اتنين مخطوبين مش طايقين بعض

الخطيب : بحبك ( يا بااااااي )

الخطيبة : وانا كمان ( داهيه تاخدك )

الخطيب : من اخر مره وانا بافكر فيكي ( يارب تغوري من وشي )

الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )

الخطيب : امال فين حماتي مش شايفها يعني ( الحربايه الكبيره )

الخطيبة : موجوده اندهها لك ( علشان تسم بدنك )

الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيبة : ماما تعالي كلمي ( علي الله تقولك حاجه ترفع لك الضغط )

الخطيب : اهلا يا حماتي ازيك ( الهي ما تكوني بخير )

الحماة : اهلا يا خطيب بنتي ( بلا نيله )

الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )

الحماة : الف مبروك يا حبيبي ( ياما جاب الغراب لامه )

الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )

الخطيبة : وماله طبعا لازم نشوفها ( اكيد قد الحق وفي منطقه معفنه )

الخطيب : علي فكره يا حماتي ( جتك حمه )

الحماة : ايه يا خطيب بنتي ( خطيب الشوم والندامه )

الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )

الحماة : وماله يابني بس مش لسه بدري ( جتك نيله مستعجل علي ايه )

الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )

الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )

الخطيب : طيب يا حماتي انا حامشي دلوقتي ( افففففف انا اتخنقت من الوليه دي )

الحماة : ماهو لسه بدري ( في ستين داهيه )

الخطيب : باي يا حبيبتي ( حبك برص )

الخطيبة : مع السلامه يا حبيبي ( البلد اللي تودي )

الخطيب : كلميني في التليفون ( يا رب يقطعوا الحراره )

الخطيبة : اكيد يا حبيبي ( غور بقي )

هههههههههههههههههههههههه
نايس توبيك نونو ههههههههههههه lol!

[ندعوك للتسجيل في المنتدى أو التعريف بنفسك لمعاينة هذه الصورة]
]I don't know you, you don't know me
You don't know the history I got on these streets
Only if you seen what my eyes have seen
Then you'll understand why I'm surrounded by Gs
If you owe me, and we got beef
I recommend ya reach for ya heat and don't freeze
Pause for a minute, guaranteed ya gon' bleed
Cause that's how we was raised, growin' up in these streets

ههههههههههههه

اوقات بيحصل كده فعلا

ميرسي مهند وحماده لمروركم
منورين التوبيك

ههههههههههههههههههههه توبيك جميل تسلم ايدك

هههههههههههههههههههههههههههههههههه

تسلم ايدك ياقمر

ميرسي كتييير ابراهيم وملاك لمروركم
منورين التوبيك

نيس توبيك يانونو فعلا الموضوع ده جميل اوى هههههههههههه

شكرا هيما لمرورك
منور التوبيك

» حوار بين اتنين ستات
» حوار بين اتنين طورررررررررررررش
» اتنين وعشرين سؤال من مسيحى وسؤال من مسلم