السلام عليكم
هو احنا ليه كده؟
ليه كل منحاول نتغير
نرجع تاني...
هو بجد احنا عايزين ربنا؟
طيب ايه اللي مانعنا نقرب منه
ايه اللي بيبعدنا عنه
ايه اللي منفرنا من ربنا كده
و الا خايفين انه ميقبلناش
خايفين انه بعد المعاصي دي كلها
ميفتحش لينا الباب
قال تعالى:
[ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا].
يآآآآاه لو بجد عرفنا معنى انه كان غفاراً
يا الله ما اعظم مغفرتك
يا الله ما اعظم رحمتك بينا
عارفين لما حد بيعصيه
بيقول لملك اللسيئات متكتبش السيئة
غير بعد 6 ساعات
يمكن يتوووووب
و لو تاب بيمحيها
و اللي مش راضي يتوب خالص
بيفضل يناديه و يدعوه و يقوله:
عبدي لو بلغت ذنوبك عنان السماء
ثم لقيتني و لا تشرك بي شيئا غفرت لك.
و حتى بعد منقضي حياتنا كلها في المعاصي
و نرجعله نقوله يا رب يا ترى هتقبلنا؟
بيتفتح لنا الباب
و يفرح بنا فرح شديد
سبحانه و تعالى
و يقول لكل واحد فينا
أحببتنا فأحببناك
وعصيتنا فأمهلناك
و إن عدت إلينا قبلناك
و إن عدت إلينا قبلناك
و إن عدت إلينا قبلناك
عرفتوا بقى معنى انه كان غفارا
ها يا جماعة مستنين إيه؟
يالا
اتعبوا شوية
و قولوا جايين لك يا رب
____________
منقول عن الشيخ حازم شومان
