أيهما أسعد البنت ولا الولد
البنت تتكلم براحتها في التليفون وابوها او جوزها هما الي بيدفعو الفاتوره في الاخر
البنت مش ملزمه تجهز نفسها ابوها او البيه ( خطيبها ) هم الي هايدفعو دم قلبهم
مفيش حد بيبوص علي بدلة العريس كله بيبوص علي فستان العروسه
لو واحده عملت مخالفه وعيطت شويه للظابط هايعديها لو راجل حياخود علي دماغه
لو واحده ماأدتش قريبها هديه مش هيقولو عليها بخيله حيقولو العيب علي جوزها
لو واحده اتأخرت علي المحاضره ممكن الدكاتره يدخلوها لو ولد حيقولو روح يا بابا نام بره في الشمس
لو حصل زعل بين البنت وباباها مش هايطردها برة البيت حيروح يصلحها اما الولد ....
دلع البنات:
ياختي كميله ( سنتين )
يا عسوله ( 5 سنين )
يا عروسه ( 12 سنه )
يا قمر ( 18 سنه )
يا هانم ( 40 سنه )
يا ام العيال ( 50 سنه )
يا ست الكل ( 60 سنه )
دلع الولاد :
انت ياض ( 10 سنين )
انت يا شحط بقيت طول الباب ( 18 سنه )
ياراجل ( 40 سنه )
ياعم الحج ( 50 سنه )
ياراجل يا عجوز مناخيرك اد الكوز ( 60 سنه )
