صحيت مريم الصبح
لبست بسرعه وراحت الكوافير
وخلصت حاجتها وراحو الفرح
والفرح تم زى ما احمد كان عايز من غير اى مشاكل
وروحو بيتهم
واول ما مريم دخلت الشقه
قالت مريم:
أخيرا أصبحت في شقتي عشي الصغير
احساس
جميل ان يكون للبنت بيت خاص اختارت فيه كل ركن وكل جزء على ذوقها الخاص
اخيرا انتهت الترتيبات والمشاوير والسهر والخناقات من اجل فرش هذا العش
الرائع الصغير اخيرا انتهى تفحص المعازيم في ك وكل واحدة من عواجيز الفرح
تمصمص شفايفها وتقول: مش كانت بنتي أحسن؟
تعبت جدا من حمل الفستان الثقيل والحذاء الضيق سبحان الله هو كل احذية العرايس بتكون ضيقة ليه؟
واخيرا اخيرا ح اكون لوحدي
وفجاه لقيت احمد بينادى عليا
ايه ده صوت احمد بيقول: مدام احمد اجمع عندي بالخطوة السريعة
مدام؟ انا يا بيه؟
احمد:
ايه يا ستي سرحانة في ايه ده كله؟ هو علشان مفيش حد فى جمالك النهاردة
يبقى خلاص؟ لا يا هانم انا لما انده عليكي تيجي قبل ما انده مفهوم ؟
احمد:وبعدين فين القطة علشان ادبحهالك ؟
مريم:انت عاوز تاكل قطط النهاردة ولا ايه؟ لو دبحتها ح اطبخهالك فورا
احمد: تطبخيها ؟!! بنات اخر زمن يعني مش خايفة مني ؟
مريم: لا مش خايفة أنا فرحانة جداً وانت ؟
احمد:
انا أسعد انسان في الدنيا اول مرة بنتكلم انا وانتي من غير الف محرم وعزول
في بيتنا بجد البيت جميل أوي ذوقك طلع يجنن يا مريم لما كل حاجة اتفرشت
واجمل ما فيه ان حبيبتي فيه
مريم اتكسفت
لا لا مفيش كسوف خالص
خلّصنا الحدوتة دي شوفي انا باقول علشان ربنا يكرمنا في حياتنا نصلي انا
وانتي ركعتين نبدأ بيهم حياتنا علشان ربنا يبارك لنا كل خطوة ماشي ؟
مريم: ماشي يا حبييبي
احمد: حبيبي؟!! لا يا ستي قومى غيرى هدومك واتوضى احسن كده مش مصليين خالص
مريم:قمت ودخلت حجرة النوم
يا
خبر ايه كل الجيبونات اللي في الفستان دي انا كنت شايلة حديد زي المصارعين
مش فستان لازم يعذبوا البنات فى كل شىء والله حرام الغلب ده
غيرت الفستان باعجوبة وارتديت عباءة جميلة مطرزة
وتوضئت
في حمام غرفة النوم وأزلت ماكياج الفرح وأسدلت شعري ليراه احمد لأول مرة
وخرجت له لأجده غير البدلة وارتدى البيجاما التي أوصانى العالم كله ان
أهديها له وكأن الجوازة ستفشل لو لم تُهدي العروس عريسها بيجاما يوم
الزفاف وسيكتب الخبر فى الصفحة الاولى
وجدته ينظر لي نظرة كلها اعجاب وحب واستقبلني مهللاً
احمد: انا عرفت دلوقت ليه الحجاب فُرِض لو كنتي بتخرجي بشعرك الجميل ده كانت حصلت مظاهرة يالاّ يا ستي نصلي أحسن كده مش ح ينفع خالص
وصليت
وراء زوجى لأول مرة واحسست احساس رائع ان زوجي الامام وان الله شاهد علينا
ونحن نبتهل بين يديه ان يرزقنا السعادة والتوفيق.. ودعا احمد دعاء طويل
وأمّنت عليه وانا أدعو من قلبي ان يحقق الله كل كلمة فيه وان يكون زوجي
الحبيب حبيباً طوال العمر وألا يفرقنا إلا الموت والا يدخل الشيطان بيننا
ابدا
وانهينا الصلاة وجلسنا انا واحمد يدي فى يده
وبدا الخوف يظهر على مريم
احمد لاحظ عليها وقرا افكارها
احمد:مالك يامريم متخافيش من حاجه وعلشان تطمني انا عاوز اتكلم معاكي واستمتع ان انا وانتى لوحدنا لأول مرة
أحسست بجبل أزيح من فوق صدري وشكرت تفهم احمد ورقته المتناهية
وتحدثنا طويلا طويلا كأني طوال عمري لم أتحدث وكان أعذب حديث شعرت به فى حياتي أتكلم مع زوجي وحبيبي وفتحت له قلبي
و.......... سكتت شهرزاد عن الكلام المباح
وتبعونا بكره عشان نشوف ايه اللى حصل لما لما مريم هتصحى من النوم
