرة التوبيك

تسلم ايديك يا ميشو

بجد فكره حلوه اوى ونرجو التفعيل

فكره جامده جدا يا ميشو

بس انا عندى اقتراح

تعمل اكونت جديد وتكتب اليوزر والباسورد هنا واللى عايز يبعت يبعت منه عشان فيه مشاكل او اسئله بتبقى خاصه وبيبقى عايز (ه) يأخد رأى اصحابه بس ما بيتكلمش منعا لالاحراج واكيد لو حد عنده مشكله هيبعت لان الرساله هتبقى مجهوله

تقبل مرورى

اها صح عندك حق يا باراهيم ودى فكره جميله جدا

فكرة جامدة جدى
معاك يا معلم

1

2

3

اكشن

السلام عليكم ورحمة الله وبركاته

مساء الخير عليكم جميعا

اهلا بيكم معانا في اولي حلقات برنامجنا وبرنامجكم انا والاعضاء في هواك

بشكر كل الناس اللي بعتولنا واللي هنونا بالرنامج بتاعنا

اللي راح نتكلم فيه عن اجمل علاقه انسانيه بين الناس وهي

الحب

بكل مافيه ومعانيه الجميله وبمشاركتكم معانا

واللي هنبدأ فيه مع بداية برنامجنا بمراحل الحب

وهنبدأ بأول مرحله وهي

(مرحلة النظرات والتعارف بالعيون)

كلنا بنعيش المرحله الجميله دي وهي التعارف بالعيون ونظرات بجنون

نظره واحده بتشد القلوب ونبدأ في الحب ندوب

العيون فيها يتعرفوا وفي بعض يدوبوا ويشوف بعيون واحده

لغه جميله تدور فيما بين الجفون تحمل معاني واحاسيس جميله

ونسهر بيها ليالي نفتكر لحظه شافت فيها العيون بعضها

اجمل اللحظات والاوقات في قصص الحب الجميله التي لا تنسي تخلد في الذاكره

ونتذكرها كانها بداية حياتنا وفيها انكتبت شهادة ميلا دنا

اتكلمت فيها العيون بلغة جميله متعرفش تكدب ولا تخبي مايدور داخل القلوب
كلنا عشنا الفترة دي ومفيش حد فينا يقدر ينساها وبنفتكرها ونقول دي كانت اجمل الاوقات

ونقول

اول ما عيني شافت عينك انا تهت وتاهت عيوني في عنيك

مبقتش عايز امشي لاحسن مشفش تاني من بعد ما اشيل عنيه من عليك

دي عنيه وهي قصاد عنيك بحس ان جمال الدنيا كله ساب الدنيا وبقي في عنيك

عنيك بحر كبير مليان كلام شايلاها اجمل نظرات وتعشق عنيه هواك

وقلبي خلاص داب وسلم في هواك وقال هو ده اللي انا كان نفسي اعيش وياه

كنت فين من زمان وليه يا عنيه مكنتيش شايفاه ده كل اللي فات من غير ما اهواك كنت ميت ومليش في الدنيا حياة

كفايه كده لاحسن انا مقدرش اكمل الحلقه

عشان لو قعدت اوصف اللي انا وانتم واي حد بيحس بيه في اللحظات الجميله دي مش هقدر اقول اكتر من

دنيا فيها دابت عيوني وسرحوا جوه عنيه ومبقتش عايزه تشوف غير جماله وجمال عنيه

ده انا كل لحظه قضتها في حضن عنيه بتديني عمر جديد واعيشه برده قصاد عنيه

وقبل ما اشوفه وعنيه جات في عنيه مكنتش بشوف غير دنيا كلها متساويش نظره من عنيه

اكيد كلنا بنحس في الفتره دي احاسيس جميله ونسهر نترجم كل نظره راحت وجات

مابين عنيه وعنيه ونشوف قالي وقولتله ايه

وتشهد علينا الليالي لما سهرنا فيها نحكي ويا القمر ونقوله يوصل نظراتنا ليه لعيون حبايبنا

انا قولت كل الكلام وبرده موصفتش ولو جزء بسيط من الاحاسيس اللي بنحس بيها

في الفتره الجميله دي

متتظر رسايلكم

وكل واحد يدخل ويوصف الفتره دي بالنسبه له ويقولنا عاشها ازاي

واللي مش عايز حد يعرفه يبعنهالي في الخاص وانا احطها بدون ذكر اسماء

المهم انكم تبعتولي او تدخلوا تحكولي عن حكايتكم مع الفتره دي

سواء كنتم لسه بتحبوا والعلاقة مستمره

او حتي محصلش نصيب وانكتب لكم الفراق

منتظر اسمعكم وتحكولي عشان ارد عليكم وعلي استفشارتكم

عن اولي مراحلنا في الحب

وهي (مرحلة النظرات والتعارف بالعيون )

في انتظاركم

كان معكم

من برنامجنا وبرنامجكم انا والاعضاء في هواك

misho

تمام جدا يا ميشو
وتعرف والله فكرتنى باجة كان لى واد صاحبى فى الكلية
فضل فى مرحلة العيون دى يجى سنة يبص وخلاص
لحد مابيحبها زهقت يعنى هههههههههههههههه
استمر يا ميشو جامد احر فيصل

توبيك رائع يا ميشو Smile

ولما اجرب هبقى اجي احكي لكم Smile

[ندعوك للتسجيل في المنتدى أو التعريف بنفسك لمعاينة هذه الصورة]

مون كتب:: تمام جدا يا ميشو
وتعرف والله فكرتنى باجة كان لى واد صاحبى فى الكلية
فضل فى مرحلة العيون دى يجى سنة يبص وخلاص
لحد مابيحبها زهقت يعنى هههههههههههههههه
استمر يا ميشو جامد احر فيصل

شكرا لمرورك يامون ولو عندك اى سؤال بخصوص موضوع حلقتنا اتفضل ياريس

hagar ahmed كتب:: توبيك رائع يا ميشو

ولما اجرب هبقى اجي احكي لكم

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لمرورك ياهاجر نورتى التوبيك ومنتظرينك تيجى تحكى

حلوه كتير الحلقه يا ميشو

عارف انت بقا يعنى ايه اتنين يبقوا اقارب وبيشوفوا بعض كل يوم وبيتعاملوا زى الاخوات بالضبط وكل واحد فيهم عارف ان التانى بيحبه طبعا مكنش دا صريح بس كان باين من النظرات زى ما بتقول كده وكان واضح جدا وكانت بجد فتره جميله جدا

كان كل واحد فيهم بينتظر الوقت اللى يشوف فيه التانى ويقعد يتكلم معاه كان احساس جميل اوى رغم انهم كانوا بتعاملوا زى الاخوات بالضبط ولما خلاص بقا كل واحد اتاكد من مشاعر التانى ناحيته بدات مرحله المصارحه بالممشاعر ودى المرحله التانيه يا ميشو مش هحرقها بقا المهم بعد كده حصل وقرينا الفاتحه بس للاسف حصل مشاكل بوظت الدنيا كلها وكل حاجه راحت لحالها

وفى انتظار الحلقه القامه يا ميشوووووووووووو

وانا هكون مساهمه معاك على طول

حلقه جميله اوى ياميشو تسلم الايادى وفى انتظار الحلقه القادمه

حلقه جامده جدا يا ميشو فى انتظار الباقى

فى انتظار القادم يا ميشو

شكرا لمروركم جميعا نورتو التوبيك

وطبعا موعدنا غدا مع حلقة يوم الاتنين من كل اسبوع

اللي بيكون معانا فيها ضيف للحلقه

وضيفنا في الحلقه دي

اللي هنتناقش عن المرحله الاولي من الحب

اللي اتكلمنا فيها

وهو

الضيف

الضيفه

المشرفه

زهرة الربيع

تماااااااااااااااام فى انتظارك يا زهره

تمام جدا فى انتظار
زهرة الربيع

^_* فينك يا زهره مستنيينك ^_^

فى انتظارك يا زهره

فكره جميلة جدااا يا ميشو

في انتظارك يا زهره

منتظرينك يا زهره

فى انتظااااااااار

زهــرة

انتى فين يا زهره

لسه زهرة مش جت

» انا وانت والاعضاء وهواك