صحيو من النوم زى كل يوم وهما على الفطار
احمد:هتعملى ايه انهارده
مريم:ابدا انا هروح الشغل اخد اجازه وارجع على طول
بس اصلا مريم واخده اجازه من امبارح بس هى بتقول لاحمد كدا عشان تنزل تجيب الاكل بتاع العزومه
احمد:وليه مخدتيش من امبارح
مريم:نسيت وعادى انا موش هتاخر
احمد:اوكى يامريم عايزك ترفعى راسي قدام ماما وبابا انهارده
مريم:انت عندك شك انى مرفعش راسك ولا ايه
احمد:لا ياحبيبتى معنديش بس باكيد عليكى
مريم:لا متخافش ده انا هخليهم يقولو احمد اتجوز طباخه درجه اولى
احمد:لما نشوووف
مريم:طب يلا انت هتقعد ترغى ونتاخر على الشغل
احمد:لا ياستى يلا بينا
ونزلو وراح احمد وصل مريم لشغلها وراح هو على شغله
بس مريم استنيت لما احمد مشي وراحت مشيت هى كمان
راحت تجيب لاكل اللى هى كانت حاجزه
مريم:مساء الخير
الجرسون بتاع امبارح:مساء النور ياافندم
مريم:الاورد بتاعى جاهز
الجرسون:ايوه ياافندم عشر دقايق ويبقي جاهز اتفضلى استريحى
مريم:اوكى ميرسي
وقعد مريم وبعد عشر دقايق الجرسون:اتفضلى يافندم
مريم:ميرسي مع السلامه
خدت مريم الحاجات ومشيت وروحت على البيت
واتصلت بي احمد وقالتله ان هى روحت
مريم طب اعمل ايه بقي دلوقتى
اه اروق الشقه بس بضمير بقي بدل ما حماتى تيجى تعيب عليا انى موش بنضف
وروقت الشقه وخلصت كل حاجه
مريم:يانهااااارى كنت هنسي اطلع الاكل من العلب بتاعت المحل ده انا كنت هتفضح
وطلعتهم مريم من العلب وحضرت كل حاجه
طب اعمل ايه بقي ارمى العلب دى فين
انا هخبيها لغايه بكره وارميهم
وراحت مريم تشوف مكان تخبي فيهم المصيبه دول اللى لو حد شافهم هتروح في داهيه
لقيت الباب بيخبط
مريم:ياتري مين جه
مريم:ميين
اللى برا افتحى ياحبيبتى انا ماما
فتحت مريم:ازيك ياحبيبتى عامله ايه اومال فين بابا
الام:انا قولتله هروح عشان لو عايزه حاجه اساعدك
مريم:لا متخافيش يماما انا خلصت وكله تمام
الام:خلصتى ازاى
مريم:زى الناس ياماما عملت كل حاجه خلاص
الام:انا موش مصدقه نفسي
مريم:تعلى اوريكى عشان تصدقي
دخلت مريم والام المطبخ الام لقيت الاكل اشكال والوان
الام:بقي انتى يامريم اللى عامله الاكل ده
مريم:ايوه ياماما اومال اشتريته جاهز يعنى
الام:مريم متتضحكيش عليا انا امك واكتر واحده عارفه انك مبتعرفيش تعملى اكل
مريم:وشها احمر وقررت ان هى تقول لامها امها برضو ستر وغطى عليها
الام:بس اللى انتى عملته ده غلط يامريم
مريم:طب اعمل ايه ياماما يرضيكى يعنى اقول لاحمد انى متعزمش مامتك وباباك عشان انا مبعرفش اعمل اكل
الام:دى غلطتك من الاول ياما قولتلك اتعلمى تعملى اكل
مريم:طب اللى حصل بقي ياماما واوعدك انى اتعلمت من الدرس ده وبعد العزومه هاجيلك وتعلمنى
الام:ماشي وربنا يستر ومحدش يكتشف المصيبه اللى انتى عملتها دى
مريم:ان شاء الله اليوم هيعدى انا هروح اغير هدومى بقي ياماما عشان احمد وحماتى زمانهم جاين
الام:ماشي
دخلت مريم والبس ايه البس ايه انا عايزه طقم جامد بقي بدل ما حماتى تيجى تتدينى كلمتين زى المره اللى فاتت وانا جايه من السفر
طلعت طقم جامد من عندها ولبسته وحطيت الميكاب وبعد شويه لقيت الباب بيخبط
وراحت عشان تفتح لقيت احمد
احمد:ايه الحلاوه دى
مريم:طب ادخل واسكت عشان ماما جوه
احمد:حماتى هى فين دى وحشانى جدا وبيعلى صوته عشان حماته تسمعه
حماته :انا لو وحشاك كنت فكرت تتصل بيا
احمد:ده انا مشغول في الشغل جدا
مريم:اومال مامتك فين مجاتش ليه
احمد:انا اتصلت بيها وهى في الطريق
احمد:اومال فين عمى
ام مريم:هو هيجى من الشغل علينا
وبعد نص ساعه الباب خبط لتالت مره انهارده
احمد:دى اكيد ماما وبابا
وقام
عشان يفتح ولقاهم فعلا باباه ومامته وبعد ترحيب طويل اكنهم مشفوش بعض من
سنين مع انه تقريبا بيروحلها كل يوم دخلو ودار الحوار ده
مريم:ازيك ياطنط ازيك ياعمى
ام احمد:اهلا
ابو احمد:ازيك يابنتى عامله ايه
مريم:الحمدلله نورتنا انهارده
ام احمد:موش بترد
ابو احمد:ده نورك طبعا يابنتى
ابو احمد لقي ام مريم موجوده
ازيك ياحاجه منوره
ام مريم:ده نورك ونور الست ام احمد
ام احمد موش طيقه حد من اهل مريم
ولقو الباب بيخبط لرابع مره
مريم:ده تلقيه بابا
ام احمد في سرها اهى كملت
دخل ابو مريم:السلام عليكم
كل الموجودين معاهده ام احمد طبعا:وعليكم السلام
وبعد الترحيب قامت مريم تحضر السفره وقام امها عشان تساعدها في التحضير
وبعد ما خلصت تحضير اتفضلو السفره جاهزه
قامو كلهم وقعدو على السفره
ام احمد:وانتى بقي يامريم امك اللى عملت معاكى الاكل ده؟
ام مريم:لا انا بنتى شاطره وهى اللى عملت كل الاكل ده لوحدها
احمد:انتو هتقعدو تتكلمو وموش هناكل يلا اتفضلو دوقو عمايل مريوم حبيبتى
ام احمد:مريوم وماله
وقعدو ياكلو
ام احمد :في سرها طلعتى بتعرفي تعملى اكل اهو يامضروبه
مريم :ايه رايك في اكلى ياطنط
ام احمد:موش بطال
رد ام مريم:تسلم ايدك ياحبيبتى الاكل تحفه
مريم:تسلمى ياماما
وبعد الاكل قامت مريم حضرت عصير وحلويات
وقعدو شويه يتكلمو مع بعض وقامو كلهم روحو
مريم:الحمدلله اليوم عدى على خيرررر
احمد:تسلمى ياحبيبتى بجد تسلم ايدك الاكل كان حلو اوى
مريم:عشان تعرف انك متجوز طباخه درجه اولى
احمد :اه مانا عرفت خلاص
وفجاااااااااه حصلت حاجه موش متوقعه
تبعونا بكره عشان نعرف ايه اللى حصل
