يا تري فكرت فيها كدة قبل كدة!!

محمود السلام عليكم ورحمه الله وبركاته



احمد وعليكم السلام ورحمه الله وبركاته

تعالى يا محمود اتفضل اخبارك ايه



محمود الحمد لله كويس

موابيلي اتسرق



احمد موبايلك ؟؟ الجديد!!!



محمود اااه



احمد لا حول ولا قوة الا بالله ازاى يا بنى؟؟



محمود مش عارف والله كنت حاطه في جيبى وركبت المواصلات نزلت مالقتوش

يلا قدر الله ما شاء فعل

المهم ان جاى اشوف موبايلك انت كنت جايبه بعد بتاعى صح؟؟



احمد اه اتفضل اهو



اخذ محمود يري بالهاتف وصدم ثم قال



ايه ده يا احمد انت حاطط على الموبايل اغانى احنا مش اتفقنا مش هنسمع اغانى تانى



احمد بقولك ايه يا شيخ محمود خليك في حالك واركن على جنب انا حر ما لم اضر ماشي

انا مش برضي اسمع ولا ادي حد اغانى من عندى يبقي كدة بضر نفسي وخلاص ارحمنى بقي



محمود ايه يا عم النافورة اللى انت فتحتهالى دي خلاص يا عم براحتك



وساد الصمت قليلا



احمد انت زعلت يا محمود انا اسف


لم يرد محمود



احمد خلاص بقي لسه زعلان؟؟



محمود طب ممكن ترد على الأول؟؟


احمد اتفضل يا محمود

محمود انت بتحب باباك ومامتك

احمد (باستغراب) اكيد طبعا هو فيه حد مش بيحب باباه وماماته


محمود متاكد ؟؟؟
متاكد انك بتحبهم وبتخاف عليهم؟


احمد (بعنف)اه طبعا يا محمود انت بتكلم في ايه؟؟
انت عارف في دي بالذات الا بابا وماما
انا اكبر واحد في اخواتى وحتى لو ما انت عارف بعاملهم ازاى انت عارف اد ايه انا بحبهم ومطيقيش عليهم اى حاجة
ايه يا محمود الكلام اللى انت بتقوله ده


محمود طب اهدى بس كدة في ايه يا بنى انت مالك خلقك بقي في رقبتك اليومين دول كدة ليه ومش بقيت تطيق كلمة لحد


احمد انا هادى اهو
ابتسم محمود وقال له طب صلى على النبي


احمد صلى الله عليه وسلم


محمود بص يا سيدي


احمد بصيت


محمود هو مش باباك تعبان في الشغل عشان يجيب فلوس؟؟ لمين ؟؟ مش عشانكوا صح؟؟


احمد اكيد طبعا

محمود طيب مش ربنا هو اللى رزق باباك بالمال ده ؟؟؟ والرسول صلى الله عليه وسلم َ: "لا تزولُ قَدَمَا عَبْدٍ يومَ القيامةِ حتى يُسألَ عنْ أربع ٍ عنْ عُمُرِهِ فيما أفناهُ وعنْ جسدِه فيما أبْلاهُ وعنْ مالهِ مِنْ أيْنَ أخذهُ وفيما أنْفَقَهُ وعنْ عِلمِهِ ماذا عَمِلَ بهِ".

احمد انا مش فاهمك يا محمود تقصد ايه بالكلام ده؟؟

محمود اسمعنى للآخر

باباك دلوقتى تعب وجاب فلوس وادهالك عشان تروح تشتري الموبايل
تقوم حضرتك بكل بساطة يا باشا تروح تنزلي عليه اغانى وانت عارف انهابتبعدك عن ربنا وانها حرام
طب يا عم لو انت شايف انك هتضر نفسك وتستحمل عذاب ربنا

مش صعبان عليك باباك يوم اما يقف ادام ربنا
وربنا يحاسبه على الفلوس اللى تعب فيها عشان يجيبلك بيها موبايل حضرتك بتعصاه بيها
(اثناء ذلك تغير ملامح احمد وبدا عليه اهتمام شديد وبدا الحزن يظهر على وجهه)

لو شايف انك انت بتبالى بنفسك
مش صعبان عليك والدك ووالدتك انهم يقفوا يتسالوا عليك يوم القيامة انهم سامحولك بالأغانى دى
هيبقوا واقفين قدامك كدة عمالين يتحاسبوا بسببك يا باشا وانت ...

هنا اجهش احمد بالبكاء وقال واخذ يبكي بشدة

كفاية يا محمود كفايه ارجوك

انا تعبااااااااااااااااااان

لا طبعا عمري ما كان هدفي كدة ولا عمري كان تفكيري كدة

بس والله ما خطر في بالى انى افكر بالشكل ده قبل كدة

لالالالا عمري ابدا ما اقدر اضر بابا وماما لا.. لا..لا..

انا بابا وماما يحاسبوا بسببي!!

قام محمودوحضن احمد واخذت عيناه تذرف بالدموع ايضا ثم قال

طب صلى على النبي كدة يا احمد وتعالى واهدي وتعالى بقي نتكلم بالعقل بعيد عن الشيطان الملعون ده

نيس توبيك جزاك الله كل خير

وجزاكى الله خيرا مثله وشكرا لمرور حضرتك