السلام عليكم ...
طبعا كلنا بقينا بنعانى من مشاكل الانترنت ، والوضع بيزداد سوء كل يوم ...
ولقيت اعضاء كتير بتشتكى وبتستفسر .. فحبيت اعمل تيست صغير يمكن يفيد حد عنده مشكله ، عشان يقدر يحدد بالظبط هل فعلا المشكلة عنده ، وان عنده فايرس ، ويدخل سيف موود ، والسنترال ، ولمبة الراوتر اللى بتبربش ولا ثابتة ... الخ الخ
ولا فيه فعلا مشكلة عامة فى مصر ، او فى اغلب محافظات مصر.
فى المقارنة اللى هاتشوفوها ، انا ما بحاولش ابدا اقول ان فيه شركة افضل من شركة ، بالعكس تماما ،، انا بحاول اقول ان كل الشركات زى بعضها ، وان فيه عيوب فى كل شركة بتخلى النتجيه فى الاخر ان الانترنت هايكون وحش ...
وهاتلاحظ برضه ان كل شركة من الشركتين اثناء البطء والمشاكل ( على مدار اليوم لحد بعد الفجر ) هتلاقى ليها ممزياتها وعيوبها اثناء فترة البطء ،، بمعنى اوضح :
المقارنة:
شركة تى داتا البنج فيها عالى خلال اليوم - بس برغم انه عالى لكن ثابت ومش بيقطع وشبه مستقر
شركة لينك البنج فيها افضل شويه من تى داتا ( اثناء البطء برضه ) لكن العيب انه غير مستقر وبيتنطط وفيه تقطيع كتير
نقطه تانيه :
شركة تى داتا سرعتها ( وقت البطء ) افضل من لينك بكتير ،، يعنى لو خطك 4 ميجا هاتقدر تسحب بما يعادل 2 ميجا او اكتر شويه اثناء فترة البطء .
بينما فى شركة لينك وقت البطء بتضيع خالص ،، لو جبت سرعه 4 ميجا او واحد ونص ، تبوس ايدك وش وضهر ، وهتلاقى اغلب الوقت انت شغال بأقل من 1.5 ميجا
لكـــــــــن..........
بعد الفجر ، ولما العفريت بـينام والدنيا بتتغير ,, كل حاجه بتتغير
شركة تى داتا / اقصى سرعه ليها مش هاتعدى 3.5 ميجا ده لو خطك 4 ميجا
ولو بتعمل داونلود هتلاقى البينج بيعلى مع شويه تقطيع خفاف
شركة لينك / اقصى سرعه ليها فى حدود 4 ميجا بالتمام والكمال ويمكن بتعدى الاربعه احياناً
و البينج ما بيعلاش وقت الداونلود - او بيعلا شىء لا يذكر ،، ومش هايكون فيه تقطيع
الخلاصــــة :
شركة لينك افضل من شركة تى داتا بلا منازع ( لما العفريت بيناااااام )
لكن والعفريت صاحى - الاتنين زى الزفت - لكــن تى داتا هاتسند معاك حبتين
وبشكل عام / النت زى الزفت فى مصر كلها - وبصراحه ما اقدرش اقول او اجزم ان الشركات فقط هيا السبب فى ده ,, الله اعلم - بس فعلا الوضع متدمر وما اعتقدش انى لو صاحب احدى هذه الشركات انى هاسيب الوضع بالطريقة البشعة دى ,,
اعتقد ان الموضوع اكبر من الشركات - والله اعلم -
شكرا لقراءة الموضوع.
