مشكلة عاطفية

تذكير بمساهمة فاتح الموضوع :

ازيكو ياشباب واحشنى جدا من زماااااااااان وانا بفكر انزل موضوع يكون كويس مش عارف هو فعلا كدا من رايكم انتو كمان ولالا

ندخل فى الموضوع

كتير مننا بيبقا نفسه يعبر عن حاجة جوة ومش عارف خايف من الناس نظرة المجتمع كلام الناس صح كتير منا نفسه يفضفض هنا فى المنتدى بس بيخاف من نظرة الاعضاء

فانا جاتلى فكرة اسمها (مشكلة عاطفية

هعمل اكونت فى المنتدى

الاسم مشكله

الباسورد 123456

تمام اللى عنده مشكلة عاطفية مجروح حبيبه خانه بيحب حد وعاوز يوصله حبه له هيجى يحكى هنا بالاكونت دا كدا محدش عارف مين دا شخصية مجهولة ومش من حق اى حد يساله انت مين هيقول مشكلته واحنا معه كلنا نحله له وبكدا هنتكلم ونفضفض من غير مانخاف من حد اليوسر متاااااااااح الاستخدام لكل الاعضاء


شروط استعمال البرنامج

1-ممنوع استخدام اليوسر فى اى مشاركة خالف التوبيك دا

2- ممنوع الردود الباهته او الهزار فى الموضوع ياخذ بجدية

3-ممنوع اى عضو يسال صاحب المشكلة انت مين من اعضاء المنتدى

4- يحق صاحب المشكلة يتكلم كيفما شاء فصوته يسمع ونحن اذنن صاغية له ..

فى النهاية اتمنى انى الموضوع ينال اعجابكم ومنتظر ردودكم علشان اعمل الاكونت دا

صح ان بقيد
راى فوفا
جدااااااا
وربنا يوفقكم مع بعض
يااااااااااااااارب
تقبلى مرورى

بصى يا مشكله فندم طبعا كل الاراء اللى اتقالت على عينى وعلى راسى من فوق

اولا ربنا يوفقك لما يحبه ويرضاه
ثانيا وجهة نظرى المتواضعه

بصى يا بنت الناس اللى انا اعرفه طالما هو شخص كويس ومحترم وووووو الكلام الجميل دا كله جميييييييييل جدا ودا يخليكى تتمسكى بيه وهو عليه انه يتقدم رسمى او ياخد خطوه ايجابيه لان انتى على حد كلامك انتى اكبر منه تقريبا نقدر نقول ب4 سنين مثلا

الحب حاجه جميله اوى والصفات اللى ف حبيبك دى جميله اوى واى واحده تتمناها
هى الواحده ايه تتمناها ف اللى يحبها غير الصفات الجميله اللى انتى قولتيها دى

نيجى لموضوع السن والله انا من وجهة نظرى لو كان الراجل اكبر من الست يكون افضل ويكون الفرق برده مش كبير يعنى تقريبا نقدر نقول من 2ل5

لكن الست تكون اكبر دى صعبه شويه وصعوبتها ان مجتمعنا كدا يعنى مجتمعنا ييجى مثلا واحد يتجوز واحده اكبر منه دا عندهم عيب وممكن تلاقى بعض الناس الجهله اللى ف المجتمع مفكرين انه حرام

كل مافى الموضوع يا جماعه علشان بس نعرف ليه المفروض بيكون الراجل اكبر من الست
الست يا جماعه بتيجى لسن معين وخلاص يعنى هنقدر نقول شكلها بيكبر وبتكون مش مقبوله من زوجها او من الاخر غير صالحه للانجاب

بس انا شايف ان 4 سنين يعنى لحد ما مش كتير وطبعا احنا منعرفش ظروفه هيتجوز وهو عنده كام سنه طبعا ان كان جيشه ولا هيجهز نفسه فمينفعش انه يتجوزك مثلا وانتى عندك 30 سنه طبعا مينفعش خالص فانتى والله شوفى درجه التقبل عند الراجل دا لو هيقدر يعيش على النظام دا وانتى موافقه على كدا خلاص اوك
وربنا يهنيكم ببعض

وربنا يعمل اللى فيه الخير

المشكله التانيه

بسم الله الرحمن الرحيم

من الاخر
مفيش ام هتقف فى وجه سعاده ابنها مهما كان درجه المساؤ اللى هتتعرض ليها

انا من رايى والله تروح تقول لوالدتك
يا ماما انا بحب انسانه تانيه وانا سعادتى هتكون معاها واحنا بنحب بعض وهى شخصيه محترمه واهلها ناس كويسين والكلام دا
وبنت خالى دى انا بعتبرها زى اختى وانا مش هينفع ارتبط بيها لان انا لاقيت الانسانه اللى هلاقى راحتى معاها وحاول تقنعها بالراحه وصدقنى والدتك عمرها ما هتقف فى طريق سعادتك لو هتواجه الدنيا كلها

وحاول تكسب والدتك بكلمتين حلوين وخلى بالك الام واحده
ههههههههههههههه

وبالتوفيق ان شاء الله


سورى اتاخرت ف ردودى

أنا مش عارفه أبدأ ازاى وأقول أيه بس أنا بجد مدخلتش هنا الا بعد ما حسيت إنى يأست ومبقاش فى إيدى حاجه أعملها الموضوع ببساطه إنى فى شخص عزيز جدا عليا ممكن تقولوا من الاخر إنه أقرب حد ليا هو صحيح احنا مفيش بينا علاقه حب أو ما شابه ذلك لكن كل واحد فينا بيعز التانى أوى وبعترف أنه وقف جانى فى حاجات كتير ومشاكل ملهاش حد صراحه كان ليه دور كبير فى حياتى كما انى لاحظت فى الفتره الماضيه أنه غير فيا حاجات كتير أوى لدرجه إنى حاسه إنى بقيت أنسانه تانيه خالص

كما ان والدته كمان قريبه منى اوى وبحبها وبتحكيلى دايما على كل حااااااااااااجه حتى أدق التفاصيل عن حياتها عشان كدا شايفه ان عليا واجب تجاههم ولازم أديت فأرجوكم تساعدونى فى المشكله اللى هعرضها عليكم

أولا الشخص دا عنده بعض التصرفات كلنا رافضينها تماما ومنها ترك الصلاه بيعرف بنات كتير أوى بيسهر طول الليل بره البيت وطول النهار نايم دا طبعا فى ايام الاجازه مش الشغل مستهتر معرفش بيودى فلوسه فين حياته ملغبطه خالص بجد محتاج تعديل وترميم من الاخر الكل حاول يتكلم معاه لكن مفيش فايده شايف انه كدا صح وفى يوم والدته طلبت منى انى اتكلم معاه يمكن كلامى يجيب نتيجه وخصوصا انى اعرف عنه كل حاجه فى حياته ومش بيخبى عنى حاجه

ولما جيت اتكلم معاه بدأ يتهرب منى بل إنى حسيت أن معاملته معايا اتغيرت تماما حتى تليفوناتى مبقاش يرد عليا ولما اروح عندهم يخرج من البيت عشان ما اتكلمش معاه فى حاجه ولو جت فرصه واتكلمت ينتهى الحوار باننا نزعل مع بعض ومش مدى فرصه لحد يتكلم وانا نفسى اغيره واحسسه انه غلطانه بس مش عارفه اعمل أيه

أرجوكم ساعدونى وقولولى اى حاجه هعملها مهما كانت بس هو يتغير

السلام عليكم ورحمه الله وبركاته

الرسول عليه الصلاة والسلام وضع لنا كتير جدا من الحلول ودا بعد القران الكريم واحنا علينا نشوف الانسب ونمشى عليه


عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .


حاولوا تتغيروا من ناحيته حاولوا تحسسوه ان انتوا زعلانين منه علشان حاله وهو ان شاء الله هيستجيب لان دا ف الاول وف الاخر انسان بيحس واكيد يهمه مشاعر اقرب الناس ليه

وربنا يوفقكم وتقدروا تغيروه

على فكره ياميشو الفكره دى جااااااااااااااااامده كيك تسلم دماغك ياكبير